ഇന്ത്യയുടെ വാനമ്പാടി ലതാ മങ്കേഷ്‌കര്‍ക്ക് വിട നല്‍കി രാജ്യം. പൂര്‍ണ ഔദ്യോഗിക ബ ഹുമതികളോടെ മുംബൈയിലെ ശിവാജി പാര്‍ക്കിലായിരുന്നു സംസ്‌കാര ചടങ്ങുകള്‍. പ്രധാനമന്ത്രി നരേന്ദ്ര മോദി, മഹാരാഷ്ട്ര മുഖ്യമന്ത്രി ഉദ്ദവ് താക്കറെ അടക്കമുള്ള പ്രമുഖ ര്‍ ശിവാജി പാര്‍ക്കിലെത്തി അന്ത്യോപചാരം അര്‍പ്പിച്ചു
മുംബൈ : സംഗീത സ്വരമാധുരിയില്‍ തലമുറകളെ ആനന്ദിപ്പിച്ച ഇന്ത്യയുടെ വാനമ്പാടി ലതാ മങ്കേഷ്‌ക ര്‍ക്ക് വിട നല്‍കി രാജ്യം. പൂര്‍ണ ഔദ്യോഗിക ബഹുമതികളോടെ മുംബൈയിലെ ശിവാജി പാര്‍ക്കിലായി രുന്നു സംസ്‌കാര ചടങ്ങുകള്‍. പ്രധാനമന്ത്രി നരേന്ദ്ര മോദി, മഹാരാഷ്ട്ര മുഖ്യമന്ത്രി ഉദ്ദവ് താക്കറെ അടക്ക മുള്ള പ്രമുഖര്‍ ശിവാജി പാര്‍ക്കിലെത്തി അന്ത്യോപചാരം അര്‍പ്പിച്ചു.
വൈകിട്ട് ആറേ കാലിനാണ് പ്രധാനമന്ത്രി അന്തിമോപചാരം അര്‍പ്പിച്ചത്. ശിവാജി പാര്‍ക്കിലെത്തിയ മോ ദി ഭൗതിക ശരീരത്തില്‍ പുഷ്പചക്രം സമര്‍പ്പിച്ചു. നിറകണ്ണുകളോടെ ആയിരങ്ങള്‍ പ്രിയഗായികയ്ക്ക് യാത്രാ മൊഴി നല്‍കി. മുഖ്യമന്ത്രി ഉദ്ധവ് താക്കറെ, ലത മങ്കേഷ്‌കറുടെ സഹോദരിയും ഗായികയുമായ ആശാ ഭോസ്ലെ, ബോളിവുഡ് താരങ്ങളായ ഷാരൂഖ് ഖാന്‍, ശ്രദ്ധ കപൂര്‍ സച്ചിന്‍ ടെണ്ടുല്‍ക്കര്‍, ശരദ് പവാര്‍, ആ ദിത്യ താക്കറെ, ദേവേന്ദ്ര ഫഡ്നാവിസ് തുടങ്ങിയവര്‍ സംസ്‌കാരച്ചടങ്ങുകളില്‍ പങ്കെടുത്തു.
മുംബൈ ബ്രീച്ച് കാന്‍ഡി ആശുപത്രിയില്‍ നിന്ന് ഉച്ചയോടെ വസതിയിലെത്തിച്ച ഭൗതിക ശരീ രത്തില്‍ അമിതാഭ് ബച്ചന്‍, അനുപം ഖേര്‍, ജാവേദ് അക്തര്‍, സഞ്ജയ് ലീല ബന്‍സാലി അട ക്കം പ്രമുഖര്‍ അന്തിമോപചാരമര്‍പ്പിച്ചു. വൈകീട്ട് അഞ്ചോടെയാണ് മൃതദേഹം വിലാപയാത്ര യായി ശിവാജി പാര്‍ക്കിലെത്തിച്ചത്. വഴിയോരം നിറയെ ആയിരങ്ങളാണ് പ്രിയ ഗായികയ്ക്ക് അ ന്ത്യയാത്ര നല്‍കാനെത്തിയിരുന്നത്. ശിവാജി പാര്‍ക്കിലും ആരാധകരും സംഗീതപ്രേമികളും തടിച്ചുകൂടി.
ഞായറാഴ്ച രാവിലെയായിരുന്നു ലതാ മങ്കേഷ്‌ക്കറുടെ അന്ത്യം. കോവിഡും ന്യൂമോണിയയും ബാധിച്ച് ജ നുവരി എട്ട് മുതല്‍ ചികിത്സയിലായിരുന്നു. കോവിഡ് മുക്തയായതിനെ തുടര്‍ന്ന് ആരോഗ്യം മെച്ചപ്പെട്ടി രുന്നെങ്കിലും നിരീക്ഷണത്തില്‍ തുടരുന്നതിനിടെ നില വഷളായി. തുടര്‍ന്ന് കഴിഞ്ഞ ദിവസം വെന്റി ലേറ്ററിലേക്കു മാറ്റിയിരുന്നു. ആരോഗ്യ നിലയില്‍ മാറ്റം വന്നതോടെ ദിവസങ്ങള്‍ക്ക് മുമ്പാണ് ഐസിയു വില്‍ നിന്ന് മാറ്റിയത്. എന്നാല്‍ ഇന്നലെ വീണ്ടും ആരോഗ്യനില വഷളാകുകയായിരുന്നു.
ഇന്ത്യയുടെ വാനമ്പാടിയുടെ വിയോഗത്തില്‍ രാജ്യത്ത് രണ്ട് ദിവസം ദേശീയ ദുഃഖാചരണം പ്രഖ്യാപിച്ചു. ആദരസൂചകമായി ദേശീയ പതാക രണ്ട് ദിവസത്തേക്ക് പകുതി താഴ്ത്തിക്കെട്ടുമെന്ന് കേന്ദ്ര സര്‍ക്കാര്‍ വൃത്തങ്ങള്‍ അറിയിച്ചിരുന്നു.
