രാഷ്ട്ര ദീപിക ലിമിറ്റഡ് കമ്പനിയുടെ വാര്‍ഷിക പൊതുയോഗം കമ്പനിയുടെ രജിസ്റ്റേഡ് ഓഫീസില്‍ വെര്‍ച്വലായി നടത്തി. കമ്പനി ചെയര്‍മാന്‍ ഡോ. ഫ്രാന്‍സിസ് ക്ലീറ്റസിന്റെ അധ്യക്ഷതയില്‍ ചേര്‍ന്ന ഡയറക്ടര്‍ ബോര്‍ഡ് യോഗത്തില്‍ അദ്ദേഹത്തെ വീണ്ടും കമ്പനിയുടെ ചെയര്‍മാനായി തെരഞ്ഞെടുത്തു
കോട്ടയം: രാഷ്ട്ര ദീപിക ലിമിറ്റഡ് കമ്പനിയുടെ വാര്‍ഷിക പൊതുയോഗം കമ്പനിയുടെ രജിസ്റ്റേഡ് ഓഫീ സില്‍ വെര്‍ച്വലായി നടത്തി. കമ്പനി ചെയര്‍മാന്‍ ഡോ. ഫ്രാന്‍സിസ് ക്ലീറ്റസിന്റെ അധ്യക്ഷതയില്‍ ചേര്‍ന്ന യോഗത്തില്‍ മാനേജിങ് ഡയറക്ടര്‍ ഫാ.മാത്യു ചന്ദ്രന്‍ സ്വാഹതം പറഞ്ഞു.
ഡയറക്ടര്‍മാരായ സി.പി പോള്‍, ജോണി കുരുവിള, ജേക്കബ് ജോസഫ് കുഞ്ഞ്, വി.സി സെബാസ്റ്റ്യന്‍, ബെന്നി മാത്യു,ഫാ.സെബാസ്റ്റ്യന്‍ ഇലഞ്ഞിക്കല്‍ ഫാ.തോമസ് പോത്താനാമുഴി, ഫാ.ജോര്‍ജ് ഇടയാടി യില്‍,റവ.ഡോ.സി.സി ജോണ്‍, ഫാ.മൈക്കിള്‍ വെട്ടിക്കാട്ട്, കമ്പനി സ്റ്റാറ്റിയൂട്ടറി ഓഡിറ്റര്‍ പ്രതീഷ് ജോ സഫ് ജോബ്, കമ്പനി സിഎഫ്ഒ എം എം ജോര്‍ജ്, കമ്പനി സെക്രട്ടറി പി.വി അനിമോള്‍, ലീഗല്‍ ഓഫീ സര്‍ പി.പി ജോര്‍ജ്, ഇന്റേണല്‍ ഓഡിറ്റര്‍ ബിനോയ് പനച്ചിക്കാട്ട് എന്നിവര്‍ പങ്കെടുത്തു. യോഗത്തില്‍ എക്‌സിക്യൂട്ടീവ് ഡയറക്ടര്‍ മൈക്കിള്‍ വെട്ടിക്കാട്ട് നന്ദി പറഞ്ഞു.
ബെന്നി മാത്യു,സി.പി പോള്‍,ഫാ.സെബാസ്റ്റ്യന്‍ ഇലഞ്ഞിക്കല്‍, ഫാ.ജോസഫ് ഒറ്റപ്ലാക്കല്‍ എന്നിവരെ ഡയറക്ടര്‍മാര്‍മാരായും ഫാ.മൈക്കിള്‍ വെട്ടിക്കാട്ടിനെ എക്‌സിക്യൂട്ടീവ് ഡയറക്ടറായും വീണ്ടും തെര ഞ്ഞെടുത്തു. 2021-2022 സാമ്പത്തിക വര്‍ഷത്തെ കണക്കുകള്‍ പാസാക്കി. കമ്പനിയുടെ മൂലധനം 50 കോടി രൂപയായി വര്‍ദ്ധിപ്പിക്കാന്‍ തീരുമാനിച്ചു.
വാര്‍ഷിക പൊതുയോഗത്തെ തുടര്‍ന്ന് നടന്ന ഡയറക്ടര്‍ ബോര്‍ഡ് യോഗത്തില്‍ ഡോ.ഫ്രാന്‍സിസ് ക്ലീറ്റ സിനെ വീണ്ടും കമ്പനിയുടെ ചെയര്‍മാനായി തെരഞ്ഞെടുത്തു.
