ദോഹ: ഖത്തറിൽ താമസിക്കുന്ന പ്രവാസികൾക്കും സ്വദേശികൾക്കും വേണ്ടി വലിയ ആശ്വാസവുമായി ആഭ്യന്തര മന്ത്രാലയം. ഇനി മുതൽ പാസ്പോർട്ട് സംബന്ധിച്ച എല്ലാ വിവരങ്ങളും നേരിട്ടുള്ള ഓഫീസ് സന്ദർശനം ഒഴിവാക്കി, മെത്രാഷ് 2 ആപ്പിലൂടെയും ഇ-സേവന പോർട്ടലിലൂടെയും വേഗത്തിൽ അപ്ഡേറ്റ് ചെയ്യാം.
പുതിയ ഫീച്ചറിന്റെ ഭാഗമായി, പാസ്പോർട്ട് പുതുക്കൽ, നഷ്ടപ്പെട്ട പാസ്പോർട്ടിന് പകരം പുതിയതെടുക്കൽ, തുടങ്ങിയ സേവനങ്ങൾ നേരിട്ട് മൊബൈൽ ആപ്പിൽ നിന്നും ലഭ്യമാകും. ഉപയോക്തൃ സൗഹൃദത്വം വർധിപ്പിച്ചുതന്നെയാണ് ഈ സേവനം അവതരിപ്പിച്ചത്.
പാസ്പോർട്ട് വിവരങ്ങൾ അപ്ഡേറ്റ് ചെയ്യാൻ മാർഗനിർദ്ദേശം:
- മെത്രാഷ് ആപ്പിൽ ലോഗിൻ ചെയ്യുക.
- Residency > Change Data വിഭാഗത്തിലേക്ക് പോകുക.
- Change Passport ഓപ്ഷനിൽ ക്ലിക്ക് ചെയ്യുക.
- പുതുക്കിയ പാസ്പോർട്ടിന്റെ പ്രധാന പേജുകൾ (ഫോട്ടോ, വിവരങ്ങൾ ഉള്ള പേജ്) സ്കാൻ ചെയ്ത് അപ്‌ലോഡ് ചെയ്യുക.
- സ്കാൻ ചെയ്ത ഇമേജ് മുഴുവൻ വിവരങ്ങളും ഉൾക്കൊള്ളുന്നുവെന്ന് ഉറപ്പാക്കണം.
- രേഖകൾ ശരിയായി സമർപ്പിച്ച ശേഷം നിശ്ചിത ഫീസ് ഓൺലൈനായി അടയ്ക്കണം.
- അപ്ഡേഷൻ പൂർത്തിയായതിന്റെ സൂചനയായി, പുതിയ പാസ്പോർട്ട് വിവരങ്ങൾ ഉൾപ്പെടുത്തിയ ഖത്തർ ഐഡി ക്യൂപോസ്റ്റ് തപാൽ വഴി അപേക്ഷകന്റെ വിലാസത്തിൽ ലഭ്യമാകും.
ഈ നവീന സംവിധാനത്തിലൂടെ ഖത്തറിൽ ആയിരക്കണക്കിന് ആളുകൾക്ക് നേരത്തെ അനുഭവപ്പെട്ടിരിക്കുന്ന വൈകിപ്പിക്കലുകളും കാത്തിരിപ്പുകളും ഒഴിവാക്കാൻ കഴിയും.
