നാട്ടുകാരാണ് വിള്ളല്‍ കണ്ടെത്തിയത്. കടലുണ്ടിക്കും മണ്ണൂര്‍ റെയില്‍വേ ഗേറ്റിനും ഇടയില്‍ റെയില്‍ പാളത്തില്‍ വിള്ളല്‍.
കോഴിക്കോട് : കടലുണ്ടിക്കും മണ്ണൂര്‍ റെയില്‍വേ ഗേറ്റിനും ഇടയില്‍ റെയില്‍ പാളത്തില്‍ വിള്ളല്‍. നാട്ടുകാരാണ് വിള്ളല്‍ കണ്ടെത്തിയത്. പൊലീ സ് സ്ഥലത്തെത്തി പരിശോധന നടത്തി. വന്‍ അപകടമാണ് ഒഴിവായതെന്ന് പൊലീസ് പറഞ്ഞു. പാളത്തിലെ വിള്ളല്‍ ഉടന്‍ പരിഹരിക്കുമെന്ന് റെയില്‍വേ അറിയിച്ചു. ഇന്ന് രാവിലെ 7 മണിയോടെയാണ് നാട്ടുകാര്‍ റെയില്‍ പാളത്തില്‍ വിള്ളല്‍ കണ്ട് പൊലീസ് സ്റ്റേഷനിലും റെയില്‍വെ സ്റ്റേഷനിലും അറിയിച്ചത്.
ഉടന്‍ ഈ പാളത്തിലൂടെ ട്രെയിന്‍ സര്‍വീസ് നിര്‍ത്തി. ഒരു ട്രാക്കിലൂടെ ട്രെയിനുകള്‍ കടത്തിവിടുന്നുണ്ട്. ട്രെയിനുകളുടെ സമയക്രമത്തില്‍ രാവിലെ അല്‍പം കാലതാമസം ഉണ്ടായേക്കാം. ഉടന്‍ പ്രശ്‌നം പരിഹരിക്കുമെന്ന് റെയില്‍വേ അറിയിച്ചു.
