കേന്ദ്ര വിദേശകാര്യ മന്ത്രാലയം സംഘടിപ്പിക്കുന്ന 18-ാമത് പ്രവാസി ഭാരതീയ പുരസ്ക്കാരം പ്രഖ്യാപിച്ചു

ന്യൂഡൽഹി : കേന്ദ്ര വിദേശകാര്യ മന്ത്രാലയം സംഘടിപ്പിക്കുന്ന 18-ാമത് പ്രവാസി ഭാരതീയ സമ്മേളനം ഭൂവനേശ്വറിൽ ജനുവരി എട്ടു മുതൽ 10 വരെ നടക്കും. ഇതിനു മുന്നോടിയായി ഈ വർഷത്തെ പ്രവാസി ഭാരതീയ സമ്മാൻ രാഷ്ട്രപടി ദ്രൗപതി മുർമു പ്രഖ്യാപിച്ചു. വിവിധ രാജ്യങ്ങളിലെ 27 പ്രവാസി ഇന്ത്യക്കാർക്കാരും ഇന്ത്യൻ വംശജരുമാണ് പട്ടികയിലുള്ളത്. ഗൾഫ് മേഖലയിൽ നിന്ന് സൗദി അറേബ്യയിൽ നിന്നും യുഎഇയിൽ നിന്നുമായി രണ്ടു പേർ മാത്രമാണ് ഈ വർഷത്തെ പുരസ്കാരത്തിനായി തിരഞ്ഞെടുക്കപ്പെട്ടത്.
ഉപരാഷ്ട്രപതി അധ്യക്ഷനും വിദേശകാര്യ മന്ത്രി ഉപാധ്യക്ഷനുമായ പുരസ്കാര നിർണയ സമിതിയാണ് സമ്മാനർഹരെ തിരഞ്ഞെടുത്തത്. വിവിധ മേഖലകളിൽ വൈദഗ്ധ്യമുള്ള പ്രമുഖരും ഈ സമിതിയിലുണ്ട്. പ്രവാസി സമൂഹങ്ങൾക്കു വേണ്ടിയുള്ള സേവനം, ബിസിനസ്, വിദ്യാഭ്യാസം, വൈദ്യ സേവനം, ശാസ്ത്രം തുടങ്ങി വിവിധ മേഖലകളിൽ ഇന്ത്യയുടെ സൽപ്പേര് ഉയർത്താൻ സംഭാവനകൾ നൽകിയവർക്കാണ് പ്രവാസി ഭാരതീയ സമ്മാൻ നൽകി വരുന്നത്.
2025ലെ പുരസ്കാരത്തിന് അർഹരായവരുടെ പൂർണ പട്ടിക

1. പ്രൊഫ. അജയ് റാണെ (ഓസ്ട്രേലിയ)- സാമൂഹ്യ സേവനം
2. ഡോ. മരിയാലെന ജോൻ ഫെർണാണ്ടസ് (ഓസ്ട്രേലിയ)- വിദ്യാഭ്യാസം
3. ഡോ. ഫിലോമിന ആൻ മോഹിനി ഹാരിസ് (ബർബഡോസ്)- വൈദ്യശാസ്ത്രം
4. സ്വാമി സംയുക്താനന്ദ് (ഫിജി)- സാമൂഹ്യ സേവനം
5. സരസ്വതി വിദ്യാ നികേതൻ (ഗയാന)- സാമൂഹ്യ സേവനം
6. ഡോ. ലേഖ് രാജ് ജുനേജ (ജപാൻ)- ശാസ്ത്ര സാങ്കേതികവിദ്യ
7. ഡോ. പ്രേം കുമാർ (കിർഗിസ് റിപബ്ലിക്) – വൈദ്യശാസ്ത്രം
8. സൗകതവി ചൗധരി (ലാവോസ്) – ബിസിനസ്
9. കൃഷ്ണ സവ്ജനി (മലാവി)- ബിസിനസ്
10. “തൻ ശ്രീ’ സുബ്രമണ്യം കെ പി സതാശിവം (മലേസ്യ)- രാഷ്ട്രീയം
11. ഡോ. സരിത ബൂധൂ (മൊറീഷസ്)- സാമൂഹ്യ സേവനം
12. അഭയ കുമാർ (മൊൾഡോവ)- ബിസിനസ്
13. ഡോ. രാം നിവാസ് (മ്യാൻമർ)- വിദ്യാഭ്യാസം
14. ജഗന്നാഥ് ശേഖർ അസ്താന (റൊമാനിയ)- ബിസിനസ്
15. ഹിന്ദുസ്ഥാനി സമാജ് (റഷ്യ)- സാമൂഹ്യ സേവനം
16. സുധ റാണി ഗുപ്ത (റഷ്യ)- വിദ്യാഭ്യാസം
17. ഡോ. സയ്ദ് അൻവർ ഖുർശിദ് (സൗദി അറേബ്യ)- വൈദ്യശാസ്ത്രം
18. അതുൽ അരവിന്ദ് തെമുർനികർ (സിംഗപൂർ)- വിദ്യാഭ്യാസം
19. റോബർട്ട് മസിഹ് നഹർ (സ്പെയിൻ) – സാമൂഹ്യ സേവനം
20. ഡോ. കൗശിക് ലക്ഷ്മിദാസ് രാമയ്യ (താൻസാനിയ)- വൈദ്യശാസ്ത്രം
21. ക്രിസ്റ്റീൻ കാർല കംഗലൂ (ട്രിനിഡാഡ് ആന്റ് ടൊബാഗോ)- പൊതുകാര്യം
22. രാമകൃഷ്ണൻ ശിവസ്വാമി അയ്യർ (യുഎഇ)- ബിസിനസ്
23. ബോന്തല സുബ്ബയ്യ കെട്ടി രമേശ് ബാബു (യുഗാണ്ട)- സാമൂഹ്യ സേവനം
24. ഉഷ കുമാരി പ്രശാർ (യുകെ)- രാഷ്ട്രീയം
25. ഡോ. ശരദ് ലഖൻപാൽ (യുഎസ്എ)- വൈദ്യശാസ്ത്രം
26. ഡോ. ശർമിള ഫോർഡ് (യുഎസ്എ)- സാമൂഹ്യ സേവനം
27. രവി കുമാർ എസ് (യുഎസ്എ)- ബിസിനസ്, ഐടി