എന്ഡിഎയില് മടങ്ങിയെത്തുന്നതിന് കെ സുരേന്ദ്രന് സികെ ജാനുവിന് പത്തുലക്ഷം രൂപ കൈമാറിയെന്ന ശബ്ദരേഖ പുറത്ത്. കെപിജെഎസ് ട്രഷറര് പ്രസീതയുമായി കെ സുരേന്ദ്രന് നടത്തുന്ന ഫോണ് സംഭാഷണമാണ് പുറത്തുവന്നത്
കല്പ്പറ്റ :നിയമസഭയി തെരഞ്ഞെടുപ്പില് മത്സരിക്കുന്നതിനും എന്.ഡി.എയുടെ ഭാഗമാവുന്ന തിനുമായി 10 ലക്ഷം രൂപ സി.കെ ജാനുവിന് ബി.ജെ.പി സംസ്ഥാന അധ്യക്ഷന് കെ.സുരേന്ദ്രന് നല്കിയെന്ന ശബ്ദരേഖ പുറത്ത്. സുരേന്ദ്രനുമായി ജനാധിപത്യ രാഷ്ട്രീയ പാര്ട്ടി സംസ്ഥാന ട്രഷറര് പ്രസീത നടത്തിയ ഫോണ് സംഭാഷണമാണ് പുറത്തായത്. പണം കൈമാറിയത് തിരുവനന്തപു രത്തു വച്ചാണെന്ന് പ്രസീത പറയുന്നതായി ശബ്ദരേഖയില് വ്യക്തമാണ്.
കൊടകര കുഴല്പ്പണ ഇടപാടില് അന്വേഷണം ബിജെപി നേതാക്കളിലേക്ക് എത്തിനില്ക്കുന്ന ഘട്ടത്തിലാണ് പുതിയ വിവാദം.സികെ ജാനു എന്ഡിഎയില് തിരികെ എത്താന് പത്ത് ലക്ഷം രൂപ ആവശ്യപ്പെട്ടെന്നാണ് പ്രസീത സുരേന്ദ്രനോട് ഫോണില് പറയുന്നത്. നേരത്തെ സിപിഎമ്മില് പ്രവര്ത്തിച്ച സമയത്ത് ആരോടോ കാശ് വാങ്ങിയിട്ടുണ്ട്. അത് തിരികെ നല്കിയ ശേഷമെ എന്ഡിഎയിലേക്ക് തിരിച്ചുവരാന് കഴിയും. 10 ലക്ഷം രൂപ കൈയില് കിട്ടിയാല് ബത്തേരിയില് മത്സരിക്കാമെന്നും 7ാം തീയതിയിലെ അമിത് ഷായുടെ റാലിയില് പങ്കെടുക്കാമെന്ന് സികെ ജാനു അറിയിച്ചതായും പ്രസീത സുരേന്ദ്രനോട് പറയുന്നു.
പുറത്തുവിട്ട ഫോണ് സംഭാഷണത്തില് മാര്ച്ച് ആറിന് തിരുവനന്തപുരത്ത് വന്നാല് പണം നല് കാമെന്നും തെരഞ്ഞെടുപ്പ് സമയം ആയതിനാല് പണം കൊണ്ടുനടക്കാന് കഴിയില്ലെന്നും കെ.സു രേന്ദ്രന് പറയുന്നുണ്ട്. അതേസമയം പണം കൈപ്പറ്റിയെന്ന ആരോപണം സികെ ജാനു നിഷേധി ച്ചു.പുറത്തുവന്ന ശബ്ദരേഖയെ കുറിച്ച് അറിയില്ലെന്നും പാര്ട്ടിയുടെ കാര്യങ്ങള് പറയാന് ആരെ യും ചുമതലപ്പെടുത്തിയിട്ടില്ലെന്നും സികെ ജാനു പ്രതികരിച്ചു.
