ഇഫ്താര്‍ വിരുന്നില്‍ വാണിജ്യ-വ്യവസായ രംഗത്തെ പ്രമുഖരും പൊതുസാമൂഹ്യ പ്രവര്‍ത്തകരും പ്രവാസി സംഘടനാ പ്രതിനിധികളും പങ്കെടുത്തു.
കുവൈത്ത് സിറ്റി : കുവൈത്തിലെ ഇന്ത്യന്‍ എംബസി ഇഫ്താര്‍ വിരുന്നു സംഘടിപ്പിച്ചു. വിവിധ മേഖലകളിലെ പ്രഗത്ഭരും സംഘടനാ പ്രതിനിധികളും മാധ്യമ പ്രവര്‍ത്തരും ഇഫ്താര്‍ സംഗമത്തില്‍ പങ്കെടുത്തു.
എംബസി ബില്‍ഡിംഗിലെ ഓഡിറ്റോറിയത്തിലും ഇന്ത്യ ഹൗസിലും നടന്ന പരിപാടികളില്‍ നിരവധി പേര്‍ പങ്കെടുത്തു.
സമൂഹത്തില്‍ അശരണരായവര്‍ക്കും ദരിദ്രരായവര്‍ക്കും സഹായങ്ങളും സേവനങ്ങളും നല്‍കുക എന്ന സന്ദേശം റമദാന്‍ പങ്കുവെയ്ക്കുന്നുവെന്നും അനുകമ്പയുടെ സമത്വത്തിന്റേയും പ്രാധാന്യം വിളിച്ചോതുന്നതാണ് റമദാന്‍ കാലമെന്നും കുവൈത്തിലെ ഇന്ത്യന്‍ അംബസാഡര്‍ സിബി ജോര്‍ജ് പറഞ്ഞു.
ഇന്ത്യയും കുവൈത്തും തമ്മിലുള്ള ബന്ധത്തിന്റെ ചരിത്ര പ്രാധാന്യവും കഴിഞ്ഞ രണ്ട് വര്‍ഷമായി ഇരു രാജ്യങ്ങളും തമ്മിലുണ്ടായ സുപ്രധാന സംഭവ വികാസങ്ങളും അംബാസഡര്‍ എടുത്തു പറഞ്ഞു.
ഇന്ത്യയുടെ വൈവിധ്യമാര്‍ന്നതും സമ്പനവുമായ സംസ്‌കാരം ലോകത്തിന് തന്നെ മാതൃകയാണെന്ന് അദ്ദേഹം പറഞ്ഞു.
ഇന്ത്യയിലേക്ക് കുവൈത്തികളെ ക്ഷണിക്കാന്‍ പ്രവാസികള്‍ മുന്‍കൈ എടുക്കണമെന്നും അദ്ദേഹം പറഞ്ഞു.
