മതപണ്ഡിതനും സമസ്ത കേരള ജംഇയ്യത്തുല്‍ ഉലമ സെക്രട്ടറിയും മര്‍കസ് വൈസ് പ്രസിഡന്റും സീനിയര്‍ മുദരിസ്സുമായ കാന്തപുരം എ പി മുഹമ്മദ് മുസ്ലിയാര് അന്ത രിച്ചു. ഞായര്‍ പുലര്‍ച്ചെ 5.45നായിരുന്നു അന്ത്യം. 72 വയസ്സായിരുന്നു. അസുഖബാധി തനായി കോഴിക്കോട് സ്വകാര്യ ആശുപത്രിയില്‍ ചികിത്സയിലായിരുന്നു
കോഴിക്കോട് : മത പണ്ഡിതനും സമസ്ത കേരള ജംഇയ്യത്തുല്‍ ഉലമ സെക്രട്ടറിയും മര്‍കസ് വൈസ് പ്രസിഡന്റും സീനിയര്‍ മുദരിസ്സുമായ കാന്തപുരം എ പി മുഹമ്മദ് മുസ്ലിയാര് അന്തരിച്ചു. ഞായര്‍ പുലര്‍ച്ചെ 5.45നായിരുന്നു അന്ത്യം. 72 വയസ്സായിരുന്നു. അസുഖബാധിതനായി കോഴിക്കോട് സ്വകാ ര്യ ആശുപത്രിയില്‍ ചികിത്സയിലായിരുന്നു. വൈകീട്ട് നാലു മണിക്ക് കരുവന്‍പൊയില്‍ ചുള്ള്യാട് ജുമാ മസ്ജിദില്‍ ഖബര്‍സ്ഥാനില്‍ ഖബറടക്കം നടക്കും.
കഴിഞ്ഞ ഇരുപത് വര്‍ഷമായി മര്‍കസില്‍ പ്രധാന അധ്യാപകനും വൈസ് പ്രിന്‍സിപ്പാളുമായി സേവ നമനുഷ്ഠിച്ചു വരികയായിരുന്നു. കാന്തപുരം എ പി അബൂബക്കര്‍ മുസ്ലിയാരുടെ ആദ്യ ശിഷ്യനും കൂ ടിയാണ് ചെറിയ എ പി ഉസ്താദ് എന്നാണ് അറിയപ്പെട്ടിരുന്നത്. 1975 ല്‍ കാന്തപുരം എ പി അബൂബ ക്കര്‍ മുസ്ലിയാരുടെ തന്നെ കീഴില്‍ കാന്തപുരം അസീസിയ്യ അറബിക് കോളേജ് വൈസ് പ്രിന്‍സിപ്പാ ളായിട്ടായിരുന്നു അധ്യാപന ജീവിതത്തിന് തുടക്കം കുറിച്ചത്.
ചേക്കു ഹാജിയുടെയും ആയിഷ ഹജ്ജുമ്മയുടെയും മൂത്തമകനായി ആലോല്‍ പൊയില്‍ വീട്ടില്‍ 1950ലാണ് മുഹമ്മദ് മുസ്ലിയാര് ജനിക്കുന്നത്.മൂന്നരപ്പതിറ്റാണ്ടു കാലം കാന്തപുരത്ത് മുദരിസായി സേവനം ചെയ്തു. പേരിന്റെ കൂടെ കാന്തപുരം എന്ന് ചേര്‍ത്തു പറയാനുള്ള കാരണവും കാന്തപുര ത്തെ സുദീര്‍ഘമായ സേവനമാണ്. അസീ സിയ്യ ദര്‍സ് കോളേജാക്കി ഉയര്‍ത്തിയപ്പോള്‍ വൈസ് പ്രിസിപ്പലായ ശേഷം 2007ല്‍ കാരന്തൂര്‍ മ4കസിലേക്ക് മാറി. കാന്തപുരം ഉസ്താദിന്റെ അഭാവത്തില്‍ നൂറു കണക്കിന് പണ്ഡിതര്‍ക്ക് വിശ്രുത സ്വഹീഹുല്‍ ബുഖാരി ഗ്രന്ഥം ഓതി കൊടുക്കുന്നത് അദ്ദേ ഹം ആയിരുന്നു.
ഭാര്യ : സൈനബ ഹജ്ജുമ്മ. മക്കള്‍: അബ്ദുള്ള റഫീഖ്, അന്‍വര്‍ സാദിഖ് സഖാഫി, അന്‍സാര്‍, മുനീ ര്‍, ആരിഫ, തഷ്രീഫ. ഇസ്ലാമിക വൈജ്ഞാനിക രംഗത്ത് വലിയ സേവനങ്ങള്‍ ചെയ്ത പണ്ഡിതനെ യാണ് മുഹമ്മദ് മുസ്ലിയാരുടെ നിര്യാണത്തോടെ നഷ്ടപ്പെട്ടിരിക്കുന്നതെന്ന് കാന്തപുരം എപി അബൂ ബക്കര്‍ മുസ്ലിയാര് അനുശോചന സന്ദേശത്തില്‍ പറഞ്ഞു.
