കോയമ്പത്തൂര് സ്ഫോടനക്കേസില് ജയിലില് കഴിഞ്ഞിരുന്ന പിഡി പി നേതാവ് അബ്ദുല് നാസര് മഅദനിയെ മോചിപ്പിക്കണം എന്ന് ആവശ്യപ്പെട്ടാണ് അക്രമികള് ബസ് കത്തിച്ചത്
കൊച്ചി : കളമശ്ശേരി ബസ് കത്തിക്കല് കേസില് പ്രതിയായ കെ എ അനൂപിന് ശിക്ഷ വിധിച്ച് എന് ഐഎ കോടതി. ആറ് വര്ഷം കഠിന തടവും 1,60,000 രൂപ പിഴയുമാണ് കൊച്ചിയിലെ പ്രത്യേക കോ ടതി ശിക്ഷ വിധിച്ചത്. കോയമ്പത്തൂര് സ്ഫോടനക്കേസില് ജയിലില് കഴിഞ്ഞിരുന്ന പിഡി പി നേതാ വ് അബ്ദുല് നാസര് മഅദനിയെ മോചിപ്പിക്കണം എന്ന് ആവശ്യപ്പെട്ടാണ് അക്രമികള് ബസ് കത്തി ച്ചത്.
2005 സെപ്റ്റംബര് 9 നാണ് കേസിനാസ്പദമായ സംഭവം. എറണാകുളം കെഎസ്ആര്ടിസി ബസ്റ്റാ ന് ഡില് നിന്ന് സേലത്തേക്ക് പോകുന്ന തമിഴ്നാട് ട്രാന്സ്പോര്ട്ട് ബസ് ആണ് രാത്രി 9.30ന് പ്രതികള് തോക്കുചൂണ്ടി ഭീഷണിപ്പെടുത്തി തട്ടിയെടുത്തത്. യാത്രക്കാരെ ഇറക്കിവിട്ട ശേഷം ബസ് പെട്രോ ളൊഴിച്ച് തീ കൊളുത്തുകയായിരുന്നു. 2010 ല് കേസില് കുറ്റപത്രം സമര്പ്പിച്ചെങ്കിലും 2019 ലാണ് കേസിന്റെ വിചാരണ തുടങ്ങിയത്.
അനൂപ് ഒഴികെയുള്ള പ്രതികള് പല കേസുകളിലായി തടവില് തുടരുന്നതിനാല് വിചാരണ ഇതു വരെ പൂര്ത്തിയായിട്ടില്ല. കേസില് കെ എ അനൂപിന്റെ വിചാരണ പൂര്ത്തിയായതിനാലാണ് ഇയാ ളുടെ ശിക്ഷ കോടതി വിധിച്ചത്. കേസില് 13 പ്രതികളുണ്ട്. ഇവരുടെ വിചാരണ തുടരുക യാണെന്ന് എന്ഐഎ അറിയിച്ചു.
നിരവധി തീവ്രവാദ കേസുകളില് പ്രതിയായ തടിയന്റവിട നസീറാണ് കേസിലെ ഒന്നാം പ്രതി. ബസ് തട്ടിയെടുക്കാന് നസീര് ഉപയോഗിച്ച തോ ക്ക് ഇതുവരെ കണ്ടെടുക്കാന് അന്വേഷണ സംഘത്തി നാ യിട്ടില്ല. മഅദനിയുടെ ഭാര്യ സൂഫിയ കേസില് പത്താം പ്രതിയാണ്. കശ്മീരില് സൈ ന്യവുമായുള്ള ഏറ്റുമുട്ടലില് വെടിയേറ്റുമരിച്ച പരപ്പനങ്ങാടി ചെട്ടിപ്പടി സ്വദേശി അബ്ദുല് റഹീമിനെയും കുറ്റ പ ത്രത്തില് നിന്നും ഒഴിവാക്കി.
ബസ് ഡ്രൈവറുടെയടക്കം എട്ടു പേരുടെ മൊഴി കുറ്റപത്രത്തിനൊപ്പം ചേര്ത്ത് 2010 ഡിസംബറി ലാണ് എന്ഐഎ കുറ്റപത്രം സമര്പ്പിച്ചത്. ബസ് യാത്രക്കാരായ 31 പേരുടെ മൊഴി പോലീസ് നേര ത്തെ വിശദമായി രേഖപ്പെടുത്തിയിരുന്നു. എന്നാല് ഈ ഫയലുകള് പിന്നീട് കാണാതായെന്ന് ഉദ്യോഗസ്ഥര് പറഞ്ഞു.
