ജിദ്ദയില്‍ നിന്നും കരിപ്പൂര്‍ വിമാനത്താവളം വഴി അനധികൃതമായി കടത്താന്‍ ശ്രമിച്ച 63 ലക്ഷം രൂപയുടെ സ്വര്‍ണവുമായി യുവാവ് അറസ്റ്റില്‍. കരുവാരകുണ്ട് സ്വദേശി മു നീഷ് (32) ആണ് അറസ്റ്റിലായത്
മലപ്പുറം : ജിദ്ദയില്‍ നിന്നും കരിപ്പൂര്‍ വിമാനത്താവളം വഴി അനധികൃതമായി കടത്താന്‍ ശ്രമിച്ച 63 ലക്ഷം രൂപയുടെ സ്വര്‍ണവുമായി യുവാവ് അറസ്റ്റില്‍. കരുവാരകുണ്ട് സ്വ ദേശി മുനീഷ് (32) ആണ് അറസ്റ്റിലാ യത്. ഇയാളില്‍ നിന്നും 1.162 കിലോഗ്രാം 24 ക്യാരറ്റ് സ്വര്‍ണം പിടികൂടി. 1.162 കി.ഗ്രാം സ്വര്‍ണ്ണം മിശ്രിത രൂപത്തിലാക്കി നാല് കാപ്‌സ്യൂളുകളാക്കി ശരീരത്തിനുള്ളില്‍ ഒളിപ്പിച്ച് കടത്താനാണ് ശ്രമിച്ചത്.
മലപ്പുറം ജില്ലാ പോലീസ് മേധാവി എസ് സുജിത് ദാസ് ഐപിഎസിന് ലഭിച്ച രഹസ്യ വിവരത്തിന്റെ അടി സ്ഥാനത്തില്‍ കസ്റ്റംസ് പരിശോധനയ്ക്ക് ശേഷം വിമാനത്താവളത്തിന് പുറത്തിറങ്ങിയ മുനീഷിനെ പൊലീ സ് കസ്റ്റഡിയിലെടുക്കുകയായിരുന്നു. കരിപ്പൂര്‍ വിമാനത്താവളത്തിന് പുറത്ത് വെച്ച് പൊലീസ് ഈ വര്‍ ഷം പിടികൂടുന്ന ആദ്യ കേസാണിത്. കഴിഞ്ഞ വര്‍ഷം 90 സ്വര്‍ണകടത്ത് കേസുകളാണ് പിടികൂടിയത്. 90 കേസുകളിലായി ആകെ 74 കിലോ 24 ക്യാരറ്റ് സ്വര്‍ണമാണ് പിടിച്ചെടുത്തത്.
