സിപിഎം പാര്ട്ടി കോണ്ഗ്രസ് ഇന്ന് സമാപിക്കും. ജനറല് സെക്രട്ടറിയായി സീതാറാം യെച്ചൂരി തുടരും. എ വിജയരാഘവന് പോളിറ്റ് ബ്യൂറോയിലും മന്ത്രിമാരായ കെ എന് ബാലഗോപാല്, പി രാജീവ് എന്നിവ രെ കേന്ദ്ര കമ്മിറ്റിയില് ഉള്പ്പെടുത്താനും തീരുമാ നം. ദലിത് ശോഷന് മുക്തി മഞ്ച് അദ്ധ്യക്ഷന് രാമചന്ദ്ര ഡോം പിബിയിലെത്തും.
കണ്ണൂര്: സിപിഎം പാര്ട്ടി കോണ്ഗ്രസ് ഇന്ന് സമാപിക്കും. ജനറല് സെക്രട്ടറിയായി സീതാറാം യെച്ചൂരി തുടരും. കേന്ദ്രകമ്മിറ്റി യോഗം ഇന്ന് പുതിയ സിസി അംഗങ്ങളെ തിരഞ്ഞെടുക്കും. എ വിജയരാഘവന് പോളിറ്റ് ബ്യൂറോയിലും മന്ത്രിമാരായ കെ എന് ബാലഗോപാല്, പി രാജീവ് എന്നിവരെ കേന്ദ്ര കമ്മിറ്റിയില് ഉള്പ്പെടുത്താനും തീരുമാനമായിട്ടുണ്ട്.
സിപിഎമ്മിന്റെ 58 വര്ഷത്തെ ചരിത്രത്തില് ആദ്യമായി ഒരു ദലിത് സമുദായാംഗം പിബിയില് ഇടംപിടി ക്കും. മന്ത്രി കെ രാധാകൃഷ്ണന്, രാമചന്ദ്ര ദോം എന്നിവരാണ് കേന്ദ്ര കമ്മിറ്റിയിലുള്ള ദലിത് നേതാക്കള്. പ ശ്ചിമ ബംഗാളില് നിന്നുള്ള കേന്ദ്ര കമ്മിറ്റി, സംസ്ഥാന സെക്രട്ടറിയേറ് അംഗവും, ദലിത് ശോഷന് മുക്തി മഞ്ച് അദ്ധ്യക്ഷനുമായ രാമചന്ദ്ര ഡോമും പിബിയിലെത്തും. ആദ്യ ദലിത് പ്രാതിനിധ്യമായാണ് രാമചന്ദ്ര ഡോം എത്തുക. കേരളത്തില് നിന്ന് ദലിത് പ്രാതിനിധ്യം ഉണ്ടാകുമെന്ന് പ്രതീക്ഷിച്ചിരുന്നു.
കേരളത്തില് നിന്നും എസ്ആര്പിക്ക് പുറമെ, വൈക്കം വിശ്വനും പി കരുണാകരനും കേന്ദ്രക്കമ്മിറ്റിയില് നിന്നും ഒഴിയും. ഇരുവര്ക്കും പകരം പി രാജീവ്, കെ എന് ബാല ഗോപാല് എന്നിവരെയാണ് പരിഗണി ക്കപ്പെട്ടിരിക്കുന്നത്. ആരോഗ്യപ്രശ്നങ്ങളുള്ള എംസി ജോസഫൈനെ ഒഴിവാക്കിയാല്, പി സതീദേവി, ടി എന് സീമ, ജെ മേഴ്സിക്കുട്ടിയമ്മ, സി എസ് സുജാത എന്നിവരിലൊരാളെ പരിഗണിച്ചേക്കും. ത്രിപുരയി ല് നിന്നുള്ള ദലിത് വിഭാഗക്കാരിയായ മുന് എംപി ജര്ണദാസ് ബൈദ്യ കേന്ദ്രക്കമ്മിറ്റിയില് ഇടംപിടിച്ചേ ക്കും.
എസ് രാമചന്ദ്രന് പിള്ള, ഹന്നന് മൊള്ള, ബിമന് ബോസ്, സൂര്യകാന്ത് മിശ്ര എന്നീ പിബി അംഗങ്ങള് കേ ന്ദ്ര കമ്മറ്റിയില് നിന്ന് ഒഴിയാനും സന്നദ്ധത അറിയിച്ചു. എന്നാല് സൂര്യകാന്ത് മിശ്ര തുടരണം എന്ന താല്പര്യമാണ് നേതൃത്വം പ്രകടിപ്പിച്ചത്.
പ്രതിസന്ധികളിലൂടെ കടന്നു പോകുന്ന പാര്ട്ടിയെ നയിക്കുകയെന്ന നിര്ണായക ദൗത്യമാണ് സീതാറാം യെച്ചൂരിയുടേത്. വിശാഖപട്ടണത്ത് നടന്ന ഇരുപത്തിയൊന്നാമത് പാര്ട്ടി കോണ്ഗ്രസിലാണ് യെച്ചൂരി ജനറല് സെക്രട്ടറി പദത്തിലേക്ക് എത്തുന്നത്. എസ് രാമചന്ദ്രന് പിള്ളയെ തലപ്പത്ത് എത്തിക്കാനുള്ള പ്രകാശ് കാരാട്ടിന്റെയും കേരളഘടകത്തിന്റെയും നീക്കത്തെ അതീജിവിച്ചാണ് യെച്ചൂരി ജനറല് സെക്രട്ടറിയായത്. ഹൈദരാബാദ് പാര്ട്ടി കോണ്ഗ്രസില് യെച്ചൂരിയെ മാറ്റാനുള്ള നീക്കത്തെ ബംഗാ ള് ഘടകം മറികടന്നത് രഹസ്യ ബാലറ്റ് എന്ന നിര്ദ്ദേശത്തിലൂടെയാണ്.
