സമൂഹത്തിലെ എല്ലാവരും വാക്സിന് സ്വീകരിച്ച് സുരക്ഷിതരാകുന്നത് വരെ പ്രതിരോധത്തി നായുള്ള പ്രാഥമിക കാര്യങ്ങള്‍ എല്ലാവരും തുടരണ മെന്നും 18-45 പ്രായക്കാര്‍ക്കുള്ള കോവിഡ് വാക്സിന് രജിസ്ട്രേഷന്‍ നാളെ മുതല്‍ തുടങ്ങുമെന്ന് മുഖ്യമന്ത്രി
തിരുവനന്തപുരം : സംസ്ഥാനത്ത് 18-45 പ്രായക്കാര്‍ക്കുള്ള കോവിഡ് വാക്സിന് രജിസ്ട്രേഷന്‍ നാളെ മുതല്‍ തുടങ്ങും. ഇവര്‍ക്കുള്ള വാക്സിനേഷന് തിങ്കളാഴ്ച ആരംഭിക്കും. കോവിഷീല്‍ഡ് വാക്സിന് ആദ്യ ഡോസ് സ്വീകരിച്ച് 84 ദിവസം പൂര്‍ത്തിയായവര്‍ക്ക് മാത്രമേ നാളെ മുതല്‍ രണ്ടാമത്തെ ഡോസ് അനുവദിക്കുകയുള്ളുവെന്ന് മുഖ്യമന്ത്രി വാര്‍ത്താസമ്മേളനത്തില്‍ വ്യക്തമാക്കി.
കോവാക്സിന്‍ രണ്ടാമത്തെ ഡോസ് 4 മുതല്‍ 6 ആഴ്ചക്കുള്ളില്‍ എടുക്കണം. അതില്‍ മാറ്റം വരുത്തി യിട്ടില്ല. രണ്ടാം ഡോസ് എടുക്കുമ്പോള്‍ 84 മുതല്‍ 112 ദിവസങ്ങളുടെ ഇടവേള കൂടുതല്‍ ഫലപ്രാപ്തി നല്‍കുന്നതായി കണ്ടെത്തിയതിനെ തുടര്‍ന്നാണ് രണ്ട് ഡോസുകള്‍ തമ്മിലുള്ള ഇടവേള വര്‍ധിപ്പി ച്ചിട്ടുള്ളത്. വാക്സിനേഷന് കേന്ദ്രങ്ങളില്‍ തിരക്ക് കൂട്ടേണ്ട കാര്യമില്ല. എല്ലാവര്‍ക്കും വാക്സിന് ലഭ്യമാ കുമെന്നും മുഖ്യമന്ത്രി പറഞ്ഞു.
കേന്ദ്ര ആരോഗ്യ കുടുംബക്ഷേമ മന്ത്രാലയത്തിന്റെ പുതുക്കിയ മാര്‍ഗനിര്‍ദ്ദേശ പ്രകാരമാണ് രണ്ടാം ഡോസ് സ്വീകരിക്കുന്നതില്‍ സമയ ദൈര്‍ഘ്യം വര്‍ധിപ്പിച്ചിരിക്കുന്നത്. കോവിഷീല്‍ഡിന്റെ ആദ്യ ഡോസ് സ്വീകരിച്ചവര്‍ 12 മുതല്‍ 16 ആഴ്ചകള്‍ക്കുള്ളില്‍ രണ്ടാമത്തെ ഡോസ് എടുത്താല്‍ മതിയാ കും.
വൃദ്ധസദനത്തിലുള്ളവര്‍, ആദിവാസി കോളനിയിലുള്ളവര്‍ എന്നിവര്‍ക്ക് വാക്സിനേഷന് അടി യന്തരമായി പൂര്‍ത്തിയാക്കാന്‍ നിര്‍ദേശം നല്‍കിയിട്ടുണ്ട്.ആംബുലന്‍സ് ഡ്രൈവര്‍മാരില്‍ വാക്‌ സിനേഷന്‍ എടുക്കാത്തവര്‍ക്കും അടിയന്തിരമായി ലഭ്യമാക്കും. വാക്സിന് എടുത്ത് കഴിഞ്ഞാലും മാസ്‌ക് ധരിക്കുകയും കൈകള്‍ ഇടയ്ക്ക് വൃത്തിയാക്കുകയും ശാരീരിക അകലം പാലിക്കുകയും വേണം.
സമൂഹത്തിലെ എല്ലാവരും വാക്സിന് സ്വീകരിച്ച് സുരക്ഷിതരാകുന്നത് വരെ പ്രതിരോധ ത്തി നായുള്ള പ്രാഥമിക കാര്യങ്ങള്‍ എല്ലാവരും തുടരണമെന്നും മുഖ്യമന്ത്രി ആവശ്യപ്പെട്ടു.
