എ കെ ശശീന്ദ്രന് എന്‍ സി പിയുടെ മന്ത്രിസ്ഥാനം ലഭിക്കുന്നതിനടക്കം നിര്‍ണായക നീക്കം നടത്തി യത് പി സി ചാക്കോ ആയിരുന്നു. ചാക്കോയുടെ അഭിപ്രായത്തെ തുടര്‍ന്നാണ് തോമസ് കെ തോമ സിന് രണ്ടരവര്‍ഷക്കാലത്തെ കാലാവധി അടക്കം കിട്ടാതെ പോയത്
തിരുവനന്തപുരം: കോണ്‍ഗ്രസ് വിട്ട് എന്‍ സി പിയിലെത്തിയ മുതിര്‍ന്ന നേതാവ് പി സി ചാക്കോ പാര്‍ട്ടിയിലെ കിംങ് മേക്കര്‍. എന്‍സിപിയില്‍ ഔദ്യോഗിക ഭാരവാഹിയല്ലെങ്കിലും പിസി ചാക്കോ സംസ്ഥാന അദ്ധ്യക്ഷനാവും. നിലവില്‍ ടി പി പീതാംബരനാണ് എന്‍ സി പി സംസ്ഥാന അദ്ധ്യക്ഷ ന്‍. പീതാംബരനെ അദ്ധ്യക്ഷസ്ഥാനത്ത് നിന്ന് മാറ്റണമെന്ന് ഒരു വിഭാഗം പാര്‍ട്ടി പ്രവര്‍ത്തകര്‍ ദേശീ യ നേതൃത്വത്തോട് ആവശ്യപ്പെട്ടിരുന്നു. ദേശീയ അദ്ധ്യക്ഷന്‍ ശരത് പവാറാണ് പി സി ചാക്കോയെ അദ്ധ്യക്ഷനാക്കിയുളള നിര്‍ദേശത്തിന് അനുമതി നല്‍കിയത്.
കഴിഞ്ഞദിവസം എ കെ ശശീന്ദ്രന് എന്‍ സി പിയുടെ മന്ത്രിസ്ഥാനം ലഭിക്കുന്നതിനടക്കം നിര്‍ണാ യക നീക്കം നടത്തിയത് പി സി ചാക്കോ ആയിരുന്നു. ചാക്കോയുടെ അഭിപ്രായത്തെ തുടര്‍ന്നാണ് തോമസ് കെ തോമസിന് രണ്ടരവര്‍ഷക്കാലത്തെ കാലാവധി അടക്കം കിട്ടാതെ പോയത്.
കോണ്‍ഗ്രസില്‍ നിന്ന് അടുത്തിടെ എന്‍ സി പിയിലെത്തിയ ചാക്കോ പാര്‍ട്ടിയുടെ ഔദ്യോഗിക ഭാര വാഹിയല്ലെങ്കിലും ഇന്നലെ മന്ത്രിയെ തീരുമാ നിച്ച യോഗത്തില്‍ അദ്ദേഹത്തോട് പങ്കെടുക്കാന്‍ ശ രത് പവാര്‍ ആവശ്യപ്പെട്ടിരുന്നു. ശശീന്ദ്രന് പകരം തോമസ് കെ തോമസിന് മന്ത്രിസ്ഥാനം നല്‍ക ണമെന്നായിരുന്നു ടി പി പീതാംബരന്റെ പ്രധാന ആവശ്യം. എന്നാല്‍ ശശീന്ദ്രന് മന്ത്രിയും പി സി ചാക്കോ സംസ്ഥാന അദ്ധ്യക്ഷനുമാകുന്ന തോടെ എന്‍ സി പിയില്‍ ചാക്കോയുടെ നേതൃത്വത്തില്‍ പുതിയ ചേരി രൂപപ്പെടുകയാണ്.
