തൃപ്പൂണിത്തുറ മരട് സ്വദേശി ജയപാലന് എന്ന ഓട്ടോ ഡ്രൈവര്‍ക്കാണ് 12 കോടിയുടെ ലോ ട്ടറി അടിച്ചത്. നേരത്തെ ഓണം ബംപര്‍ 12 കോടി തനിക്ക് അടിച്ചെന്ന അവകാശവാദവു മായി പ്രവാസി രംഗത്തെത്തിയിരുന്നു
കൊച്ചി: സസ്പെന്‍സുകള്‍ക്ക് ഒടുവില്‍ തിരുവോണം ബംപര്‍ ലോട്ടറിയുടെ ഒന്നാം സമ്മാനം 12 കോടി നേടിയ ഭാഗ്യവാനെ കണ്ടെത്തി. തൃ പ്പൂണിത്തുറ മരട് സ്വദേശി ജയപാലന് എന്ന ഓട്ടോ ഡ്രൈവര്‍ ക്കാണ് 12 കോടിയുടെ ലോട്ടറി അടിച്ചത്.
ഈ മാസം പത്തിനാണ് ജയപാലന് ടിക്കറ്റെടുത്തത്. ലോട്ടറി ടിക്കറ്റ് ബാങ്കില്‍ കൈമാറി.ഓട്ടോ ഡ്രൈവറായ ജയപാലന് നേരത്തെയും ലോട്ടറിയ ടിച്ചിട്ടുണ്ട്. ഒമ്പതാം തിയ്യതി 5000 രൂപ അടി ച്ചിരുന്നു. 10ന് ആ ടിക്കറ്റ് മാറാനായാണ് പോയത്. അന്ന് അടിച്ച പൈസക്ക് ഒരു ബമ്പറും 5 ടിക്കറ്റ് വേറെയും എടുത്തു. ഫാന്‍സി നമ്പറായി തോന്നിയത് കൊണ്ടാണ് ആ ടിക്കറ്റ് തന്നെയെടുത്തതെ ന്നും ജയപാലന് പറഞ്ഞു.
നേരത്തെ ഓണം ബംപര്‍ 12 കോടി തനിക്ക് അടിച്ചെന്ന അവകാശവാദവുമായി പ്രവാസി രംഗ ത്തെത്തിയിരുന്നു. ടിക്കറ്റെടുത്തത് സുഹൃത്ത് വഴിയാണെന്നായിരുന്നു ദുബായില്‍ ഹോട്ടല്‍ ജീവനക്കാരനായ സെയ്തലവിയുടെ അവകാശവാദം. ഈ അനിശ്ചിതത്വങ്ങള്‍ക്ക് ഒടുവിലാണ് യഥാര്‍ത്ഥ വിജയിയെ കണ്ടെത്തിയത്.
