ദുബായ് : അറബ് ലോകത്തിന്റെ ഭാവി നിർമിക്കുന്നതിൽ മാധ്യമങ്ങൾക്ക് നിർണായക പങ്കുണ്ടെന്ന് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം. ദുബായിൽ സമാപിച്ച അറബ് മീഡിയ ഉച്ചകോടിയുടെ 23-ാമത് പതിപ്പിനോട് അനുബന്ധിച്ച് എക്സിൽ പങ്കുവെച്ച സന്ദേശത്തിലൂടെ അദ്ദേഹം മാധ്യമങ്ങളുടെ വലിയ ഉത്തരവാദിത്തം ഓർമിപ്പിച്ചു.
8,000ത്തിലധികം അറബ് മാധ്യമപ്രവർത്തകരെ രാജ്യത്ത് സ്വാഗതം ചെയ്യുന്നതിൽ അഭിമാനമുണ്ടെന്നും, അറബ് മാധ്യമം തകർച്ചയ്ക്കെതിരെയുള്ള പ്രതിരോധ സഞ്ചാരമായിരിക്കണമെന്നും അദ്ദേഹം പറഞ്ഞു. “അറബ് മാധ്യമം തകരാനുള്ളതല്ല, നിർമ്മിക്കാനുള്ളതും ഒന്നിപ്പിക്കാനുള്ളതും പ്രചോദനം നൽകാനുള്ളതുമാണ്. അജ്ഞതയും പിന്നാക്കാവസ്ഥയും ബൗദ്ധിക-സാംസ്കാരിക തകരച്ചികളും അതിനെതിരെ പോരാടേണ്ടവയാണെന്നും” ഷെയ്ഖ് മുഹമ്മദ് വ്യക്തമാക്കി.
അറബ് മാധ്യമത്തിന് മുന്നേറ്റത്തിനും സമൂഹത്തെ ഉന്നതമായി നിർമ്മിക്കുന്നതിനും പുതിയ വഴികൾ തേടേണ്ട സമയമാണിതെന്നും, സമൂഹത്തിലെ മാറ്റങ്ങൾക്കൊപ്പം മാധ്യമങ്ങളും വികസിക്കണമെന്ന് അദ്ദേഹം കൂട്ടിച്ചേർത്തു.
