അനുപമയുടെ കുഞ്ഞിനെ തിരികെയെത്തിക്കുന്നത് സംബന്ധിച്ച് ഉത്തരവ് ചൈല്‍ഡ് വെല്‍ഫെയര്‍ കമ്മിറ്റി(സിഡബ്ല്യുസി)ശിശുക്ഷേമ സമിതിക്ക് കൈമാറി
തിരുവനന്തപുരം:പേരൂര്‍ക്കടയില്‍ അമ്മ അറിയാതെ ദത്ത് നല്‍കിയ അനുപമയുടെ കുഞ്ഞിനെ തിരി കെയെത്തിക്കും.ഇത് സംബന്ധിച്ച് ഉത്തരവ് ചൈല്‍ഡ് വെല്‍ഫെയര്‍ കമ്മിറ്റി (സിഡബ്ല്യുസി) ശിശുക്ഷേ മ സമിതിക്ക് കൈമാറി. ഇന്ന് രാവിലെ 11ന് ഉത്തരവ് കുഞ്ഞിന്റെ അമ്മ അനുപമക്ക് കൈമാറും. അഞ്ച് ദിവസത്തനിള്ളില്‍ കുഞ്ഞിനെ ആന്ധ്രാപ്രദേശില്‍ നിന്ന് തിരികെയെത്തിക്കണമെന്നാണ് ചൈല്‍ഡ് വെല്‍ഫെയര്‍ കമ്മിറ്റിയുടെ നിര്‍ദേശം.
കേരളത്തിലെത്തിച്ച ശേഷം ഡിഎന്‍എ പരിശോധന നടത്തും. സിഡബ്ളിയുസിയുടെ ഉത്തരവ് പരി ശോധിച്ച ശേഷം തുടള്‍ നടപടി സ്വീകരിക്കുമെന്ന് ബാലാവകാശ കമ്മീ ഷനും വ്യക്തമാക്കി.കുഞ്ഞിനെ തിരികെ ലഭിക്കാന്‍ ശിശു ക്ഷേമ സമിതി ഓഫീസിന് മുന്നില്‍ അനുപമ സമരം നടത്തിവരികയായിരുന്നു.
കുട്ടിയെ കൊണ്ടുവരുന്നതില്‍ സന്തോഷമുണ്ടെന്ന് അനുപമ പറഞ്ഞു. സിഡബ്ല്യുസി ഉത്തരവിന്റെ പ ശ്ചാത്തലത്തില്‍ സമരം നിര്‍ത്തുന്നതിനെ കുറിച്ച് ആലോചിക്കുന്നില്ലെ ന്നും അനുപമ വ്യക്തമാക്കി. ശി ശുക്ഷേമ സമിതിയെ ഏല്‍പ്പിച്ച കുഞ്ഞിനെ മാതാപിതാക്കളുടെ സമ്മതമില്ലാതെ ദത്ത് നല്‍കിയെന്നാണ് കേസ്.
അതേസമയം, അനുപമയുടെ അച്ഛന്‍ ജയചന്ദ്രന്റെ മുന്‍കൂര്‍ ജാമ്യാപേക്ഷ കോടതി ഇന്ന് പരിഗണിക്കും. തന്റെ സമ്മതമില്ലാതെ വ്യാജ രേഖകളുണ്ടാക്കി കുഞ്ഞിനെ ദത്തു നല്‍കിയെന്നാണ് അനുപമ അച്ഛനെ തിരെ നല്‍കിയിരിക്കുന്ന കേസ്. കേസില്‍ അനുപമയുടെ അമ്മ ഉള്‍പ്പെടെ അഞ്ചു പ്രതികള്‍ക്ക് നേര ത്തെ മുന്‍കൂര്‍ ജാമ്യം ലഭിച്ചിരു ന്നു.കേസന്വേഷണം അടുത്ത ഘട്ടത്തിലേക്കു കടക്കുന്നതിനിടെയാണ് ജയചന്ദ്രന്‍ മുന്‍കൂര്‍ ജാമ്യാപേക്ഷ നല്‍കിയത്.
