മനാമ : രാജ്യത്തെ വരൾച്ചയെ നേരിടുന്നതിനായി ബഹ്റൈൻ സ്പേസ് ഏജൻസി (BSA) ഉപഗ്രഹ ഡാറ്റയെ അടിസ്ഥാനമാക്കിയുള്ള നവീന പദ്ധതിയുമായി മുന്നോട്ട് വന്നു. ഭൂമിക്കടിയിലുള്ള ജലസ്രോതസ്സുകൾ കണ്ടെത്തുന്നതാണ് പദ്ധതിയുടെ പ്രധാന ലക്ഷ്യം. വരൾച്ചയും മരുഭൂമീകരണത്തെയും (ഫലഭൂയിഷ്ഠമായ ഭൂമി ക്രമേണ ഉൽപാദനക്ഷമത നഷ്ടപ്പെട്ട് മരുഭൂമിയായി മാറുന്ന പ്രക്രിയ) തടയുന്നതിനുള്ള അന്താരാഷ്ട്ര ശ്രമങ്ങൾക്ക് ഇത് പുതിയ പ്രതീക്ഷയാണെന്ന് ഏജൻസി അറിയിച്ചു.
ബ്രസീലിലെയും യുകെയിലെയും വിദഗ്ധരുമായി സഹകരിച്ചാണ് സ്പേസ് എഞ്ചിനിയർ ആയ ഇഷ അൽ ജൗദർ നിർവഹിച്ച ഈ പഠനം നടപ്പാക്കിയത്. “ബഹിരാകാശ ജലപദ്ധതി” എന്ന പദ്ധതിയുടെ ഭാഗമായി പ്രതിസന്ധികൾ തിരിച്ചറിഞ്ഞ് പരിഹാര മാർഗങ്ങൾ നിർദേശിക്കാനും, അതിൽ പങ്കെടുത്തതിന് യുഎൻ ഓഫീസ് ഫോർ ഔട്ടർ സ്പേസ് അഫയേഴ്സിന് അവർ നന്ദി അറിയിച്ചു.
ജലവുമായി ബന്ധപ്പെട്ട വെല്ലുവിളികൾക്ക് ബഹിരാകാശ സാങ്കേതിക വിദ്യകളുടെ സഹായത്തോടെ പുതുമുഖ പരിഹാരങ്ങൾ വികസിപ്പിക്കാനാണ് പദ്ധതിയുടെ ലക്ഷ്യം. യു.എൻ. ഓഫീസ് ഫോർ ഔട്ടർ സ്പേസ് അഫയേഴ്സും, പ്രിൻസ് സുൽത്താൻ ബിൻ അബ്ദുല്ല അസീസ് ഇന്റർനാഷണൽ പ്രൈസ് ഫോർ വാട്ടറും സഹകരിച്ചാണ് ഈ സംരംഭം പ്രഖ്യാപിക്കപ്പെട്ടത്.
ബഹിരാകാശ സാങ്കേതികവിദ്യയുടെ സഹായത്തോടെ ഭൂഗർഭജലം കണ്ടെത്തുകയാണ് പ്രധാനതേടായ ഈ സംരംഭം. ഭൂഗോള ശാസ്ത്രപരമായി ചെറുരാജ്യങ്ങൾക്കും ഉപഗ്രഹ ഡാറ്റയെ അടിസ്ഥാനമാക്കിയുള്ള പരിഹാരങ്ങളിലേക്ക് പ്രവേശിക്കാനുള്ള മികച്ച മാതൃകയാണ് ഈ പദ്ധതി. മണ്ണിലെ ഈർപ്പം, ഭൂമിയുടെ ഉയരം തുടങ്ങിയ ഘടകങ്ങൾ അളക്കുന്നതിനായി മൂന്ന് വ്യത്യസ്ത ശാസ്ത്രീയ രീതി എന്നിവയാണ് പദ്ധതി ആശ്രയിച്ചിരിക്കുന്നത്.
