ബിജെപിയുടെ തെരഞ്ഞെടുപ്പ് പ്രചാരണത്തിനു കുഴല്പ്പണമായി കൊണ്ട് വന്ന നാല് കോടി തട്ടിയെടുക്കാന് പാലക്കാട്ടും ശ്രമം എന്ന വാര്ത്ത നല്കിയതിനെ തുടര്ന്നാണ് മലയാളം കമ്മ്യൂണിക്കേഷന്സ് ലിമിറ്റഡ്, കൈരളി മാനേജിങ് ഡയറക്ടര് ജോണ് ബ്രിട്ടാസ്, വാര്ത്താ ഡയറക്ടര് ഡോ. എന്.പി. ചന്ദ്രശേഖരന്, പാലക്കാട് ജില്ലാ റിപ്പോര്ട്ടര് സിജു കണ്ണന് എന്നിവര്ക്കെതിരെ നോട്ടീസ് നല്കിയിരിക്കുന്നത്
പാലക്കാട് : ബിജെപി നേതാക്കള്ക്കെതിരെ വ്യാജ വാര്ത്ത നല്കിയ കൈരളി ചാനലിനെതിരെ ബിജെപിയുടെ വക്കീല് നോട്ടീസ്. പാര്ട്ടി പാലക്കാട് ജില്ലാ അദ്ധ്യക്ഷന് അഡ്വ. ഇ. കൃഷ്ണദാസാണ് നോട്ടീസ് അയച്ചത്. മലയാളം കമ്മ്യൂണിക്കേഷന്സ് ലിമിറ്റഡ്, കൈരളി മാനേജിങ് ഡയറക്ടര് ജോണ് ബ്രിട്ടാസ്, വാര്ത്താ ഡയറക്ടര് ഡോ. എന്.പി. ചന്ദ്രശേഖരന്, പാലക്കാട് ജില്ലാ റിപ്പോര്ട്ടര് സിജു കണ്ണന് എന്നിവര്ക്കെ തിരെയാണ് നോട്ടീസ് നല്കിയിരിക്കുന്നത്.
ബിജെപിയുടെ തിരഞ്ഞെടുപ്പ് പ്രചാരണത്തിനു കുഴല്പ്പണമായി വന്ന നാല് കോടി തട്ടിയെടുക്കാ ന് പാലക്കാട്ടും ശ്രമം എന്ന വാര്ത്തയാണ് കൈരളി നല്കിയത്. ഇത്തരത്തില് വ്യാജ വാര്ത്ത നല് കിയതിനെതിരെ കേസ് നല്കുമെന്ന് രണ്ട് ദിവസം മുന്പ് തന്നെ കൃഷ്ണദാസ് മുന്നറിയിപ്പ് നല്കി യിരുന്നു.
അഡ്വ. ആര്. മണികണ്ഠന് മുഖേന മാനനഷ്ടത്തിന് വക്കീല് നോട്ടീസ് അയച്ചതെന്ന് ഫേസ്ബുക്ക് പോസ്റ്റിലാണ് അഡ്വ. ഇ. കൃഷ്ണദാസ് ഫേസ് ബുക്കിലാണ് വിവരം അറിയിച്ചത്. ‘ആളും തരവും നോ ക്കി കളിച്ചില്ലെങ്കില് പണി പാളും, പാലക്കാട്ടെ ബിജെപി നേതാക്കന്മാരെ ഒന്നടങ്കം സംശയ ത്തി ന്റെ മുള്മുനയില് നിര്ത്താന് ശ്രമിക്കുന്ന കൈരളി ടിവിയോട് ഒന്നേ പറയാനുള്ളൂ. ഇനി മാറ്റി പറയ രു ത്. പറഞ്ഞതില് ഉറച്ചു നില്ക്കണം ബാക്കി കോടതിയില് കാണാം രണ്ടു വര്ഷം കിടന്നാല് മതി ജോണ് ബ്രിട്ടാസ്…… പാലക്കാട് ബിജെപി ഈ വെല്ലുവിളി ഏറ്റെടുക്കുന്നു!’ ഇത്തരത്തിലായിരുന്നു കൃഷ്ണദാസിന്റെ ഫേസ്ബുക്ക് പോസ്റ്റ്.
