സുകുമാരന് നായര് ബിജെപിയിലേക്ക് പോകുന്നതിന് എതിരല്ല, എന്നാല് തെറ്റായ സന്ദേശമാണ് സുകുമാരന് നായര് നല്കിയതെന്നു മന്ത്രി എ കെ ബാലന്
പാലക്കാട്: നായന്മാരെല്ലാം തന്റെ പോക്കറ്റിലാണെന്ന എന്എസ്എസ് ജനറല് സെക്രട്ടറി ജി.സുകുമാരന് നായരുടെ ധാരണ തെറ്റിയെന്ന് മന്ത്രി എ കെ ബാലന്.സുകുമാരന് നായര് ബിജെപിയിലേക്ക് പോകുന്നതിന് എതിരല്ല, എന്നാല് തെറ്റായ സന്ദേശമാണ് സുകുമാരന് നായര് നല്കിയതെന്നും മന്ത്രി പറഞ്ഞു.
നിരീശ്വരവാദികളും ഈശ്വരവാദികളും തമ്മിലുള്ള പോരാട്ടമെന്ന സുകുമാരന് നായരുടെ പ്രസ്ഥാവന തെറ്റ്. അത് തെരഞ്ഞെടുപ്പ് ദിനം പറയാന് പാടില്ലായിരുന്നു. ഇനിയെങ്കിലും സുകുമാരന് നായര് തെറ്റ് തിരുത്തണമെന്ന് എ കെ ബാലന് കൂട്ടിച്ചേര്ത്തു. കുപ്പിവള പൊട്ടുന്ന പോലെ പൊട്ടുന്ന പാര്ട്ടിയാണ് കോണ്ഗ്രസെന്നും മുല്ലപ്പള്ളി രാമചന്ദ്രന് വരെ പോകുമെന്നും എ കെ ബാലന് പരിഹസിച്ചു.
മന്നവും നാരായണപ്പണിക്കരും ഇരുന്ന സ്ഥാനത്തിരുന്നാണ് സുകുമാരന് നായര് ഇത് ചെയ്തത്. സുകുമാരന് നായര് പറഞ്ഞാലുടന് സാധാരണ നായന്മാര് കേള്ക്കുമെന്ന് കരുതണ്ടെന്നും തെരഞ്ഞെടുപ്പ് ഫലം അത് വ്യക്തമാക്കുമെന്നും നേരത്തെ എ.കെ ബാലന് പറഞ്ഞിരുന്നു.
