ഷംനയും ഭര്‍ത്താവും തമ്മില്‍ നിരന്തരം ഫോണില്‍ സംസാരിച്ചിരുന്നു; തന്നോട് റഫീഖ് വിവാഹ മോചനം ആവശ്യപ്പെട്ടുവെന്ന് ഭാര്യ

Web Desk

കൊച്ചി: ഷംന ബ്ലാക്‌മെയില്‍ കേസില്‍ വെളിപ്പെടുത്തലുമായി മുഖ്യപ്രതി റഫീഖിന്‍റെ  ഭാര്യ. റഫീഖ് കൂടുതല്‍ കേസുകളില്‍ പ്രതിയാണെന്നും ജയിലില്‍ കിടന്നിട്ടുണ്ടെന്നും ഭാര്യ പറഞ്ഞു.. ഷംനയെ വിവാഹം കഴിക്കാന്‍ റഫീഖ് തന്നോട് വിവാഹ മോചനം ആവശ്യപ്പെട്ടു. ഷംനയുടെ ചിത്രങ്ങള്‍ തന്നെ കാണിച്ചുവെങ്കിലും വിശ്വസിച്ചിരുന്നില്ലെന്നും ഭാര്യ പറഞ്ഞു.

ഷംനയും ഭര്‍ത്താവും തമ്മില്‍ നിരന്തരം ഫോണില്‍ സംസാരിച്ചിരുന്നു. ഇതിനെ ചൊല്ലി ഭര്‍ത്താവുമായി വഴക്കിട്ടിരുന്നു. ഷംനയെ വിളിച്ച സ്ത്രീ താനല്ലെന്നും തന്നെ കേസില്‍ കുടുക്കാന്‍ ശ്രമമെന്നും റഫീഖിന്റെ ഭാര്യ പറഞ്ഞു.

ആല്‍ബങ്ങളില്‍ അഭിനയിക്കുന്നവരുടെ ഫോണ്‍ നമ്പര്‍ ഹാരിസ് റഫീഖിന് നല്‍കിയിരുന്നെന്നും യുവതികളെ പറ്റിച്ച പണം ആഡംബര ജീവിതത്തിന് റഫീഖ് ഉപയോഗിച്ചുവെന്നും ഭാര്യ പറഞ്ഞു. ഭര്‍ത്താവിനെതിരെ താന്‍ ഒന്നിലധികം പരാതി നല്‍കിയെങ്കിലും കേസെടുത്തില്ലെന്നും റഫീന്റെ ഭാര്യ പറഞ്ഞു.

തന്‍റെ സഹോദരനെ കേസില്‍ കുടുക്കിയതാണെന്നും ഭാര്യ പറഞ്ഞു. ബ്ലാക് മെയിലിങ് കേസില്‍ സ്വര്‍ണം പണയംവെച്ച റഫീഖിന്റെ ഭാര്യാ സഹോദരനെ അറസ്റ്റ് ചെയ്തിട്ടുണ്ട്. തൃശൂര്‍ വാടാനപ്പള്ളി സ്വദേശിയാണ് ഷമില്‍