കെ.അരവിന്ദ്
മ്യച്വല് ഫണ്ടുകളുടെ ന്യൂ ഫണ്ട് ഓഫറുകള് (എന്എഫ്ഒ) നിക്ഷേപം നടത്താനായി തിരഞ്ഞെടുക്കുന്ന പല നിക്ഷേപകരും ചില തെറ്റിദ്ധാരണകള്ക്ക് അടിപ്പെടുന്നത് കാ ണാറുണ്ട്. അതിലൊന്ന് ന്യൂ ഫണ്ട് ഓഫറുകള് ചെലവ് കുറഞ്ഞതാണ് അല്ലെങ്കില് വില കുറഞ്ഞതാണ് എന്നതാണ്.
ന്യൂ ഫണ്ട് ഓഫറുകളുടെ യൂണിറ്റിന്റെ വില (മുഖവില) 10 രൂപയാണ് എന്നതാണ് ഇത്തരത്തിലുള്ള തെറ്റായ നിഗമനത്തിലെത്തി ചേരുന്നതിന് നിക്ഷേപകരെ പ്രേരിപ്പിക്കുന്നത്. 50ഉം 100ഉം രൂപ യൂണിറ്റ് വിലയുള്ള ഫണ്ടുകളേക്കാള് വില കുറഞ്ഞതാണ് ന്യൂ ഫണ്ട് ഓഫറുകളെന്ന് നിക്ഷേപകര് തെറ്റിദ്ധരിക്കുന്നു.
ന്യൂ ഫണ്ട് ഓഫറുകളുടെ യൂണിറ്റിന്റെ മുഖവിലയായ 10 രൂപ അടിസ്ഥാന വിലയാണ്. എല്ലാ ഫണ്ടുകളും 10 രൂപ മുഖവിലയുടെ അടിസ്ഥാനത്തിലാണ് ന്യൂ ഫണ്ട് ഓഫറുകളുമായി വിപണിയിലെത്തുന്നത്. എന്നാല് ഫണ്ടിന്റെ ഗുണനിലവാരവുമായി ഈ വിലനിര്ണയത്തിന് യാതൊരു ബന്ധവുമില്ല.
ഒരു ഓഹരി ഇനീഷ്യല് പബ്ലിക് ഓഫറു (ഐപിഒ) മായി വിപണിയിലെത്തുമ്പോള് ഇഷ്യു വിലയുടെ അടിസ്ഥാനത്തില് ഓഫര് ചെലവേറിയതാണോ അ ല്ലയോ എന്ന് വിലയിരുത്തുന്നതു പോലെ ന്യൂ ഫണ്ട് ഓഫറുകളെ വിലയിരുത്തുക സാധ്യമല്ല. ഐപിഒയും എന്എഫ്ഒയുമായി കാതലായ വ്യത്യാസമുണ്ട്. ഇനീഷ്യല് പബ്ലിക് ഓഫറുമായെത്തുന്ന ഒരു കമ്പനിയുടെ മുന്ചരിത്രത്തെയും സാമ്പത്തിക നിലയെയും ആധാരമാക്കിയാണ് ആ ഓഹരിയുടെ അടിസ്ഥാനങ്ങളെ വിലയിരുത്തുകയും ഇഷ്യു പ്രൈസ് ന്യായമാണോ എന്ന് നിര്ണയിക്കുകയും ചെയ്യുന്നത്. എന്നാല് പുതിയ ഫണ്ടുകളെ ഇത്തരത്തില് വിലയിരുത്താനോ മൂല്യനിര്ണയം നടത്താനോ സാ ധിക്കില്ല. വിപണിയെ സംബന്ധിച്ചിടത്തോളം അവ എല്ലാ അര്ത്ഥത്തിലും പുതിയതാണ്. ലിസ്റ്റ് ചെയ്യപ്പെടുന്ന ദിവസം മുതലാണ് ആ ഫണ്ടിന്റെ പ്രകടന ചരിത്രം ആരംഭിക്കുന്നത്.
പുതിയ ഫണ്ടുകള് നിക്ഷേപത്തിനായി തിരഞ്ഞെടുക്കുമ്പോള് നിക്ഷേപകര് ചില കാ ര്യങ്ങള് ശ്രദ്ധിക്കേണ്ടതുണ്ട്. ഒരു ഫണ്ട് നിക്ഷേപിക്കാനായി തെരഞ്ഞെടുക്കുമ്പോള് ആ ഫ ണ്ടിന്റെ പ്രകടന സ്ഥിരതയും നേട്ടത്തിലെ മിക വും കണക്കിലെടുക്കേണ്ടതുണ്ട്. ഇത്തരം വിലയിരുത്തലുകളൊന്നും പുതിയ ഫണ്ടുക ളുടെ കാര്യത്തില് സാധ്യമല്ല. ചെയ്യാവുന്ന കാര്യം പുതിയ ഫണ്ട് പുറത്തിറക്കുന്ന അസറ്റ് മാനേജ്മെന്റ് കമ്പനിയുടെ ആസ്തി നിലവാരവും ഫണ്ട് മാനേജറുടെ പ്രവര്ത്തന ചരിത്രവും പരിശോധിക്കുകയാണ്. പക്ഷേ ഒരു ഫണ്ട് മാനേജര് മാനേജ് ചെയ്യുന്ന എല്ലാ ഫണ്ടുകളും വിജയിക്കണമെന്നില്ല എന്നതുകൊണ്ടു തന്നെ ഫണ്ട് മാനേജറുടെ ട്രാക്ക് റെക്കോഡിന്റെ അടിസ്ഥാനത്തില് മാത്രം ഒരു ഫണ്ടിന്റെ ഭാവി പ്രകടന സാധ്യതയെ വിലയിരുത്താനാകില്ല. അതുപോലെ തന്നെ ഉയര്ന്ന റേറ്റിംഗും മികച്ച പ്ര വര്ത്തന ചരിത്രവുമുള്ള ഫണ്ടുകള് കൈകാ ര്യം ചെയ്യുന്ന ഒരു അസറ്റ് മാനേജ്മെന്റ് കമ്പനിക്ക് ആ നിലവാരം പുതിയ ഫണ്ടുകളിലും നിലനിര്ത്താന് സാധിക്കുമെന്ന് ഉറപ്പൊന്നു മില്ല.
10 രൂപ മാത്രമേ യൂണിറ്റിന് മുഖവിലയുള്ളൂവെന്ന കാരണത്താല് മാത്രം ന്യൂ ഫണ്ട് ഓഫറുകള് നിക്ഷേപത്തിനായി തി രഞ്ഞെടുക്കുന്നതിന് പകരം പ്രകടന സ്ഥിരതയിലും നേട്ടത്തിലും മികച്ചു നില്ക്കു ന്ന നിലവിലുള്ള നിലവാരമേറിയ ഫണ്ടുകളില് നിക്ഷേപിക്കുന്നതാണ് ഉചിതം.
അതേ സമയം വ്യത്യസ്തമായ തീമുകളില് നിക്ഷേപിക്കുന്ന, വിപണിയില് നിലവില് ലഭ്യമല്ലാത്ത തരത്തിലുള്ള സ്കീമുകള് തിരഞ്ഞെടുക്കാന് താല്പ്പര്യമുള്ളവര്ക്ക് അത്തരത്തിലുള്ള എന്എഫ്ഒകളില് നിക്ഷേപിക്കാവുന്നതാണ്.
മസ്കത്ത്: സാമൂഹിക, സാംസ്കാരിക, വിദ്യാഭ്യാസ, ജീവകാരുണ്യ മേഖലകളിൽ ശ്രദ്ധേയമായ സംഭാവനകൾ നൽകുന്ന വ്യക്തിത്വങ്ങളെ ആദരിക്കുന്നതിനായി റൂവി മലയാളി അസോസിയേഷൻ (RMA)…
പി.കെ സജിത് കുമാര് : കേരളത്തിന്റെ സമ്പത് ഘടനയിൽ തന്നെ ഒരു മാറ്റം കൊണ്ടുവരുന്നതിന്റെ തുടക്കമായി കാണുന്നുണ്ട്. പ്രത്യേകിച്ച് മരിടൈം…
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
This website uses cookies.