Web Desk
കൊച്ചി: പൃഥ്വിരാജ്-ആഷിഖ് അബു കൂട്ടുകെട്ടില് ഒരുങ്ങുന്ന ‘വാരിയംകുന്നന്’ സിനിമയില് നിന്ന് തിരക്കഥാകൃത്ത് റമീസ് ഒഴിവായി. റമീസ് സോഷ്യല്മീഡിയയില് എഴുതിയ രാഷ്ട്രീയ നിലപാടുകളും പോസ്റ്റുകളും ഏറെ ചര്ച്ചയായിരുന്നു. ഇതിന് പിന്നാലെയാണ് സിനിമയില് നിന്നുമുള്ള പിന്മാറ്റം.
അതേസമയം, രാഷ്ട്രീയവും വ്യക്തിപരവുമായ നിലപാടുകള് കാരണമെന്ന് സംവിധായകന് ആഷിഖ് അബു അറിയിച്ചു. റമീസിന്റെ രാഷ്ട്രീയ നിലപാടുകളോട് വ്യക്തിപരമായി തനിക്ക് യോജിപ്പില്ലെന്നും എന്റെ രാഷ്ട്രീയ നിലപാടുകളോടും അദ്ദേഹത്തിന് വിയോജിപ്പായിരിക്കുമെന്നും ആഷിഖ് അബു പറഞ്ഞു. സ്വന്തം വിശ്വാസ്യത സമൂഹത്തെ റമീസ് ബോധ്യപ്പെടുത്തണമെന്നും ആഷിഖ് അബു പറഞ്ഞു.
അതേസമയം, തന്റെ പേരില് നടക്കുന്നത് അപവാദപ്രചാരണമെന്ന് റമീസ് മുഹമ്മദ് പ്രതികരിച്ചു. ആരോപണങ്ങള് തെറ്റെന്ന് തെളിയിച്ച് തിരക്കഥാകൃത്തായി മടങ്ങിയെത്തുമെന്നും അദ്ദേഹം പറഞ്ഞു.
ആഷിഖ് അബുവിന്റെ ഫെയ്സ്ബുക്ക് പോസ്റ്റ്
റമീസിന്റെ രാഷ്ട്രീയ നിലപാടുകളോട് വ്യക്തിപരമായി ഒട്ടും തന്നെ യോജിപ്പില്ല. അദ്ദേഹത്തിന് എന്റെ രാഷ്ട്രീയ നിലപാടുകളോടും വിയോജിപ്പാകാനാണ് സാധ്യത.
മറ്റൊരു സംവിധായകനുമായി വാരിയംകുന്നന് എന്ന ചിത്രം നിര്മ്മിക്കുന്നതിനെ പറ്റിയുള്ള ചര്ച്ചകള് വര്ഷങ്ങളായി നടന്നുവരുന്നു. റമീസും ആദ്യം മുതല് തന്നെ ഈ ഉദ്യമത്തില് ഉണ്ടായിരുന്ന, ഇതിനായി റിസേര്ച്ചുകള് ചെയ്ത വ്യക്തിയായിട്ടാണ് ഞാനറിയുന്നത്. മൂന്ന് നാല് മാസങ്ങള്ക്ക് മുന്പ് മാത്രം. സിനിമ പ്രഖ്യാപിച്ചതിന് ശേഷം റമീസിനെതിരെ ഉയര്ന്ന ആരോപണങ്ങളില് അദ്ദേഹത്തോട് വിശദീകരണം ആരായുകയും ചില കാര്യങ്ങളില് അദ്ദേഹം തെറ്റ്സമ്മതിക്കുകയും പരസ്യമായി ഫേസ്ബുക്കില് മാപ്പുപറയുകയും ചെയ്തു. തന്റെ ഉദ്ധേശശുദ്ധിയുടെ മേല് സംശയത്തിന്റെ നിഴല് വീണ നിലക്ക് അത് റമീസ് വ്യക്തിപരമായി പൊതുസമൂഹത്തോടു വിശദീകരിക്കും. തന്റെ വിശ്വാസ്യത സമൂഹത്തെയും ടീമിനേയും ബോധ്യപെടുത്താന് റമീസിന് ബാധ്യതയുണ്ട്. അതുവരെ വാരിയംകുന്നന് എന്ന സിനിമയുടെ തിരക്കഥാകൃത്തെന്ന സ്ഥാനത്തുനിന്ന് മാറി നില്ക്കാന് തീരുമാനിക്കുന്നതായി റമീസ് അറിയിച്ചിരിക്കുന്നു. സിനിമ മുന്നോട്ട്.
ആഷിഖ് അബു
പി.കെ സജിത് കുമാര് : കേരളത്തിന്റെ സമ്പത് ഘടനയിൽ തന്നെ ഒരു മാറ്റം കൊണ്ടുവരുന്നതിന്റെ തുടക്കമായി കാണുന്നുണ്ട്. പ്രത്യേകിച്ച് മരിടൈം…
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
This website uses cookies.