വൈറോളജി ഇൻസ്റ്റിറ്റ്യൂട്ടിന്റെ കേരളത്തിലെ ആദ്യഘട്ട പ്രവർത്തനം ഒക്ടോബർ‌ 15ന് ആരംഭിക്കും

രോഗനിർണയത്തിനും പ്രതിരോധപ്രവർത്തനങ്ങൾക്കും വേണ്ടി അന്താരാഷ്ട്ര നിലവാരത്തിലുള്ള വൈറോളജി ഇൻസ്റ്റിറ്റ്യൂട്ടിന്റെ കേരളത്തിലെ ആദ്യഘട്ട പ്രവർത്തനം ഒക്ടോബർ‌ 15ന് ആരംഭിക്കും.

തിരുവനന്തപുരം, തോന്നയ്ക്കൽ ലൈഫ് സയൻസ് പാർക്കിലാണ് ഇൻസ്‌റ്റിറ്റ്യൂട്ടിന്റെ പ്രവർത്തനമാരംഭിക്കുന്നത്. കോവിഡ് ഉൾപ്പെടെയുള്ള വൈറസ്‌ സ്ഥിരീകരിക്കാനുള്ള ആർടിപിസിആർ, മറ്റ് ഗവേഷണങ്ങൾക്കുള്ള ജെൽ ഡോക്യുമെന്റേഷൻ സിസ്റ്റം, ബയോസേഫ്റ്റി ലെവൽ ക്യാബിനറ്റ്‌സ്, കാർബൺ ഡയോക്‌സൈഡ് ഇൻകുബേറ്റർ, സെൻട്രിഫ്യൂജ്, ഇലക്ട്രോഫോറസിസ് യൂണിറ്റ്, വാട്ടർബാത്ത് സിസ്റ്റം, നാനോഫോട്ടോമീറ്റർ തുടങ്ങി ആദ്യഘട്ട പ്രവർത്തനങ്ങൾക്കുള്ള ഉപകരണങ്ങളെല്ലാം സജ്ജമാക്കിയിട്ടുണ്ട്.