തമിഴ്‌നാട്ടില്‍ അതീവ ജാഗ്രത ; കൊവിഡ് ബാധിതരുടെ എണ്ണം 54449 ആയി

Web Desk

തമിഴ്‌നാട്ടില്‍ കൊവിഡ് സ്ഥിരീകരിച്ചവരുടെ എണ്ണം തുടര്‍ച്ചയായ മൂന്നാം ദിവസവും രണ്ടായിരം കടന്നു. 2,115 പേര്‍ക്കാണ് കഴിഞ്ഞ 24 മണിക്കൂറില്‍ രോഗം ബാധിച്ചത്. 41 പേര്‍ക്ക് ജീവന്‍ നഷ്ടപ്പെട്ടു. ഇതോടെ തമിഴ്‌നാട്ടില്‍ ആകെ രോഗം സ്ഥിരീകരിച്ചവരുടെ എണ്ണം 54,449 ആയി ഉയര്‍ന്നു. 66 പേരാണ് ഇതുവരെ രോഗം ബാധിച്ച്‌ മരിച്ചത്.

തമിഴ്‌നാട്ടിലെ ആകെ കൊവിഡ് ബാധിതരില്‍ 32241 പേര്‍ പുരുഷന്മാരും20073 പേര്‍ സ്ത്രീകളും 20 ട്രാന്‍സ്‌ജെന്‍റേഴ്സുമാണ്.പുതുതായി രോഗം സ്ഥിരീകരിച്ചവരില്‍ 10 പേര്‍ വിദേശത്ത് നിന്നും 40 പേര്‍ മറ്റ് സംസ്ഥാനങ്ങളില്‍ നിന്നും എത്തിയവരാണ്.ഇതില്‍ കൂടുതലും മഹാരാഷ്ട്രയില്‍ നിന്നുള്ളവരാണ്.നിലവില്‍ സംസ്ഥാനത്ത് 23,509 പേരാണ് ചികിത്സയിലുള്ളത്. 30,271 പേര്‍ക്ക് രോഗം ഭേദമായി. ഇന്നലെ മാത്രം 28000 ത്തോളം സാമ്പിളുകള്‍ പരിശോധനക്കയച്ചിട്ടുണ്ട്. സംസ്ഥാനത്ത് ഇതുവരേയും ആകെ 827980 സാമ്പിളുകള്‍ പരിശോധിച്ചിട്ടുണ്ട്.

കൊവിഡ് പടര്‍ന്നു പിടിക്കുന്ന സാഹചര്യത്തില്‍ ചെന്നൈ ഉള്‍പ്പെടെയുള്ള നാല് ജില്ലകളില്‍ സമ്പൂര്‍ണ്ണ ലോക്ക്ഡൗണ്‍ പ്രഖ്യാപിച്ചിരിക്കുകയാണ്. ജൂണ്‍ 30 വരെയാണ് ലോക്ക്ഡൗണ്‍ നിലനില്‍ക്കുന്നത്.