കെ.അരവിന്ദ്
ഇന്ത്യയിലെ സ്വകാര്യ മേഖലയിലെ ഏറ്റവും വലിയ കമ്പനിയായ റിലയന്സ് ഇന്റസ്ട്രീസ് പെട്രോകെമിക്കല്സ്, പെട്രോളിയം റിഫൈനിംഗ്, ടെക്സ്റ്റൈല്സ്, റീട്ടെയില്, ടെലികോം തുടങ്ങിയ മേഖലകളിലാണ് വ്യാപരിച്ചിരിക്കുന്നത്.
പ്രധാന ബിസിനസായ പെട്രോകെമിക്കല് സിലെയും റിഫൈനിംഗിലെയും മൂലധന ചെ ലവ് ഏതാണ്ട് പൂര്ത്തിയായ നിലയ്ക്ക് റിലയന്സ് ഇന്റസ്ട്രീസിന്റെ വരുമാനം ഗണ്യമായി ഉയരാനാണ് സാധ്യത. വരുമാനത്തിലെ വളര്ച്ചാ സാധ്യത ഓഹരി വിലയിലെ കൂടുതല് മുന്നേറ്റത്തിന് വഴിതുറക്കുന്നു.
ആറ്-ഏഴ് വര്ഷമായി നടത്തിവന്ന മൂലധന ചെലവിന്റെ ഗുണഫലങ്ങള് കമ്പനിക്ക് കിട്ടിതുടങ്ങിയതോടെ ഓഹരി മികച്ച പ്രകടനം കാഴ്ച വെക്കുകയാണ്. 2017ന് മുമ്പുള്ള ഏതാനും വര്ഷങ്ങളില് റിലയന്സ് ഓഹരിയുടമകള്ക്ക് പരിമിതമായ നേട്ടം മാത്രം നല് കിയതിനു കാരണം വികസന പദ്ധതികള്ക്കു ള്ള ചെലവ് വര്ധിച്ചതായിരുന്നു. എന്നാല് ഈ പദ്ധതികളില് നിന്നുള്ള വരുമാനം ലഭിച്ചുതുടങ്ങിയതോടെ കമ്പനിയുടെ ബാലന്സ് ഷീറ്റിലെ പ്രകടനം മെച്ചപ്പെടുകയും ഇത് ഓഹരിയുടെ പ്രകടനത്തില് പ്രതിഫലിക്കുകയും ചെയ്തു.
ടെലികോം ബിസിനസിലെ വളര്ച്ചയും ഓ ഹരിയുടെ മുന്നേറ്റത്തെ തുണക്കും. ടെലി കോം മേഖലയില് പുതിയ തരംഗമായി മാറുകയും നവപ്രവണതകള്ക്ക് തുടക്കം കുറിക്കുകയും ചെയ്ത റിലയന്സ് ജിയോ വരുമാനം വര്ധിപ്പിക്കാനുള്ള സാധ്യത നിലനില്ക്കുന്നു. ജിയോയുടെ ഉപഭോക്താക്കളുടെ എണ്ണത്തില് ഗണ്യമായ വര്ധനവാണ് ഉണ്ടായത്.
നടപ്പു സാമ്പത്തിക വര്ഷം ഏപ്രില്-ജൂണ് ത്രൈമാസത്തില് റിലയന്സ് ഇന്റസ്ട്രീസ് മികച്ച പ്രകടനമാണ് കാഴ്ച വെച്ചത്. 13,233 കോടി രൂപയാണ് ഈ ത്രൈമാസത്തിലെ കമ്പനിയുടെ ലാഭം. മുന് വര്ഷം സമാന കാലയളവിനേക്കാള് ലാഭത്തിലുണ്ടായ വളര്ച്ച 31 ശതമാനമാണ്. കമ്പനിയുടെ മൊത്തം വരുമാനം 95,625 കോടി രൂപയാണ്. മുന്വര്ഷം ഒന്നാം ത്രൈമാസത്തില് 1.61 ലക്ഷം കോടി രൂപയായിരുന്നു വരുമാനം. ഗ്രോസ് റിഫൈനിംഗ് മാര്ജിന് (ജിആര്എം) ബാരലിന് 6.3 ഡോളറാണ്.
ടെലികോം സബ്സിഡറിയായ റിലയന്സ് ജിയോ 2520 കോടി രൂപയുടെ ലാഭമാണ് രേഖപ്പെടുത്തിയത്. 182 ശതമാനമാണ് ലാഭത്തിലുണ്ടായ വളര്ച്ചു. മറ്റൊരു സബ്സിഡറിയായ റിലയന്സ് റീട്ടെയിലിന്റെ വില്പ്പന 31,633 കോടി രൂപയാണ്. ദ്രുതഗതിയിലുള്ള വിപുലീകരണ പ്രവര്ത്തനങ്ങളാണ് റിലയന്സ് റീട്ടെയില് നടത്തിവരുന്നത്.
നടപ്പു സാമ്പത്തിക വര്ഷം 2530 രൂപയിലേക്ക് റിലയന്സ് ഇന്റസ്ട്രീസിന്റെ ഓഹരി വില ഉയരുമെന്നാണ് പ്രതീക്ഷിക്കുന്നത്. നിലവില് 2070 രൂപ നിലവാരത്തിലാണ് ഓഹരി വ്യാപാരം ചെയ്യുന്നത്.
മസ്കത്ത്: സാമൂഹിക, സാംസ്കാരിക, വിദ്യാഭ്യാസ, ജീവകാരുണ്യ മേഖലകളിൽ ശ്രദ്ധേയമായ സംഭാവനകൾ നൽകുന്ന വ്യക്തിത്വങ്ങളെ ആദരിക്കുന്നതിനായി റൂവി മലയാളി അസോസിയേഷൻ (RMA)…
പി.കെ സജിത് കുമാര് : കേരളത്തിന്റെ സമ്പത് ഘടനയിൽ തന്നെ ഒരു മാറ്റം കൊണ്ടുവരുന്നതിന്റെ തുടക്കമായി കാണുന്നുണ്ട്. പ്രത്യേകിച്ച് മരിടൈം…
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
This website uses cookies.