മുംബൈ: കടുത്ത ചാഞ്ചാട്ടത്തിനൊടുവില്‍ നേരിയ നേട്ടത്തോടെ ഓഹരി വിപണി ക്ലോസ്‌ ചെയ്‌തു. സെന്‍സെക്‌സ്‌ 31.71 പോയിന്റും നിഫ്‌റ്റി 3.55 പോയിന്റുമാണ്‌ ഉയര്‍ന്നത്‌. 11,900 പോയിന്റിന്‌ മുകളില്‍ നിഫ്‌റ്റി നിലയുറപ്പിച്ചെങ്കിലും 12,000 പോയിന്റ്‌ മറികടക്കാന്‍ സാധിച്ചില്ല. തുടര്‍ച്ചയായ ഒന്‍പതാമത്തെ ദിവസമാണ്‌ വിപണി നേട്ടം രേഖപ്പെടുത്തുന്നത്‌.
40,625 പോയിന്റിലാണ്‌ സെന്‍സെക്‌സ്‌ ക്ലോസ്‌ ചെയ്‌തത്‌. 40,461 പോയിന്റ്‌ ആണ്‌ ഇന്നത്തെ താഴ്‌ന്ന നില. 40,786 പോയിന്റ്‌ വരെ ഉയര്‍ന്നിരുന്നു. നിഫ്‌റ്റി 11,988 പോയിന്റ്‌ വരെ ഉയര്‍ന്നെങ്കിലും പിന്നീട്‌ ചാഞ്ചാട്ടം ദൃശ്യമായി. ചാഞ്ചാട്ടത്തിനിടെ 11,888 പോയിന്റിലേക്ക്‌ ഇടിഞ്ഞെങ്കിലും വ്യാപാരാന്ത്യത്തില്‍ നേട്ടം രേഖപ്പെടുത്താന്‍ സാധിച്ചു. 11,934 പോയിന്റിലാണ്‌ ക്ലോസ്‌ ചെയ്‌തത്‌.
ഓഹരി സൂചിക നേട്ടത്തിലാണ്‌ ക്ലോസ്‌ ചെയ്‌തതെങ്കിലും നിഫ്‌റ്റിയില്‍ ഉള്‍പ്പെട്ട ഭൂരിഭാഗം ഓഹരികളും നഷ്‌ടത്തിലായിരുന്നു. നിഫ്‌റ്റിയില്‍ ഉള്‍പ്പെട്ട 50 ഓഹരികളില്‍ 22 ഓഹരികള്‍ നേട്ടം രേഖപ്പെടുത്തിയപ്പോള്‍ 28 ഓഹരികളാണ്‌ നഷ്‌ടത്തിലായത്‌. എച്ച്‌സിഎല്‍ ടെക്‌, ഇന്‍ഫോസിസ്‌, കോട്ടക്‌ മഹീന്ദ്ര ബാങ്ക്‌, റിലയന്‍സ്‌ ഇന്റസ്‌ട്രീസ്‌, അള്‍ട്രാടെക്‌ സിമന്റ്‌സ്‌ എന്നിവയാണ്‌ ഇന്ന്‌ ഏറ്റവും ഉയര്‍ന്ന നേട്ടം രേഖപ്പെടുത്തിയ നിഫ്‌റ്റി ഓഹരികള്‍. എച്ച്‌സിഎല്‍ ടെക്‌ 4.05 ശതമാനവും ഇന്‍ഫോസിസ്‌ 2.46 ശതമാനവും ഉയര്‍ന്നു.
നാളെയാണ്‌ ഇന്‍ഫോസിസിന്റെ രണ്ടാം ത്രൈമാസ പ്രവര്‍ത്തന ഫലം പുറത്തുവരുന്നത്‌. മികച്ച പ്രവര്‍ത്തന ഫലമായിരിക്കുമെന്ന പ്രതീക്ഷയാണ്‌ ഓഹരി വില ഉയരുന്നതിന്‌ കാരണമായത്‌. ഒരാഴ്‌ചയ്‌ക്കിടെ പല ഐടി ഓഹരികളുടെയും വില 10-15 ശതമാനമാണ്‌ ഉയര്‍ന്നത്‌.
സിപ്ല, ടൈറ്റാന്‍ ഇന്റസ്‌ട്രീസ്‌, അദാനി പോര്‍ട്‌സ്‌, ദിവിസ്‌ ലാബ്‌, ഐസിഐസിഐ ബാങ്ക്‌ എന്നിവയാണ്‌ ഉയര്‍ന്ന നഷ്‌ടം രേഖപ്പെടുത്തിയ അഞ്ച്‌ നിഫ്‌റ്റി ഓഹരികള്‍. സിപ്ല 3.54 ശതമാനം ഇടിഞ്ഞു. ടൈറ്റാന്‍ ഇന്റസ്‌ട്രീസ്‌, അദാനി പോര്‍ട്‌സ്‌, ദിവിസ്‌ ലാബ്‌, ഐസിഐസിഐ ബാങ്ക്‌ എന്നീ ഓഹരികള്‍ രണ്ട്‌ ശതമാനത്തിന്‌ മുകളില്‍ ഇടിവ്‌ നേരിട്ടു.
ഐടി, മെറ്റല്‍ ഓഹരികളാണ്‌ ഇന്ന്‌ പ്രധാനമായും ഉയര്‍ന്നത്‌. നിഫ്‌റ്റി ഐടി സൂചിക 1.31 ശതമാനം ഉയര്‍ന്നു. അതേ സമയം ബാങ്ക്‌, മെറ്റല്‍, ഓട്ടോ ഓഹരികള്‍ ഇടിവ്‌ നേരിട്ടു.
മസ്‌കറ്റ്: We Help Blood Donor’s Oman ന്റെ നേതൃത്വത്തിൽ, ബ്ലഡ് ഡോണേഴ്സ് കേരളയുടെ സ്ഥാപകനും പ്രസിഡന്റുമായിരുന്ന വിനോദ് ഭാസ്കറിന്റെ…
മസ്‌ക്കറ്റ്: ഒമാനിലെ റൂവി മലയാളി അസോസിയേഷന്റെ ഭാഗമായി പ്രവർത്തിക്കുന്ന വനിതാ വിങിന്റെ നേതൃത്വത്തിൽ അനന്തപുരി ഹോട്ടലിൽ പ്രത്യേക യോഗം നടത്തി.…
മസ്‌ക്കത്ത്: ഇന്ത്യയുടെ 78-ാമത് സ്വാതന്ത്ര്യ ദിനത്തോടനുബന്ധിച്ച് റൂവി മലയാളി അസോസിയേഷനും ദാർസൈറ്റ് ലൈഫ് ലൈൻ ഹോസ്പിറ്റലും സംയുക്തമായി ആരോഗ്യ അവബോധ…
തൃപ്പൂണിത്തുറ: പാറക്കടത്തു കോയിക്കൽ ട്രസ്റ്റ് നടത്തുന്ന 12ാമത് "തൃപ്പൂണിത്തുറ ആസ്ഥാന വിദ്വാൻ പുരസ്‌കാരങ്ങൾ" പ്രഖ്യാപിച്ചു. വായ്‌പ്പാട്ട് വിഭാഗത്തിൽ പ്രൊഫ. തുളസി…
ദുബൈ ∙ ദ്രവീകൃത പ്രകൃതി വാതകം (എൽ.എൻ.ജി) ഇന്ത്യയിലേക്ക് എത്തിക്കുന്നതിനായി യു.എ.ഇയിലെ അബൂദബിയിലെ ഓയിൽ കമ്പനിയായ അഡ്നോക് ഗ്യാസ്യും ഇന്ത്യയിലെ…
മനാമ : ശൂര കൗൺസിൽ ചെയർമാൻ അലി ബിൻ സാലിഹ് അൽ സാലിഹ്, സ്ഥാനം ഒഴിയുന്ന അമേരിക്കൻ അംബാസഡർ സ്റ്റീവൻ…
This website uses cookies.