സംസ്ഥാന സര്‍ക്കാരിന്റെ കോവിഡ്​ പ്രതിരോധം പരാജയമെന്ന് രമേശ് ചെന്നിത്തല

തിരുവനന്തപുരം: സംസ്ഥാന സര്‍ക്കാരിന്റെ കോവിഡ്​ പ്രതിരോധം പരാജയമെന്ന്​ പ്രതിപക്ഷ നേതാവ്​ രമേശ്​ ചെന്നിത്തല. കോവിഡ്​ പരിശോധനയില്‍ സംസ്ഥാനത്തിന്​ പതിനൊന്നാം സ്ഥാനം മാത്രമാണ്​. പരിശോധനാഫലം വരാന്‍ ഏഴ്​ ദിവസം താമസിക്കുന്നതായും ചെന്നിത്തല ആരോപിച്ചു.

സമൂഹ വ്യാപനം ഉണ്ടാകുന്നതിന്​ മുമ്പ്​ ആശുപത്രി സംവിധാനം വര്‍ധിപ്പിക്കുകയെന്നതായിരുന്നു സര്‍ക്കാരിന്റെ പ്ലാന്‍ ബി. ഏറ്റവും കുറഞ്ഞത്​ 5000 വെന്റെിലേറ്ററെങ്കിലും വേണമെന്ന്​ താന്‍ ഉള്‍പ്പെടെ പലരും ആവശ്യപ്പെട്ടതായിരുന്നു. സ്വകാര്യ ആശുപത്രികളെ കൂടി ഉള്‍പ്പെടുത്തിക്കൊണ്ട്​ ചികിത്സാ നിരക്ക്​ പ്രഖ്യാപിച്ച്‌​ ആളുകള്‍ക്ക്​ സൗകര്യമൊരുക്കണമെന്ന്​ നേരത്തേ തന്നെ ആവശ്യപ്പെട്ടതാണ്​. അത്​ ഏറെ താമസിച്ചാണ്​ നടപ്പിലാക്കിയതെന്നും ചെന്നിത്തല പറഞ്ഞു.

എല്ലാ ജില്ലകളിലും ഫസ്​റ്റ്​ലൈന്‍ ട്രീറ്റ്​മന്റെ്സന്റെര്‍ തുടങ്ങുകയെന്നതായിരുന്നു പ്ലാന്‍ സിയില്‍ പറഞ്ഞത്​. എന്നാല്‍ രോഗികള്‍ ഇനി വീടു​കളില്‍ ക്വാറന്‍റീനിലിരുന്നാല്‍ മതി എന്നതാണ്​ ഇപ്പോള്‍ വന്ന ഉത്തരവ്. രോഗ ലക്ഷണമുള്ളവരും ഇല്ലാത്തവരുമെല്ലാം അവരവരുടെ വീടുകളില്‍ തന്നെ താമസിച്ചാല്‍ മതിയെന്നതാണ്​ തിരുവനന്തപുരം കലക്​ടര്‍ പുറപ്പെടുവിച്ച ഉത്തരവില്‍ പറയുന്നതെന്നും ചെന്നിത്തല പറഞ്ഞു.

ആദ്യം ആശുപത്രികളിലെ ചികിത്സയെ കുറിച്ചും പിന്നീട്​ ഫസ്​റ്റ്​ ലൈന്‍ ട്രീറ്റ്​മന്റെ് കേന്ദ്രങ്ങളിലെ ചികിത്സയെ കുറിച്ചും പറഞ്ഞിട്ട്​ ഒടുവില്‍ വീടുകളിലെ ചികിത്സയില്‍ എത്തി നില്‍ക്കുകയാണ്​. പറഞ്ഞ കാര്യങ്ങളില്‍ നിന്ന്​ സര്‍ക്കാര്‍ പിന്നാക്കം ​പോവുകയാണെന്നും കോവിഡ്​ ചികിത്സയില്‍ നിന്ന്​ സര്‍ക്കാര്‍ പൂര്‍ണമായും പിന്‍വാങ്ങുകയാണെന്നും അദ്ദേഹം ആരോപിച്ചു. ​