പ്രതീക്ഷയോടെ ഒമാന്‍: കോവിഡ്​ രോഗ വ്യാപനം കുറയുന്നു

മസ്​കത്ത്​: കോവിഡ്​ രോഗ വ്യാപനത്തില്‍ കുറവ്​. 290 പേര്‍ക്കാണ്​ ശനിയാഴ്​ച കോവിഡ്​ സ്​ഥിരീകരിച്ചത്​. ഇതില്‍ 231 പേര്‍ സ്വദേശികളും 59 പേര്‍ പ്രവാസികളുമാണ്​. ഇതോടെ മൊത്തം കോവിഡ്​ രോഗികളുടെ എണ്ണം 81357 ആയി. ഏഴുപേര്‍ കൂടി മരണപ്പെട്ടതോടെ മരണസംഖ്യ 509 ആയി. 1218 പേര്‍ക്ക്​ കൂടി അസുഖം ഭേദമായി. ഇതോടെ മൊത്തം രോഗമുക്​തരുടെ എണ്ണം 73481 ആയി. 44 പേരെ കൂടി ആശുപത്രിയില്‍ പ്രവേശിപ്പിച്ചു. ഇതോടെ ആശുപത്രിയില്‍ ചികിത്സയിലുള്ളവരുടെ എണ്ണം 494 ആയി. ഇതില്‍ 173 പേര്‍ തീവ്ര പരിചരണ വിഭാഗത്തിലാണ്​ ഉള്ളത്​.