സർക്കാർ പ്രതികാര ബുദ്ധിയോടെ പെരുമാറുന്നു: മുസ്​ലീം ലീഗ്

മലപ്പുറം: യുഡിഎഫ് നേതാക്കൾക്കെതിരെ നടക്കുന്ന സർക്കാർ നടപടിയിൽ പ്രതികരണവുമായി മുസ്​ലീം ലീഗ്. സംസ്​ഥാന സർക്കാർ പ്രതികാര ബുദ്ധിയോടെയാണ്​ പെരുമാറുന്നതെന്ന്​ മുസ്​ലീം ലീഗ് നേതാവും എം.പിയുമായ പി.കെ. കുഞ്ഞാലിക്കുട്ടി പറഞ്ഞു. പൊലീസ്​ പ്രവർത്തിക്കുന്നത്​ സർക്കാറിന്റെ നിർദേശമനുസരിച്ചാണ്​. കോടതി ഇടപെട്ടിട്ടാണ്​ ദയ ലഭിക്കുന്നതെന്നും അദ്ദേഹം കുറ്റപ്പെടുത്തി.

ലീഗ്​ നേതാക്കൾക്കെതിരെ ഉൾപ്പെടെ അന്വേഷണ നടപടികൾക്കിടയിലാണ്​ പ്രതികരണം. പാലാരിവട്ടം അഴിമതി കേസിൽ ലീഗ്​ നേതാവ് മുൻമന്ത്രി വി കെ. ഇബ്രാഹീം കുഞ്ഞും നിക്ഷേപതട്ടിപ്പ്​ കേസിൽ എം സി ഖമറുദ്ദീൻ എംഎൽഎയും അറസ്​റ്റിലായിരുന്നു. കെ എം ഷാജി എംഎൽഎയും അന്വേഷണ നടപടി നേരിടുകയാണ്​.

കോൺഗ്രസ്​ നേതാക്കളായ എം കെ രാഘവൻ എംപി, വി ഡി സതീശൻ എംഎൽഎ, പ്രതിപക്ഷ നേതാവ്​ രമേശ്​ ചെന്നിത്തല, കെ ബാബു, വി എസ്​ ശിവകുമാർ എന്നിവർക്കെതിരെയും അന്വേഷണത്തിനുള്ള നടപടികൾ ആരംഭിച്ചിട്ടുണ്ട്​.