‘പുട്ടണ്ണാ നിങ്ങള് പൊളിയാണ് കൊലമാസ്സാണ്’: പുടിന് കയ്യടിച്ച്‌ മലയാളികള്‍

ലോകം ഒന്നടങ്കം കോവിഡ് വാക്‌സിന്‍ വികസിപ്പിച്ചെടുക്കാനുള്ള ഓട്ടത്തിലാണ്. പല വാക്സിനുകളുടെ പരീക്ഷണങ്ങളും അന്തിമഘട്ടത്തിലെത്തിക്കഴിഞ്ഞു. ഇതിനിടയിലാണ് തങ്ങളുടെ വാക്സിന്‍ കോവിഡിന് ഫലപ്രദമാണെന്ന വാദവുമായി റഷ്യ രംഗത്തെത്തിയത്. വാക്‌സിന്‍ ഉപയോഗത്തിനായി രജിസ്റ്റര്‍ ചെയ്തിട്ടുണ്ടെന്നും തന്‍റെ മകള്‍ക്ക് ഇതിനകം കുത്തിവയ്പ്പ് നടത്തിയതായും റഷ്യന്‍ പ്രസിഡന്റ് വ്‌ളാഡ്മിര്‍ പുടിന്‍ കഴിഞ്ഞ ദിവസം ലോകത്തെ അറിയിച്ചിരുന്നു. ശാസ്ത്രലോകം ഇതിനെ സംശയത്തോടെയാണ് കാണുന്നതെങ്കിലും സാധാരണക്കാരായ ആളുകള്‍ ഒരു ആശ്വാസ വാര്‍ത്തയായിട്ടാണ് റഷ്യയുടെ അവകാശ വാദത്തെ സ്വീകരിച്ചത്.

പുടിന്റെ ഔദ്യോഗിക പോസ്റ്റിനു താഴെയുള്ള മലയാളത്തിലുള്ള കമന്റും മറ്റ് ട്രോളുകളുമാണ് ഇപ്പോള്‍ സമൂഹ മാധ്യമങ്ങളില്‍ ചര്‍ച്ചാ വിഷയമായിരിക്കുന്നത്.