ന്യൂഡല്ഹി: കേന്ദ്രസര്ക്കാരിന്റെ മൂന്ന് കാര്ഷിക നിയമങ്ങള്ക്കെതിരെ പ്രതിഷേധിച്ച് കര്ഷകര് നടത്തുന്ന ‘ഡല്ഹി ചലോ മാര്ച്ച്’ മൂന്നാം ദിവസത്തിലേക്ക്. പലയിടത്തും സംഘര്ഷാവസ്ഥയാണ്. കര്ഷകര്ക്കെതിരെ പോലീസ് ജലപീരങ്കിയും കണ്ണീര്വാതകവും പ്രയോഗിച്ചു. ഡല്ഹി-ഹരിയാന അതിര്ത്തിയില് കര്ഷകര്ക്ക് നേരെ ലാത്തിച്ചാര്ജ് ഉണ്ടായി.
കര്ഷകര് പിന്മാറാന് തയാറാല്ലെന്ന് അറിയിച്ചതോടെ ഡല്ഹിയിലെ ബുരാരിയിലെ മൈതാനത്ത് പ്രവേശിക്കാന് പൊലീസ് അനുമതി നല്കി. അതേസമയം പ്രതിഷേധിക്കുന്ന കര്ഷകര്ക്ക് ആവശ്യമായ സഹായം ചെയ്തു നല്കാന് ഡല്ഹി സര്ക്കാര് അധികൃതരോട് ആവശ്യപ്പെട്ടു.
കര്ഷകരുടെ പ്രതിഷേധം ശക്തമായതോടെ കര്ഷകരുമായി ഡിസംബര് മൂന്നിന് ചര്ച്ച നടത്തുമെന്ന് കേന്ദ്ര കൃഷിമന്ത്രി നരേന്ദ്രസിങ് തോമര് വീണ്ടും അറിയിച്ചു. വിളവ് ഇറക്കുന്ന സമയവും കോവിഡ് 19ഉം പരിഗണിച്ച് സമരം അവസാനിപ്പിക്കണമെന്നും അദ്ദേഹം കര്ഷകരോട് ആവശ്യപ്പെട്ടു. അതേസമയം ആവശ്യങ്ങള് അംഗീകരിക്കുന്നതുവരെ സമരം തുടരാനാണ് കര്ഷകരുടെ തീരുമാനം.നിലവില് അര ലക്ഷത്തോളം പേരാണ് ഡല്ഹിയിലേക്ക് മാര്ച്ച് നടത്തുന്നത്. ഇനിയും ആളുകള് കൂടാന് സാധ്യതയുണ്ടെന്നാണ് റിപ്പോര്ട്ടുകള്.
ഇതിനിടെ, ഡല്ഹി ചലോ മാര്ച്ചില് ഹീറോയായ നവദീപ് സിംഗിനെതിരെ പോലീസ് കേസെടുത്തു. കര്ഷകര്ക്ക് നേരെ ജലപീരങ്കിയുടെ വാല്വ് മറ്റൊരു വാഹനത്തിന്റെ മുകളില് നിന്നും ചാടി അടച്ചതിലൂടെയാണ് ഹരിയാനയിലെ അംബാലയില് നിന്നുള്ള കര്ഷക യുവാവ് സമരത്തിന്റെ ഹീറോ ആയത്. ഇതിന്റെ ദൃശ്യങ്ങള് സോഷ്യല്മീഡിയയില് വൈറലാണ്. കൊലപാതകശ്രമം ഉള്പ്പടെയുള്ള കടുത്ത വകുപ്പുകളാണ് യുവാവിനെതിരെ ചുമത്തിയിരിക്കുന്നത്.
ജീവിതത്തില് ഒരിക്കലും നിയമവിരുദ്ധ പ്രവര്ത്തനങ്ങളില് ഏര്പ്പെട്ടിട്ടില്ലെന്നും അതേസമയം സര്ക്കാരിനെ ചോദ്യം ചെയ്യാനും ജനവിരുദ്ധ നിയമങ്ങള് പാസാക്കിയാല് പ്രതിഷേധിക്കാനും അവകാശമുണ്ടെന്നും നവദീപ് പറഞ്ഞു.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.