സംസ്ഥാനത്ത്​ ബസ്​ ചാര്‍ജ്​ വര്‍ധിപ്പിച്ചു; മിനിമം ചാര്‍ജില്‍ മാറ്റമില്ല

Web Desk

സംസ്ഥാനത്ത്​ ബസ്​ ചാര്‍ജ്​ വര്‍ധനക്ക്​ അംഗീകാരം. ജസ്​റ്റിസ്​ രാമച​ന്ദ്രന്‍ കമ്മിറ്റിയുടെ ശുപാര്‍ശ സര്‍ക്കാര്‍ അംഗീകരിച്ചു. എന്നാല്‍ മിനിമം ചാര്‍ജില്‍ മാറ്റമില്ല. മിനിമം ചാര്‍ജ്​ എട്ട്​ രൂപയായി തുടരും. മിനിമം ചാര്‍ജില്‍ സഞ്ചരിക്കാവുന്ന ദൂരം രണ്ടര കിലോ മീറ്ററായി കുറച്ചു. രണ്ടര മുതല്‍ അഞ്ച്​ കിലോ മീറ്റര്‍ വരെയുള്ള യാത്രക്ക്​ 10 രൂപയാണ്​ ചാര്‍ജ്​. ഇന്ന്​ ചേര്‍ന്ന മന്ത്രിസഭാ യോഗത്തിലാണ്​ ബസ്​ ചാര്‍ജ്​ വര്‍ധനവിന്​ അംഗീകാരം നല്‍കിയത്​

കോ​വി​ഡ് പ്ര​തി​സ​ന്ധി​ക്കി​ടെയാണ് ഇ​രു​ട്ട​ടി​യാ​യി ബ​സ് ചാ​ര്‍​ജ് വ​ര്‍​ധ​ന​വ്. സം​സ്ഥാ​ന​ത്ത് ബ​സി​ല്‍ മി​നി​മം ചാ​ര്‍‌​ജി​ല്‍ സ​ഞ്ച​രി​ക്കാ​വു​ന്ന ദൂ​ര​പ​രി​ധി കു​റ​ച്ചു. അ​ഞ്ച് കി​ലോ​മീ​റ്റ​ര്‍ എ​ന്ന​ത് ര​ണ്ട​ര കീ​ലോ​മീ​റ്റ​റാ​ക്കി​യാ​ണ് ചു​രു​ക്കി​യ​ത്. കോ​വി​ഡ് കാ​ല​ത്തേ​ക്ക് മാ​ത്ര​മാ​ണി​ത്.

നി​ല​വി​ലെ അ​ഞ്ച് കി​ലോ​മീ​റ്റ​ര്‍ ദൂ​ര​പ​രി​ധി​യി​ല്‍ സ​ഞ്ച​രി​ക്ക​ണ​മെ​ങ്കി​ല്‍ ഇ​നി 11 രൂ​പ ന​ല്‍​കേ​ണ്ടി​വ​രും. മി​നി​മം ചാ​ര്‍​ജ് ദൂ​ര​പ​രി​ധി ക​ഴി​ഞ്ഞു​ള്ള ഓ​രോ കി​ലോ​മീ​റ്റ​റി​നും 90 പൈ​സ ന​ല്‍​കേ​ണ്ടി​വ​രു​ന്ന​തോ​ടെ​യാ​ണ് 11 രൂ​പ​യി​ലെ​ത്തു​ന്ന​ത്. മി​നി​മം ബ​സ് ചാ​ര്‍​ജ് 10 രൂ​പ​യാ​ക്ക​ണ​മെ​ന്നും തു​ട​ര്‍​ന്നു​ള്ള ഓ​രോ ര​ണ്ട​ര കി​ലോ​മീ​റ്റ​റി​നും ര​ണ്ട് രൂ​പ വീ​തം കൂ​ട്ടാ​മെ​ന്നു​മാ​യി​രു​ന്നു ജ​സ്റ്റീ​സ് രാ​മ​ച​ന്ദ്ര​ന്‍ ക​മ്മി​ഷ​ന്‍ ശി​പാ​ര്‍​ശ ന​ല്‍​കി​യി​രു​ന്ന​ത്. എ​ന്നാ​ല്‍ മി​നി​മം ചാ​ര്‍​ജ് വ​ര്‍​ധി​പ്പി​ക്കാ​തെ ത​ന്നെ ഫ​ല​ത്തി​ല്‍ ഇ​ത് 11 രൂ​പ​യാ​യി മാ​റി​യി​രി​ക്കു​ക​യാ​ണ്. ര​ണ്ട​ര കി​ലോ​മീ​റ്റ​റി​നും ര​ണ്ട് രൂ​പ വീ​തം എ​ന്ന​ത് ഓ​രോ കി​ലോ​മീ​റ്റ​റി​ന് 90 പൈ​സ വീ​ത​മാ​ക്കു​ക​യും ചെ​യ്തു.‌ വി​ദ്യാ​ര്‍​ഥി​ക​ളു​ടെ യാ​ത്രാ നി​ര​ക്കും വ​ര്‍​ധി​പ്പി​ക്ക​ണ​മെ​ന്ന് ശി​പാ​ര്‍​ശ ഉ​ണ്ടാ​യി​രു​ന്നെ​ങ്കി​ലും മ​ന്ത്രി​സ​ഭാ യോ​ഗം പ​രി​ഗ​ണി​ച്ചി​ല്ല.