ലൈഫ് മിഷനെ തകർക്കാൻ രാഷ്ട്രീയ ഗൂഢാലോചന; സിപിഐ(എം) ബഹുജന സത്യാഗ്രഹം ആരംഭിച്ചു

ലൈഫ് മിഷനെ തകർക്കാൻ രാഷ്ട്രീയ ഗൂഢാലോചന നടത്തി 140 ഭവനരഹിത കുടുംബങ്ങളുടെ വീടെന്ന സ്വപ്നം തകർത്ത കോൺഗ്രസ് എംഎൽഎ അനിൽ അക്കരയെ തുറന്നുകാട്ടിക്കൊണ്ട് വടക്കാഞ്ചേരി എംഎൽഎ ഓഫീസിനു മുന്നിൽ സിപിഐ(എം) ബഹുജന സത്യാഗ്രഹം ആരംഭിച്ചു.

പാവങ്ങൾക്ക് വീടൊരുക്കുന്ന പദ്ധതിക്കെതിരായി നുണപ്രചരണത്തിലൂടെയും വ്യാജ പരാതിയിലൂടെയും അനിൽ അക്കര നടത്തുന്ന ദുഷ്പ്രവർത്തനങ്ങൾ അവസാനിപ്പിക്കണം. സിപിഐ(എം) ജില്ലാ കമ്മിറ്റിയംഗം പി. ആർ. വർഗ്ഗീസ് മാസ്റ്റർ ഉദ്ഘാടനം ചെയ്തു. സിപിഐ(എം) വടക്കാഞ്ചേരി ഏരിയ കമ്മിറ്റിയംഗം എം. എസ്. സിദ്ധൻ അദ്ധ്യക്ഷത വഹിച്ചു. സിഐടിയു വടക്കാഞ്ചേരി ഏരിയ പ്രസിഡണ്ട് കെ. എം. മൊയ്തു, എരുമപ്പെട്ടി മുൻ ഗ്രാമപഞ്ചായത്ത് പ്രസിഡണ്ട് എ. കെ. കണ്ണൻ, ഡിവൈഎഫ്ഐ കുണ്ടന്നൂർ മേഖല പ്രസിഡണ്ട് വിഷ്ണു ആർ. കൃഷ്ണൻ എന്നിവർ അഭിവാദ്യം ചെയ്ത് സംസാരിച്ചു. സിപിഐ(എം) എരുമപ്പെട്ടി ഈസ്റ്റ് ലോക്കൽ സെക്രട്ടറി കെ. വി. രാജശേഖരൻ സ്വാഗതവും ലോക്കൽ കമ്മിറ്റിയംഗം കെ. എ. വിജീഷ് നന്ദിയും പറഞ്ഞു.