സ്​​നേ​ഹ​ ക​ര​ങ്ങ​ളു​മാ​യി വീണ്ടും ‘ഫാ​ക് കു​ർ​ബ’,1,300 ത​ട​വു​കാ​രെ മോ​ചി​പ്പി​ക്കും

മ​സ്ക​ത്ത്​: ചെ​റി​യ കു​റ്റ​ങ്ങ​ൾ​ക്ക് പി​ഴ അ​ട​ക്കാ​ൻ ക​ഴി​യാ​ത്ത​തി​നെ തു​ട​ർ​ന്ന് ജ​യി​ല​ിലക​പ്പെ​ട്ട​വ​രെ മോ​ചി​ത​രാ​ക്കാ​ൻ സ​ഹാ​യി​ക്കു​ന്ന ഫാ​ക് കു​ർ​ബ പ​ദ്ധ​തി​യു​ടെ 12ാമ​ത്​ പ​തി​പ്പി​ന്​ തു​ട​ക്ക​മാ​യി. ര​ണ്ട്​ മാ​സം നീ​ണ്ടു നി​ൽ​ക്കും. ഒ​മാ​ന്‍ ലോ​യേ​ഴ്‌​സ് അ​സോ​സി​യേ​ഷ​നാ​ണ് പ​ദ്ധ​തി​ക്ക് നേ​തൃ​ത്വം ന​ൽ​കു​ന്ന​ത്. പൊ​തു​ജ​ന​ങ്ങ​ളി​ൽ​നി​ന്ന് പ​ണം സ്വ​രൂ​പി​ച്ചാ​ണ് ജ​യി​ലി​ൽ ക​ഴി​യു​ന്ന​വ​രെ മോ​ചി​പ്പി​ക്കു​ന്ന​ത്. ഈ ​വ​ർ​ഷം 1,300 ത​ട​വു​കാ​രെ മോ​ചി​പ്പി​ക്കാ​നാ​ണ് ല​ക്ഷ്യ​മി​ടു​ന്ന​തെ​ന്ന് അ​ധി​കൃ​ത​ർ അ​റി​യി​ച്ചു.
2012ൽ ​തു​ട​ങ്ങി​യ പ​ദ്ധ​തി​യി​ലൂ​ടെ 7,110​ ആ​ളു​ക​ളെ ​ ജീ​വി​ത​ത്തി​ന്‍റെ നി​റ​ങ്ങ​ളി​ലേ​ക്ക്​ കൊ​ണ്ടു​വ​രാ​ൻ ക​ഴി​ഞ്ഞി​ട്ടു​ണ്ടെ​ന്ന്​ ഫാ​ക് കു​ർ​ബ ഇ​നി​ഷ്യേ​റ്റീ​വി​ന്റെ ജ​ന​റ​ൽ സൂ​പ്പ​ർ​വൈ​സ​ർ ഡോ. ​മു​ഹ​മ്മ​ദ് ബി​ൻ ഇ​ബ്രാ​ഹിം അ​ൽ സ​ദ്‌​ജ​ലി വി​ശ​ദീ​ക​രി​ച്ചു പ​റ​ഞ്ഞു. ഒ​മാ​നി സ​മൂ​ഹ​ത്തി​ലെ വ്യ​ക്തി​ക​ളു​ടെ​യും സ്ഥാ​പ​ന​ങ്ങ​ളു​ടെ​യും അ​ക​മ​ഴി​ഞ്ഞ പി​ന്തു​ണ​യാ​ണ്​ ‘ഫാ​ക് കു​ർ​ബ’ പ​ദ്ധ​തി​യു​ടെ വി​ജ​യ​ത്തി​ന്​ പി​ന്നി​ൽ.
ഒ​രു അ​ഭി​ഭാ​ഷ​ക​ൻ ആ​രം​ഭി​ച്ച സം​രം​ഭം, പി​ന്നീ​ട് ഒ​രു കൂ​ട്ടം അ​ഭി​ഭാ​ഷ​ക​ർ ഏ​റ്റെ​ടു​ക്കു​ക​യും ഇ​ന്ന് അ​ത്​ വ്യ​ക്തി​ക​ളും ഗ്രൂ​പ്പു​ക​ളും സ്ഥാ​പ​ന​ങ്ങ​ളും ചേ​ർ​ന്ന്​ വി​ജ​യ​ക​ര​മാ​ക്കാ​ൻ ഒ​രു​മി​ച്ച് പ്ര​വ​ർ​ത്തി​ക്കു​ന്ന അ​വ​സ്​​ഥ​യി​ലേ​ക്ക്​ എ​ത്തി​യി​ട്ടു​ണ്ട്. സ​മൂ​ഹ​ത്തി​ലെ അം​ഗ​ങ്ങ​ൾ, വ്യ​ക്തി​ക​ൾ, സ്ഥാ​പ​ന​ങ്ങ​ൾ എ​ന്നി​വ​രി​ൽ നി​ന്നു​ള്ള വി​പു​ല​മാ​യ പ​ങ്കാ​ളി​ത്ത​മാ​ണ്​ ഈ ​വ​ർ​ഷ​വും അ​സോ​സി​യേ​ഷ​ൻ പ്ര​തീ​ക്ഷി​ക്കു​ന്ന​ത്. ജ​യി​ലി​ൽ ക​ഴി​യു​ന്ന​വ​രെ അ​വ​രു​ടെ ഉ​റ്റ​വ​രു​ടെ അ​ടു​ത്തേ​ക്ക്​ എ​ത്തി​ക്കു​ന്ന​തി​ന്​ കൂ​ടു​ത​ൽ ആ​ളു​ക​ൾ സം​ഭാ​വ​ന ന​ൽ​ക​ണ​മെ​ന്നും അ​ധി​കൃ​ത​ർ ആ​വ​ശ്യ​പ്പെ​ട്ടു. 2012ൽ ​അ​ഞ്ച് കോ​ട​തി​ക​ൾ ല​ക്ഷ്യ​മി​ട്ടാ​ണ്​ ഫാ​ക് കു​ർ​ബ​യു​ടെ ആ​ദ്യ പ​തി​പ്പി​ന്​ തു​ട​ക്ക​മാ​യ​ത്. 10 സ​ന്ന​ദ്ധ പ്ര​വ​ർ​ത്ത​ക​രാ​യ അ​ഭി​ഭാ​ഷ​ക​ർ കൈ​കോ​ർ​ത്ത​പ്പോ​ൾ 44 ത​ട​വു​കാ​രെ മോ​ചി​പ്പി​ക്കാ​ൻ സാ​ധി​ച്ചു.
പ​ദ്ധ​തി​ക്ക് സ​ഹാ​യ​വു​മാ​യി നി​ര​വ​ധി​പേ​രാ​ണ് എ​ത്താ​റു​ള്ള​ത്. സു​ല്‍ത്താ​ന്റെ പ​ത്‌​നി​യും പ്ര​ഥ​മ വ​നി​ത​യു​മാ​യ അ​സ്സ​യി​ദ അ​ഹ​ദ് അ​ബ്ദു​ല്ല ഹ​മ​ദ് അ​ല്‍ ബു​സൈ​ദി, സ​യ്യി​ദ് ബി​ല്‍ അ​റ​ബ് ബി​ന്‍ ഹൈ​തം അ​ല്‍ സ​ഈ​ദ് എ​ന്നി​വ​രും ക​ഴി​ഞ്ഞ വ​ര്‍ഷ​ങ്ങ​ളി​ല്‍ എ​ത്തി​യി​രു​ന്നു. ദാ​ഹി​റ ഗ​വ​ര്‍ണ​റേ​റ്റി​ലെ പേ​രു വെ​ളി​പ്പെ​ടു​ത്താ​ന്‍ ആ​ഗ്ര​ഹി​ക്കാ​ത്ത സ്വ​ദേ​ശി പൗ​ര​ന്‍ ക​ഴി​ഞ്ഞ വ​ര്‍ഷ​ങ്ങ​ളി​ലെ റ​മ​ദാ​നു​ക​ളി​ല്‍ നി​ര​വ​ധി പേ​രു​ടെ മോ​ച​ന​ത്തി​നാ​യി സം​ഭാ​വ​ന ന​ല്‍കി​യി​രു​ന്നു. തു​ട​ര്‍ച്ച​യാ​യി എ​ട്ടാം വ​ര്‍ഷ​മാ​ണ് ഇ​യാ​ള്‍ സ​ഹാ​യ​ത്തി​ന്റെ ക​ര​ങ്ങ​ള്‍ നീ​ട്ടു​ന്ന​ത്.
ഒ​മാ​നി സ​മൂ​ഹ​ത്തി​ൽ മാ​നു​ഷി​ക പ്ര​വ​ർ​ത്ത​ന​ങ്ങ​ൾ വ​ർ​ധി​പ്പി​ക്കു​ന്ന​തി​നു​ള്ള ശ്ര​മ​ങ്ങ​ളു​ടെ തു​ട​ർ​ച്ച​യാ​യാ​ണ് ഈ ​സം​രം​ഭം വ​രു​ന്ന​തെ​ന്ന് ഒ​മാ​നി ലോ​യേ​ഴ്‌​സ് അ​സോ​സി​യേ​ഷ​ന്റെ ഡ​യ​റ​ക്ട​ർ ബോ​ർ​ഡ് ചെ​യ​ർ​മാ​ൻ ഡോ. ​ഹ​മ​ദ് ബി​ൻ ഹം​ദാ​ൻ അ​ൽ റു​ബാ​യ് പ​റ​ഞ്ഞു. സം​രം​ഭ​ത്തി​ന് തു​ട​ക്കം മു​ത​ൽ ഒ​മാ​നി സ​മൂ​ഹ​ത്തി​ൽ​നി​ന്ന് മി​ക​ച്ച പി​ന്തു​ണ ല​ഭി​ച്ചി​ട്ടു​ണ്ടെ​ന്ന് അ​ദ്ദേ​ഹം പ​റ​ഞ്ഞു. ‘ത​വാ​നി’ ആ​പ്ലി​ക്കേ​ഷ​ൻ വ​ഴി സം​ഭാ​വ​ന ന​ൽ​കു​ന്ന​തി​നൊ​പ്പം, സം​രം​ഭ​ത്തി​ന്റെ വെ​ബ്‌​സൈ​റ്റാ​യ www.fakkrba.om ബാ​ങ്ക് അ​ക്കൗ​ണ്ട് എ​ന്നി​വ വ​ഴി​യും സം​ഭാ​വ​ന സ്വീ​ക​രി​ക്കു​മെ​ന്ന് അ​ധി​കൃ​ത​ർ പ​റ​ഞ്ഞു.​ക​ഴി​ഞ്ഞ വ​ർ​ഷം എ​ല്ലാ ഗ​വ​ർ​ണ​റേ​റ്റു​ക​ളി​ലു​മു​ള്ള നി​ര​വ​ധി അ​ഭി​ഭാ​ഷ​ക​രു​ടെ പ​രി​ശ്ര​മ​ത്താ​ൽ 1,219 പേ​രാ​ണ് ജ​യി​ലി​ൽ​നി​ന്ന്​ ഉ​റ്റ​വ​രു​ടെ ചാ​ര​ത്തെ​ത്തി​യ​ത്. ഏ​റ്റ​വും കൂ​ടു​ത​ൽ ആ​ളു​ക​ളെ മോ​ചി​പ്പി​ച്ച​ത്​ വ​ട​ക്ക​ൻ ബാ​ത്തി​ന ഗ​വ​ർ​ണ​റേ​റ്റി​ൽ​നി​ന്നാ​ണ് ​-261. 202 കേ​സു​ക​ളു​മാ​യി മ​സ്ക​ത്ത് ഗ​വ​ർ​ണ​റേ​റ്റാ​ണ്​ തൊ​ട്ടു​പി​ന്നി​ൽ.​ ഒ​മാ​നി സ​മൂ​ഹ​ത്തി​ന്‍റെ ഐ​ക്യ​ദാ​ർ​ഢ്യ​വും ഔ​ദാ​ര്യ​വും ഒ​രി​ക്ക​ൽ കൂ​ടി തെ​ളി​യി​ക്കു​ന്ന​താ​യി​രു​ന്നു 11ാം പ​തി​പ്പ്.