സിപിഎം പ്രവര്ത്തകന് കരുമം തുളസിയെ കൊലപ്പെടുത്തിയ കേസില് പ്രതികളായ അഞ്ച് ആര്എസ്എസ് -ബിജെപി പ്രവര്ത്തകര് കോടതിയില് കീഴടങ്ങി. ബിജെപി നേമം മണ്ഡലം വൈസ് പ്രസിഡന്റ് മുരളീധരന്നായര് (ലംബന് മുരളി), സുരേഷ്, മോഹനന്, മധു, സദാശിവന് എന്നിവരാണ് കീഴടങ്ങിയത്
തിരുവനന്തപുരം : സിപിഎം പ്രവര്ത്തകന് കരുമം തുളസിയെ കൊലപ്പെടുത്തിയ കേസില് പ്രതികളായ അഞ്ച് ആര്എസ്എസ് -ബിജെപി പ്രവര്ത്തകര് കോടതിയില് കീഴടങ്ങി. ബിജെപി നേമം മണ്ഡലം വൈസ് പ്രസിഡന്റ് മുരളീധരന്നായര് (ലംബന് മുരളി), സുരേഷ്, മോഹനന്, മധു, സദാശിവന് എന്നിവരാണ് കീഴടങ്ങിയത്. അപ്പീല് ഹര്ജി ഹൈക്കോടതി തള്ളിയതിനെത്തുടര്ന്ന് മൂന്നുമാസമായി ഒളിവിലായിരുന്നു. നിരവധി ക്രിമിനല് കേസുകളില് ഉള്പ്പെട്ടിട്ടുള്ളവരാണ് പ്രതികളെല്ലാം.
കരുമത്തെ സിപിഎം ബ്രാഞ്ച് അംഗവും ഡിവൈഎഫ്ഐ യൂണിറ്റ് സെക്രട്ടറിയുമായിരുന്നു കരുമം തുളസിയെ 1991 മാര്ച്ച് 22നാണ് ആര്എസ്എസ് – ബിജെപി സംഘം വീട് കയറി ആക്രമിച്ചത്. വീടിന് നേരെ ബോംബെറിഞ്ഞ് ഭീകരാന്തരീക്ഷം സൃഷ്ടിച്ചശേഷം വീട്ടില് കയറി തുളസിയെ തലങ്ങും വിലങ്ങും വെട്ടി. ശരീരഭാഗങ്ങള് വെട്ടേറ്റ് അറ്റുതൂങ്ങിയ നിലയിലായിരുന്നു. മരിച്ചെന്ന് കരുതിയാണ് അക്രമികള് കടന്നുകളഞ്ഞത്. തുളസിയെ ആശുപത്രിയില് എത്തിച്ചെങ്കിലും ആഴത്തിലുള്ള വെട്ടേറ്റ് ശരീരം തളര്ന്നുപോയിരുന്നു. ആശുപത്രിയില് മികച്ച ചികിത്സ നല്കിയെങ്കിലും ജീവന് മാത്രം ബാക്കിയായി. ശരീരം തളര്ന്ന് അനക്കമറ്റ് 15 വര്ഷം വീട്ടില് കിടപ്പിലായിരുന്നു. 2006 ആഗസ്ത് 26ന് മരിച്ചു.
നേമം പൊലീസാണ് കേസ് അന്വേഷിച്ചത്. കേസിലെ പ്രതികളെ നെയ്യാറ്റിന്കര സെഷന്സ് കോടതി ആറ് വര്ഷം തടവിന് ശിക്ഷിച്ചു. പ്രതികള് ജില്ലാ കോടതിയില് അപ്പീല് നല്കിയെങ്കിലും അപ്പീല് തള്ളി. ഇതിനെതിരെ ഹൈക്കോടതിയെ സമീപിച്ചു. ഹൈക്കോടതിയും അപ്പീല് തള്ളി കീഴ്കോടതി വിധി അംഗീകരിച്ചു. മൂന്ന് മാസമായി ഒളിവിലായിരുന്ന പ്രതികള് വെള്ളിയാഴ്ച നെയ്യാറ്റിന്കര കോടതിയിലാണ് കീഴടങ്ങിയത്. പ്രതികളെ നെയ്യാറ്റിന്കര സബ് ജയിലിലേക്ക് മാറ്റി.
മസ്കത്ത്: സാമൂഹിക, സാംസ്കാരിക, വിദ്യാഭ്യാസ, ജീവകാരുണ്യ മേഖലകളിൽ ശ്രദ്ധേയമായ സംഭാവനകൾ നൽകുന്ന വ്യക്തിത്വങ്ങളെ ആദരിക്കുന്നതിനായി റൂവി മലയാളി അസോസിയേഷൻ (RMA)…
പി.കെ സജിത് കുമാര് : കേരളത്തിന്റെ സമ്പത് ഘടനയിൽ തന്നെ ഒരു മാറ്റം കൊണ്ടുവരുന്നതിന്റെ തുടക്കമായി കാണുന്നുണ്ട്. പ്രത്യേകിച്ച് മരിടൈം…
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
This website uses cookies.