സന്തോഷ് ഈപ്പന്‍ സമ്മാനിച്ചതല്ല വിനോദിനിയുടെ ഐഫോണ്‍ ; കസ്റ്റംസ് കണ്ടെത്തല്‍ തള്ളി ക്രൈംബ്രാഞ്ച്

കോടിയേരി ബാലകൃഷ്ണന്റെ ഭാര്യ വിനോദിനി ഉപയോഗിക്കുന്നത് സന്തോഷ് ഈപ്പന്‍ സമ്മാനമായി നല്‍കിയ ഐ ഫോണ്‍ ആണെന്ന കസ്റ്റംസ് കണ്ടെത്തല്‍ തള്ളി ക്രൈംബ്രാഞ്ച്

തിരുവനന്തപുരം: സിപിഎം നേതാവ് കോടിയേരി ബാലകൃഷ്ണന്റെ ഭാര്യ വിനോദിനി ഉപയോഗി ക്കു ന്നത് സന്തോഷ് ഈപ്പന്‍ സമ്മാനമായി നല്‍കിയ ഐ ഫോണ്‍ ആണെന്ന കസ്റ്റംസ് കണ്ടെത്തല്‍ തള്ളി ക്രൈംബ്രാഞ്ച്. വിനോദിനി ഉപയോഗിക്കുന്നത് സ്വന്തമായി വാങ്ങിയ ഐഫോണെന്നാണ് ക്രൈംബ്രാഞ്ച് വിശദീകരണം.

കവടിയാറിലെ കടയില്‍ നിന്നാണ് ഫോണ്‍ വാങ്ങിയതെന്നു ക്രൈം ബ്രാഞ്ച് പറയുന്നു. വിനോദിനി യുടെ പരാതിയില്‍ ക്രൈം ബ്രാഞ്ച് അന്വേഷണം നടത്തിയിരുന്നു. എന്നാല്‍ കടയുടമ ഫോണ്‍ വാ ങ്ങിയത് സ്പെന്‍സറിലെ ഹോള്‍സെയില്‍ കടയില്‍ നിന്നാണ്. ഇതേ കടയില്‍ നിന്നാണ് സന്തോഷ് ഈപ്പനും ഫോണ്‍ വാങ്ങിയതെന്ന് ക്രൈംബ്രാഞ്ച് പറയുന്നു.

രണ്ടു ഫോണുകളുടെയും ഐഎംഇഐ നമ്പര്‍ കസ്റ്റംസ് വാങ്ങിയിരുന്നു. ഇതാകാം ആശയക്കുഴപ്പ ത്തിന് കാരണമായതെന്ന് സംശയമുണ്ട്.സ്‌പെന്‍സര്‍  ജങ്ഷനിലെ കടയില്‍ നിന്ന് വിനോദിനിക്ക് നല്‍കിയ അതേ മോഡല്‍ ഫോണ്‍ സ്റ്റാച്യുവിലെ കടയിലും നല്‍കിയിരുന്നു.സ്റ്റാച്യു വിലെ കടയില്‍ നിന്നാണ് സന്തോഷ് ഈപ്പന്‍ ഐഫോണ്‍ വാങ്ങി സ്വപ്നക്ക് നല്‍കിയത്.

സന്തോഷ് ഈപ്പന്‍ ലൈഫ് മിഷന്‍ ഇടപാടിന് കോഴയായി നല്‍കിയ ഐഫോണുകളിലൊന്ന് വി നോദിനി ഉപയോഗിക്കുന്നതായി കസ്റ്റംസ് നേരത്തെ കണ്ടെത്തിയിരുന്നു.