രാജ്യാന്തര എഐ കോൺഫറൻസ് ഏപ്രിൽ 15 മുതൽ.

ദുബായ് : രാജ്യാന്തര ആർട്ടിഫിഷ്യൽ ഇന്റലിജൻസ് കോൺഫറൻസിന് ദുബായ് ആതിഥേയത്വം വഹിക്കും. പൊതു സേവനങ്ങളും വിദ്യാഭ്യാസത്തിന്റെ നിലവാരവും മെച്ചപ്പെടുത്തുന്നതിന് നിർമിത ബുദ്ധി എങ്ങനെ ഉപയോഗിക്കാം എന്നതാകും പ്രധാന ചർച്ചാവിഷയം. 2025 ഏപ്രിൽ 15 മുതൽ 17 വരെയാണ് സമ്മേളനം. 
നിർമിത ബുദ്ധി സാങ്കേതികവിദ്യയിലൂടെ വിദ്യാഭ്യാസത്തിന്റെ നിലവാരം ഉയർത്തുകയാണ് ലക്ഷ്യമെന്ന് ജിഡിആർഎഫ്എ ഡയറക്ടർ ജനറൽ ലഫ്. ജനറൽ മുഹമ്മദ് അഹമ്മദ് അൽ മർറി പറഞ്ഞു. ആഗോള തലത്തിലെ എഐ വിദഗ്ധർ, ഗവേഷകർ, അക്കാദമിക് വിദഗ്ധർ എന്നിവരെ ഒരുമിപ്പിക്കുന്ന സമ്മേളനം പൊതു, വിദ്യാഭ്യാസ സ്ഥാപനങ്ങളിലെ തന്ത്രപരമായ പരിവർത്തനത്തിന് തുടക്കമിടും.