രാജ്യത്ത് കോവിഡ് വ്യാപനത്തില്‍ നേരിയ കുറവ്, മരണ നിരക്ക് കുറഞ്ഞില്ല ; 3.11 ലക്ഷം പേര്‍ക്ക് രോഗബാധ, 4077 മരണം

24 മണിക്കൂറിനിടെ 3,11,170 പേര്‍ക്കാണ് രോഗബാധ സ്ഥിരീകരിച്ചത്. ഇതോടെ രോഗബാധിതരുടെ ആകെ എണ്ണം 2,46,84,077 ആയി

ന്യൂഡല്‍ഹി : രാജ്യത്ത് പ്രതിദിന കോവിഡ് രോഗികളുടെ എണ്ണത്തില്‍ നേരിയ കുറവ്.എന്നാല്‍ മരണ നിരക്കില്‍ കുറവുണ്ടായില്ല. 24 മണിക്കൂറിനി ടെ 3,11,170 പേര്‍ക്കാണ് രോഗബാധ സ്ഥിരീക രിച്ചത്. ഇതോടെ രോഗബാധിതരുടെ ആകെ എണ്ണം 2,46,84,077 ആയി ഉയര്‍ന്നതായി ആരോഗ്യ മന്ത്രാ ലയം അറിയിച്ചു.

മരണസംഖ്യ വീണ്ടും നാലായിരം കടന്നു. 24 മണിക്കൂറിനിടെ 4077 പേരാണ് മരണത്തിന് കീഴട ങ്ങിയത്. ഇതോടെ മരണസംഖ്യ 2,70,284 ആയി ഉയര്‍ന്നു. ചികിത്സയിലുള്ളവരുടെ എണ്ണവും കുറയുന്നുവെന്നാണ് ഔദ്യോഗിക കണക്കുകള്‍ സൂചിപ്പിക്കുന്നത്. 36,18,458 പേരാണ് നിലവില്‍ ചികിത്സയിലുള്ളത്.

രാജ്യത്ത് ഇതുവരെ 2,07,95,335 പേര്‍ രോഗമുക്തരായി.രാജ്യത്താകെ ഇതുവരെ 18,22,20,164 പേര്‍ക്ക് വാക്‌സിന്‍ നല്‍കിയതായി സര്‍ക്കാര്‍ കണക്കു കള്‍ വ്യക്തമാക്കുന്നു.  മഹാരാഷ്ട്രയില്‍ ഇന്നലെ 33,848 പേര്‍ക്കാണ് പുതിയതായി രോഗം കണ്ടെത്തിയത്. 24 മണിക്കൂറിനിടെ 960 പേരാണ് സംസ്ഥാ നത്ത് മരിച്ചത്. ഇതോടെ ആകെ കേസുകളുടെ എണ്ണം 53,44,063. ആകെ രോഗ മുക്തി 47,67,053 ഇതുവരെയായി മഹാമാരി കവര്‍ന്നത് 80,512 ജീവനുകള്‍. സംസ്ഥാനത്ത് നിലവില്‍ 4,94,032 പേരാണ് ചികിത്സയില്‍ കഴിയുന്നത്.