ദേ​ശീ​യ ദി​നാ​ഘോ​ഷം: സൂപ്പ​ർ സെ​യി​ലു​മാ​യി ഒ​മാ​ൻ എ​യ​ർ

മ​സ്ക​ത്ത്: ദേ​ശീ​യ​ദി​നാ​ഘോ​ഷ​ത്തോ​ട​നു​ബ​ന്ധി​ച്ച് തിര​ഞ്ഞെ​ടു​ത്ത ല​ക്ഷ്യസ്ഥാ​ന​ങ്ങ​ളി​ലേ​ക്ക് സൂപ്പ​ർ സെ​യി​ലു​മാ​യി ഒ​മാ​ന്റെ ദേ​ശീ​യ വി​മാ​ന ക​മ്പ​നി​യാ​യ ഒ​മാ​ൻ എ​യ​ർ. വെ​റും 28 റി​യാ​ലി​ന് ജ​ന​​പ്രി​യ സ്ഥ​ല​ങ്ങ​ളി​ലേ​ക്ക് യാ​ത്ര ന​ട​ത്താ​നു​ള്ള സൗ​ക​ര്യ​മാ​ണ് പ​രി​മി​ത​കാ​ല ഓ​ഫ​റി​ലൂ​ടെ ഒ​മാ​ൻ എ​യ​ർ ഒ​രു​ക്കി​യി​രി​ക്കു​ന്ന​ത്. മാ​ലി​ ദ്വീ​പ്, സൂ​റി​ച്ച്, മി​ലാ​ൻ, ഫു​ക്ക​റ്റ്, മോ​സ്‌​കോ, റോം ​എ​ന്നി​വ​യു​ൾ​പ്പെ​ടെ​യു​ള്ള എ​യ​ർ​ലൈ​നി​ന്‍റെ നെ​റ്റ്‌​വ​ർ​ക്കി​ലു​ട​നീ​ളം യാ​ത്ര​ക്കാ​ർ​ക്ക് ഈ ​ഓ​ഫ​ർ ആ​സ്വ​ദി​ക്കാ​വു​ന്ന​താ​ണ്.
ന​വം​ബ​ർ 18, 19 തീ​യ​തി​ക​ളി​ൽ ബു​ക്ക് ചെ​യ്യു​ന്ന​വ​ക്കാ​യി​രി​ക്കും ആ​നുകൂല്യം ല​ഭി​ക്കു​ക. വ​ൺ​​വേ​ക്കും റി​ട്ടേ​ണും പ്ര​​മോ​ഷ​ൻ ല​ഭ്യ​മാ​ണ്. യൂ​റോ​പ്പ്, ഫാ​ർ ഈ​സ്റ്റ്, ആ​ഫ്രി​ക്ക, ജി.​സി.​സി, ഇ​ന്ത്യ​ൻ ഉ​പ​ഭൂ​ഖ​ണ്ഡം എ​ന്നി​വി​ട​ങ്ങ​ളി​ലു​ട​നീ​ള​മു​ള്ള ചി​ല ന​ഗ​ര​ങ്ങ​ളി​ലേ​ക്കും ഈ ​നി​ര​ക്കി​ൽ യാ​ത്ര ന​ട​ത്താ​ൻ ക​ഴി​യും. ഈ ​ഓ​ഫ​റി​ൽ ന​വം​ബ​ർ 25 മു​ത​ൽ ഡി​സം​ബ​ർ 16 വ​രെ​യും 2025 ജ​നു​വ​രി 20 മു​ത​ൽ മാ​ർ​ച്ച് 24വ​രെ​യു​മാ​ണ് യാ​ത്ര ന​ട​ത്താ​നാ​വു​ക. ഓ​ഫ​റി​ൽ ഇ​ന്‍റ​ർ​ലൈ​ൻ അ​ല്ലെ​ങ്കി​ൽ കോ​ഡ്‌​ഷെ​യ​ർ ഫ്ലൈ​റ്റു​ക​ൾ ഉ​ൾ​പ്പെ​ടു​ന്നി​ല്ലെ​ന്നും മ​റ്റു നി​ബ​ന്ധ​ന​ക​ളും വ്യ​വ​സ്ഥ​ക​ളും ബാ​ധ​ക​മാ​ണെ​ന്നും അ​ധി​കൃ​ത​ർ അ​റി​യി​ച്ചു.
ഒ​മാ​ൻ എ​യ​റി​ന്‍റെ www.omanair.com എ​ന്ന വെ​ബ്‌​സൈ​റ്റി​ലൂ​ടെ​യും ഒ​മാ​ൻ എ​യ​ർ മൊ​ബൈ​ൽ ആ​പ്പി​ലൂ​ടെ​യും ​ട്രാ​വ​ൽ ഏ​ജ​ൻ​സി​ക​ൾ മു​ഖേ​ന​യും ടി​ക്ക​റ്റ് ബു​ക്ക് ചെ​യ്യാം.