പ്രതിദിന രോഗികളുടെ എണ്ണം 30,000ന് മുകളില് വര്ധിച്ചിരിക്കുന്ന സാഹചര്യത്തില് ഓക്സിജന് ലഭ്യത ഉറപ്പാക്കുന്നത് സംബന്ധിച്ച് നടന്ന ഉന്നതതല യോഗത്തില് ചര്ച്ച ചെയ്തതായി ആരോഗ്യമന്ത്രി കെ.കെ ശൈലജ
തിരുവനന്തപുരം : സംസ്ഥാനത്തെ ഓക്സിജന് ലഭ്യത ഉറപ്പാക്കുന്നതിന് കൂടുതല് നടപടികള് സ്വീ കരിച്ചതായി ആരോഗ്യമന്ത്രി കെ.കെ ശൈലജ. പ്രതിദിന രോഗികളുടെ എണ്ണം 30,000ന് മുകളില് വര്ധിച്ചിരിക്കുന്ന സാഹചര്യത്തില് ഓക്സിജന് ലഭ്യത ഉറപ്പാക്കുന്നത് സംബന്ധിച്ച് നടന്ന ഉന്നത തല യോഗത്തില് ചര്ച്ച ചെയ്തതായി ആരോഗ്യമന്ത്രി അറിയിച്ചു.
ബള്ക്ക് ഓക്സിജന് സിലിണ്ടറിന്റെ ലഭ്യത രാജ്യത്തൊട്ടാകെ കുറഞ്ഞുവരുന്ന സാഹചര്യത്തില് ഇന്ഡസ്ട്രിയല് ആവശ്യത്തിന് വേണ്ടി ഉപയോഗിക്കുന്ന ബള്ക്ക് ഓക്സിജന് സിലിണ്ടറുകള്, നൈഡ്രജന് സിലിണ്ടറുകള്, ആര്ഗോണ് സിലിണ്ടറുകള് എന്നിവ ജില്ലാ അടിസ്ഥാനത്തില് കളക്ടര്മാരുടെ മേല്നോട്ടത്തില് പിടിച്ചെടുക്കുന്നതിനും അവയെ എയര് സെപ്പറേഷന് യൂണിറ്റ് വഴി എത്രയും പെട്ടെന്ന് മെഡിക്കല് ഓക്സിജന് സിലിണ്ടറുകളാക്കി മാറ്റി ഉപയോഗിക്കുന്നതിനും യോഗം തീരുമാനിച്ചു.
സംസ്ഥാനത്ത് പ്രതിദിനമുള്ള ഓക്സിജന്റെ ഉത്പാദനം, വിതരണം, ഉപയോഗം, ആസന്നമായിരി ക്കുന്ന രോഗികളുടെ എണ്ണത്തിലുള്ള ക്രമാനുഗതമായ വര്ധനവിന് ആനുപാതികമായുള്ള മുന്നൊ രുക്കങ്ങള് എന്നിവ പ്രത്യേകമായി ചര്ച്ച ചെയ്തു. നിലവില് സര്ക്കാര് ആശുപത്രികളില് 220 മെട്രിക് ടണ് ഓക്സിജന് ലഭ്യമാണ്. കോവിഡ് ചികിത്സയ്ക്കും കോവിഡ് ഇതര ചികിത്സയ്ക്കുമായി ഏകദേശം 100 മെട്രിക് ടണ് ഓക്സിജനാണ് ഉപയോഗിക്കേണ്ടി വരുന്നത്. വിതരണ ശേഷം ഓക്സിജന് ഉത്പാദന കേന്ദ്രത്തില് 510 മെട്രിക് ടണ്ണോളം ഓക്സിജന് കരുതല് ശേഖരമായുണ്ട്. ഏത് പ്രതി കൂല സാഹചര്യത്തേയും പ്രതിരോധിക്കാന് പറ്റുന്ന തരത്തില് കരുതല് ശേഖരം 1000 മെട്രിക് ടണ്ണായി വര്ധിപ്പിക്കുന്നതിന്റെ വിവിധ സാധ്യതകള് യോഗം പ്രത്യേകം ചര്ച്ച ചെയ്തു.
വിവിധ ജില്ലാ കളക്ടര്മാര് രോഗികളുടെ എണ്ണത്തിലുണ്ടാകുന്ന വര്ധനവിന് ആനുപാതികമായി ജില്ലകളില് ഒരുക്കുന്ന ചികിത്സാ കേന്ദ്രങ്ങളുടെ ആവശ്യകതയനുസരിച്ച് ഓക്സിജന്റെ ലഭ്യതയില് ഉണ്ടായേക്കാവുന്ന വര്ധനവ് പ്രത്യേകം ശ്രദ്ധയില്പ്പെടുത്തി. അതുമായി ബന്ധപ്പെട്ട് സ്വീകരിക്കാന് പറ്റുന്ന ബദല് മാര്ഗങ്ങളെപ്പറ്റി യോഗം ചര്ച്ച ചെയ്യുകയും ചെയ്തു.ലഭ്യമായ ഓക്സിജന്റെ ഏറ്റവും ഫലവത്തായ വിനിയോഗ ത്തിനു വേണ്ടി സംസ്ഥാന, ജില്ലാ, ആശുപത്രി തലങ്ങളില് ഓക്സിജന് ഓഡിറ്റ് കമ്മിറ്റികള് രൂപീകരിക്കും. ചികിത്സാകേന്ദ്രങ്ങളുമായി ബന്ധപ്പെട്ട് ഓക്സിജന് ലീക്കേജ് പരമാവധി ഒഴിവാക്കുന്നതിനുള്ള മുന്കരുതല് സ്വീകരിക്കുന്നതിനും ഓക്സിജന് സിലിണ്ടറുകള് കൈകാര്യം ചെയ്യുന്ന ഉദ്യോഗസ്ഥര്ക്ക് കാലോചിതമായി നല്കുന്ന പരിശീലന പരിപാടി ഏകോപി പ്പിക്കുന്നതിനും തീരുമാനിച്ചതായി മന്ത്രി വ്യക്തമാക്കി.
മസ്കത്ത്: സാമൂഹിക, സാംസ്കാരിക, വിദ്യാഭ്യാസ, ജീവകാരുണ്യ മേഖലകളിൽ ശ്രദ്ധേയമായ സംഭാവനകൾ നൽകുന്ന വ്യക്തിത്വങ്ങളെ ആദരിക്കുന്നതിനായി റൂവി മലയാളി അസോസിയേഷൻ (RMA)…
പി.കെ സജിത് കുമാര് : കേരളത്തിന്റെ സമ്പത് ഘടനയിൽ തന്നെ ഒരു മാറ്റം കൊണ്ടുവരുന്നതിന്റെ തുടക്കമായി കാണുന്നുണ്ട്. പ്രത്യേകിച്ച് മരിടൈം…
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
This website uses cookies.