എന്തിലും കലാവിഷ്‌കാരമൊരുക്കി രജനി; ബിനാലെയില്‍ ആര്‍ട്ടിസ്റ്റിന്റെ ശില്‍പശാലയും

കേരള ലളിതകലാ അക്കാദമിയുടെ ഗ്രാന്‍ഡോടെ 16 കലാവിഷ്‌കാരങ്ങളുമായി രജനി കഴിഞ്ഞവര്‍ഷം എറണാകുളത്ത് ഏകാംഗ പ്രദര്‍ശനം നടത്തിയിരുന്നു. ബിനാലെ യില്‍ എറണാകുളം ഡര്‍ബാര്‍ ഹാള്‍ ആര്‍ട്ട്ഗ്യാലറിയുടെ ‘ഇടം’ വേദിയിലാണ് രജ നിയുടെ അവതരണങ്ങള്‍ പ്രദര്‍ശിപ്പിച്ചിരിക്കുന്നത്.

കൊച്ചി: ജീവിത പരിസരത്തില്‍ അഭിമുഖീകരിക്കുന്ന വിഷയങ്ങളും അനുഭവങ്ങളും പ്രതിഫലിപ്പിക്കാ നും പ്രതികരിക്കാനും ചുറ്റുപാടും കാണുന്ന ഏത് വസ്തുവും മതി മലയാളി ആര്‍ട്ടിസ്റ്റ് എസ് ആര്‍ രജനിക്ക്. മണ്ണ്, കല്ല്, ചാക്കുനൂല്‍(ചണനാര്), ചകിരി, ഈര്‍ക്കില്‍, കയര്‍, പാള, മടല്‍, മുത്ത്….ഇങ്ങനെ സാധാരണ കാര്യമാക്കാത്ത സാധനങ്ങള്‍ ഉപയോഗിച്ച് രജനി തീര്‍ത്ത മൂന്നു ശ്രദ്ധേയ സൃഷ്ടികള്‍ ബിനാലെയില്‍ ഉണ്ട്.

തൃപ്പൂണിത്തുറ ആര്‍ എല്‍ വി കോളേജില്‍ നിന്ന് ശില്‍പകലയില്‍ ബിരുദാനന്ത ബിരുദം നേടിയശേഷം എന്ത് മാധ്യമത്തില്‍ ഉറച്ചുനില്‍ക്കണമെന്നതില്‍ ആശയ ക്കുഴപ്പമുണ്ടായിരുന്നെന്ന് രജനി പറയുന്നു. ഒടു വില്‍ കലാവിഷ്‌കാരത്തിന് ഇപ്പോ ള്‍ അവലംബിക്കുന്ന രീതിയില്‍ എത്തിപ്പെട്ടു. അതുകൊണ്ട് തന്റെ സൃഷ്ടികളെ പ്ര തിഷ്ഠാപനമെന്നോ ശില്‍പമെന്നോ പറയാം, പറയാതിരിക്കാം. ഇക്കാര്യത്തിലുമു ണ്ട് ആശയ ക്കുഴപ്പമെന്ന് രജനി. ബാല്യത്തില്‍ കണ്ടതും കേട്ടതുമായ അനുഭവങ്ങള്‍- അതില്‍ മുത്തശ്ശിയുടെ ജഡ പിടിച്ച മുടിയുണ്ട്, ദുര്‍മന്ത്രവാദവും ആഭിചാരവുമു ണ്ട്- ചിലപ്പോള്‍ ഇത്തരമൊരു ആവിഷ്‌കാര മാധ്യമ ത്തിലേക്ക് നയിച്ചിട്ടുണ്ടാകാം. പ ക്ഷെ അത് സംഭവിക്കുന്നത് മൂന്നു പതിറ്റാണ്ടോളം പിന്നീടാണെന്നതാണ് കൗതുക കരം.

തനിക്ക് ചിത്രകല(ആര്‍ട്ട്) എന്നാല്‍ കഥപറച്ചിലല്ല. ദൃശ്യാത്മകതയ്ക്കാണ് പ്രാധാന്യം. അത് ആസ്വദിക്കുന്ന വര്‍ക്ക് സ്വന്തം ഭാവനയ്ക്കനുസൃതം വ്യാഖ്യാനിക്കാം, ഉള്‍ക്കൊ ള്ളാം. അതുകൊണ്ട് സൃഷ്ടികള്‍ക്ക് പേരൊ ന്നും നല്‍കിയിട്ടില്ല- രജനി വിശദമാക്കി. കണ്ണിലും വായിലും ഉള്‍പ്പെടെ ഈര്‍ക്കില്‍ തറഞ്ഞ പ്രതിമ രജ നിയുടെ ബിനാലെ അവതരണങ്ങളില്‍ ഒന്നാണ്.ഏറെ ചിന്തിപ്പിക്കുന്ന ഈ സൃഷ്ടി ഓരോരുത്തരെയും കൂട്ടിക്കൊണ്ടു പോകുന്നത് സ്വാനുഭവത്തിന്റെ വ്യത്യസ്തകളിലേക്കാകും. നല്ലത്- പാഴ് വേര്‍ തിരിവ്, ലിംഗ വിവേചനം, മുന്‍വിധി എന്നിവയോടെല്ലാമുള്ള പ്രതികരണങ്ങള്‍ ഉള്‍ക്കൊള്ളുന്നവയാണ് രജനിയുടെ സൃഷ്ടികള്‍.

കേരള ലളിതകലാ അക്കാദമിയുടെ ഗ്രാന്‍ഡോടെ 16 കലാവിഷ്‌കാരങ്ങളുമായി രജനി കഴിഞ്ഞവര്‍ഷം എറണാകുളത്ത് ഏകാംഗ പ്രദര്‍ശനം നടത്തിയിരുന്നു. ബിനാലെയില്‍ എറണാകുളം ഡര്‍ബാര്‍ ഹാള്‍ ആര്‍ട്ട്ഗ്യാലറിയുടെ ‘ഇടം’ വേദിയിലാണ് രജനിയുടെ അവതരണങ്ങള്‍ പ്രദര്‍ശിപ്പിച്ചിരിക്കുന്നത്.

ചുറ്റുപാടിലും നിന്ന് കണ്ടുകിട്ടുന്ന വസ്തുക്കള്‍ എങ്ങനെ കലാവിഷ്‌കാരമായി മാറുന്നുവെന്ന് വ്യക്തമാക്കി ക്കൊണ്ട് ബിനാലെയുടെ ഫോര്‍ട്ട്‌കൊച്ചി കബ്രാള്‍യാര്‍ഡ് ആര്‍ട്ട് റൂമില്‍ രജനി നേതൃത്വം നല്‍കുന്ന ‘കാ ന്തം’ ശില്‍പശാലയും നടക്കുന്നുണ്ട്. ഇന്നും (മാര്‍ച്ച് 19) രാവിലെ പത്തുമുതല്‍ അഞ്ചുവരെ നടക്കുന്ന ശി ല്‍പശാലയില്‍ പ്രവേശനം സൗജന്യം.