ക്രിക്കറ്റ് താരം മുത്തയ്യ മുരളീധരന്റെ ജീവിതകഥ പറയുന്ന 800-ല് നിന്ന് നടന് വിജയ് സേതുപതി പിന്മാറി. ചിത്രം പ്രഖ്യാപിച്ചതു മുതല് വിജയ് സേതുപതിക്കും 800 ന്റെ അണിയറ പ്രവര്ത്തകര്ക്കുമെതിരെ ചലച്ചിത്ര- രാഷ്ട്രീയ രംഗത്തു നിന്നും സമൂഹമാധ്യമങ്ങളിലൂടെയും കടുത്ത വിമര്ശനങ്ങളാണ് ഉയര്ന്നത്. ഈ സാഹചര്യത്തില് ചിത്രത്തില് നിന്ന് പിന്മാറാന് മുത്തയ്യ മുരളീധരന് വിജയ് സേതുപതിയോട് ആവശ്യപ്പെടുകയായിരുന്നു.
‘നന്ദി, വിട’ എന്ന കുറിപ്പോടെ പിന്മാറാന് ആവശ്യപ്പെട്ടുകൊണ്ട് മുത്തയ്യ മുരളീധരന് പുറത്തിറക്കിയ പത്രക്കുറിപ്പ് ട്വിറ്ററിലൂടെ പങ്കുവച്ചാണ് വിജയ് സേതുപതി ഇക്കാര്യം അറിയിച്ചത്.
വിജയ് സേതുപതി ഒരു വിഭാഗം ആളുകളില് നിന്ന് വളരെയധികം സമ്മര്ദ്ദം നേരിടുന്നതായി താന് മനസിലാക്കുന്നുവെന്നും താന് കാരണം ഒരു പ്രശസ്ത നടന് പ്രശ്നങ്ങളില് ചെന്നുപെടാന് ആഗ്രഹിക്കുന്നില്ലെന്നും മുത്തയ്യ പ്രസ്താവനയില് പറയുന്നു. തനിക്കും തന്റെ ജീവിത കഥയ്ക്കുമെതിരെ തമിഴ്നാട്ടില് എതിര്പ്പുകള് ഉയരുന്ന സാഹചര്യത്തില് താന് ഇത് പറയാന് നിര്ബന്ധിതനാണെന്നും മുത്തയ്യ മുരളീധരന് പത്രക്കുറിപ്പില് പറയുന്നു.
എല്ടിടിയെ അടിച്ചൊതുക്കുന്നതിന്റെ മറവില് ശ്രീലങ്കന് സൈന്യവും സിംഹള, ബുദ്ധ മതക്കാരും തമിഴ് വംശജരെ കൊന്നൊടുക്കിയ വിഷയത്തില് ശ്രീലങ്കന് സര്ക്കാരിനെ പിന്തുണയ്ക്കുന്ന നിലപാടാണ് മുത്തയ്യ മുരളീധരന് എടുത്തിരുന്നത്. ഇതാണ് ഒരു വിഭാഗം തമിഴ് ജനതയുടെ പ്രതിഷേധത്തിന് ഇടയാക്കിയത്. തമിഴ്പുലികളെ നിഷ്കാസനം ചെയ്യുന്നതിനിടെ നടന്ന വംശഹത്യയെ മുത്തയ്യ മുരളീധന് നിസാരവല്ക്കരിച്ചെന്നും പ്രതിഷേധക്കാര് ചൂണ്ടിക്കാണിക്കുന്നു.
മുത്തയ്യ മുരളീധരനായി എത്തുന്നതില് സിനിമാ രംഗത്തു നിന്നും വിജയ് സേതുപതി എതിര്പ്പ് നേരട്ടിരുന്നു. മുതിര്ന്ന സംവിധായകന് ഭാരതി രാജ, കവിയും ഗാനരചയിതാവുമായ വൈരമുത്തു തുടങ്ങിയവരാണ് നടനോട് ചിത്രത്തില് നിന്ന് പിന്മാറാന് ആവശ്യപ്പെട്ടത്.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.