വൈക്കം മുഹമ്മദ് ബഷീർ ബാങ്ക് മാനേജർക്ക് എഴുതിയ കത്ത് ചർച്ചയാകുന്നു

Web Desk

മലയാളികളുടെ പ്രിയപ്പെട്ട സാഹിത്യകാരൻ വൈക്കം മുഹമ്മദ് ബഷീർ എഴുതിയ പല കത്തുകളും ഇന്നും ആസ്വാദകലോകം ഏറെ ഇഷ്ടപ്പെടുന്നവയാണ്. അത്തരത്തിൽ ഒരിക്കൽ ഒരു ബാങ്ക് മാനേജർക്ക് ബഷീർ എഴുതിയ കത്താണ് ഇപ്പോള്‍ സോഷ്യൽ മീഡിയയിൽ ചർച്ച ആവുന്നത് .

കത്ത് തുടങ്ങുന്നത് ഇങ്ങിനെയാണ്‌ “പ്രിയപ്പെട്ട മാനേജർ , ഈ വരുന്നത് എന്‍റെ ഭാര്യയാണ് ,ഒരെണ്ണമേയുള്ളൂ , ഇവർക്ക് സ്വർണ്ണപണയത്തിൽ കുറെ രൂപ വേണം , വേണ്ടത് ചെയ്തു കൊടുക്കാൻ അപേക്ഷ ….സ്വന്തം വൈക്കംമുഹമ്മദ് ബഷീർ” . ചിരിയും ചിന്തയും ഒളിപ്പിച്ച ഇത്തരത്തിലെ നിരവധി കത്തുകൾ ബഷീർ എഴുതിയിട്ടുണ്ട് .

എസ് ബി ഐ ബാങ്കിൽ നിന്നും വിരമിച്ച സ്നേഹപ്രകാശൻ എന്ന വ്യക്തിയാണ് ഈ കത്ത് സൂക്ഷിച്ചു വെച്ചിരുന്നത് .മലയാള സാഹിത്യ ലോകത്തെ സുൽത്താൻ എന്നറിയപ്പെടുന്ന ബഷീർ കാലയവനികക്കുള്ളിൽ മറഞ്ഞിട്ട് ജൂലായിൽ 26 വർഷം തികയുകയാണ് .കത്ത് തന്‍റെ ഫേസ്ബുക്കിൽ പോസ്റ്റ് ചെയ്തു കൊണ്ട് പ്രശസ്ത തിരക്കഥാകൃത്തു ജോൺ പോൾ എഴുതുന്നു ബഷീറിന് തുല്യം ബഷീർ മാത്രം …