ആഴക്കടല്‍ മത്സ്യബന്ധന വിവാദം: കള്ളം പിടിക്കപ്പെട്ടപ്പോള്‍ ഒഴിഞ്ഞു മാറാനാണ് സര്‍ക്കാര്‍ ശ്രമിക്കുന്നതെന്ന് വി. മുരളീധരന്‍

തിരുവനന്തപുരം: ആഴക്കടല്‍ മത്സ്യബന്ധന വിവാദത്തില്‍ കള്ളം പിടിക്കപ്പെട്ടപ്പോള്‍ ഒഴിഞ്ഞു മാറാനാണ് സംസ്ഥാന സര്‍ക്കാര്‍ ശ്രമിക്കുന്നതെന്ന് കേന്ദ്ര മന്ത്രി വി. മുരളീധരന്‍. അഴിമതി നടത്താനുളള ശ്രമമായിരുന്നുവെന്നും അറിഞ്ഞില്ലായെന്ന് സര്‍ക്കാര്‍ പറയുന്നതില്‍ അടിസ്ഥാനമില്ലെന്നും അറിഞ്ഞില്ലെന്നും സര്‍ക്കാര്‍ പറയുന്നതില്‍ അടിസ്ഥാമനമില്ലെന്നും അദ്ദേഹം ആരോപിച്ചു.

ജുഡീഷ്യല്‍ അന്വേഷണത്തിലൂടെ കുറ്റവാളികളെ മുന്നില്‍ കൊണ്ടുവരാന്‍ സാധിക്കില്ല. ജനങ്ങളുുടെ കണ്ണില്‍ പൊടിയിടാന്‍ മാത്രമേ ഇതുകൊണ്ട് സാധിക്കൂ. എല്ലാം പുറത്തു വരുന്ന അന്വേഷണ ആണ് വേണ്ടതെന്നും അദ്ദേഹം പറഞ്ഞു.

തെരഞ്ഞെടുപ്പിനെ നേരിടാാന്‍ തയ്യാറെടുപ്പ് ആരംഭിച്ചു കഴിഞ്ഞുവെന്നും ഘടകകക്ഷികളുമായി ചര്‍ച്ചകള്‍ നടത്തുകയാണെന്നും മുരളീധരന്‍ പറഞ്ഞു. പാര്‍ട്ടി ആവശ്യപ്പെട്ടാല്‍ മത്സരിക്കുമെന്നും അദ്ദേഹം കൂട്ടിച്ചേര്‍ത്തു.