യുഎഇയില്‍ 3,067 പുതിയ കോവിഡ് രോഗികള്‍, മൂന്ന് മരണം ; ആക്ടീവ് കേസുകള്‍ 42,789

രോഗ പ്രതിരോധ നടപടികള്‍ ഊര്‍ജ്ജിതം, കര്‍ശന നിയന്ത്രണങ്ങള്‍ എന്നിട്ടും
പത്തുമാസത്തിനിടയിലെ ഏറ്റവും കൂടുതല്‍ കോവിഡ് കേസുകള്‍ റിപ്പോര്‍ട്ട് ചെയ്തു.

ദുബായ്  : യുഎഇയില്‍ കഴിഞ്ഞ 24 മണിക്കൂറിനിടെ മൂന്ന് കോവിഡ് മരണങ്ങള്‍ റിപ്പോര്‍ട്ട് ചെയ്തു. പുതിയതായി 3,067 പേര്‍ക്ക് കോവിഡ് സ്ഥിരീകരിച്ചു.

കഴിഞ്ഞ ഡിസംബര്‍ 12 ന് കേവലം 56 കേസുകള്‍ മാത്രമാണ് റിപ്പോര്‍ട്ട് ചെയ്തിരുന്നത്. ഒക്ടോബര്‍ 25 നു ശേഷം ഡിസംബര്‍ 14 വരെ നൂറില്‍ താഴെ മാത്രമാണ് പ്രതിദിന കോവിഡ് കേസുകള്‍ യുഎഇയിലുണ്ടായിരുന്നത്. പിന്നീട് കൂടി വന്ന കേസുകള്‍ ഇപ്പോള്‍ മുവ്വായിരം കടന്നിരിക്കുകയാണ്.

രോഗബാധയെ തുടര്‍ന്ന് തീവ്രപരിചരണ വിഭാഗത്തില്‍ കഴിഞ്ഞിരുന്ന മൂന്നു പേര്‍ മരിച്ചതോടെ യുഎഇയിലെ ആകെ മരണ സംഖ്യ 2191 ആയി. കോവിഡ് സ്ഥിരീകരിച്ച 8,02181 പേരില്‍ 7,59,213 പേര്‍ രോഗമുക്തരായി.

3,85,950 കോവിഡ് ടെസ്റ്റുകളാണ് കഴിഞ്ഞ ദിവസം രാജ്യത്തുടനീളം നടന്നത്. ആക്ടീവ് രോഗികളായ 42,789 പേരാണ് നിലവിലുള്ളത്.

കോവിഡിന്റെ പുതിയ വകഭേദമായ ഒമിക്രോണ്‍ സ്ഥിരീകരിച്ച ജനുവരിക്ക് ശേഷം ദിനം പ്രതി 2500 പുതിയ കേസുകളാണ് യുഎഇയില്‍ റിപ്പോര്‍ട്ടു ചെയ്യുന്നത്.