ഇന്ത്യൻ കമ്യൂണിസ്റ്റ് പാർട്ടിയുടെ പിറവിക്ക് ഇന്ന് 100

ഇന്ത്യൻ കമ്യൂണിസ്റ്റ് പാർട്ടിയുടെ പിറവിക്ക് ഇന്ന് 100 വര്‍ഷം തികയുകയാണ്. ഇന്ത്യൻ കമ്യൂണിസ്റ്റ് പാർട്ടി രൂപീകരിച്ചത് 1920 ഒക്ടോബർ 17 നാണ്. എം.എൻ.റോയിയുടെ നേതൃത്വത്തിൽ സോവിയറ്റ് യൂണിയനിലെ താഷ്കന്റ് നഗരത്തിലാണ് സിപിഐ പിറന്നത്. എസ്.വി.ഘാട്ടെയായിരുന്നു ആദ്യ ജനറൽ സെക്രട്ടറി (1925-33).

ചരിത്രത്തിലെ നാള്‍ വഴികള്‍

• കമ്യൂണിസ്റ്റ് പാർട്ടി കേരളത്തിലും പടര്‍ന്ന് പന്തലിച്ചു. 1939 ഒക്ടോബർ 13 ന് പിണറായി പാറപ്രം സമ്മേളനത്തിലാണ് കേരളത്തിലെ കമ്യൂണിസ്റ്റ് പാർട്ടി നിലവിൽ വന്നത്.
• 1946 ഒക്ടോബർ 24-27 കാലത്ത് പുന്നപ്ര-വയലാർ സമരം കമ്മ്യൂണിസ്റ്റ് വിപ്ലവങ്ങള്‍ക്ക് ഊര്‍ജ്ജം നല്‍കി. ദിവാന്റെ പട്ടാളവും തൊഴിലാളികളും തമ്മിൽ ഏറ്റുമുട്ടി. വെടിവെയ്പ്പുകളിൽ നിരവധിപ്പേർ മരണപ്പെട്ടു.
• 1952 ഏപ്രിൽ 17 ന് ലോക്സഭയിലെ മുഖ്യപ്രതിപക്ഷമായി. ഒന്നാം ലോക്സഭയിലെ മുഖ്യപ്രതിപക്ഷം സിപിഐ ആയിരുന്നു. എ.കെ.ഗോപാലൻ ലോക്സഭയിലെ ആദ്യ അനൗദ്യോഗിക പ്രതിപക്ഷ നേതാവായി ചരിത്രത്തിന്‍റെ ഏടുകളില്‍ ഇടം പിടിച്ചു.
• 1957 ഏപ്രിൽ 5 ന് ആദ്യ കമ്മ്യൂണിസ്റ്റ് മന്ത്രിസഭ ബാലറ്റിലൂടെ ഭരണത്തിൽ വന്നു. ഏഷ്യയിൽ ആദ്യമായി കമ്യൂണിസ്റ്റ് പാർട്ടി ബാലറ്റിലൂടെ അധികാരമേറ്റു. ഇ.എം.എസ്. കേരള മുഖ്യമന്ത്രിയായി അധികാരമേറ്റു.
• 1964 ഏപ്രിൽ 11 ന് കമ്യൂണിസ്റ്റ് പാർട്ടി പിളർന്നു. കമ്യൂണിസ്റ്റ് പാർട്ടി പിളർന്ന് സിപിഐ(എം) രൂപീകരിച്ചു.
• 1969 നവംബർ ഒന്നിന് അച്യുതമേനോൻ കേരള മുഖ്യമന്ത്രിയായി. കോൺഗ്രസ് പിന്തുണയോടെയാണ് സിപിഐ നേതാവ് സി.അച്യുതമേനോൻ കേരള മുഖ്യമന്ത്രിയായത്. തുടർച്ചയായി 7 വർഷം മുഖ്യമന്ത്രിയായി അദ്ദേഹം തുടര്‍ന്നു.
• 1977 ജൂൺ 21 ന് ബംഗാളിൽ ചരിത്രവിജയം നേടി. പശ്ചിമ ബംഗാളിൽ സിപിഎം ഭരണം പിടിച്ചു. ജ്യോതി ബസു മുഖ്യമന്ത്രിയായി.
• 1978 ജനുവരി 5ന് ത്രിപുരയിലും ഭരണം പിടിച്ചു. ത്രിപുരയിലും സിപിഎം അധികാരത്തിൽ വന്നതോടെ. നൃപൻ ചക്രവർത്തി മുഖ്യമന്ത്രിയായി.
• 1994 ജനുവരി ഒന്നിന് ഗൗരിയമ്മയെ പാര്‍ട്ടിയില്‍ നിന്നും പുറത്താക്കി. കെ.ആർ.ഗൗരിയമ്മയെ സിപിഎമ്മിൽ നിന്നു പുറത്താക്കിയത് പാര്‍ട്ടി ചരിത്രത്തിലെ പ്രധാന സംഭവമായി രേഖപ്പെടുത്തുന്നു .
• ചരിത്രപരമായ മണ്ടത്തരം പാര്‍ട്ടിയ്ക്ക് സംഭവിച്ചത് 1966 ലാണ്. 1996 ൽ ഇന്ത്യൻ പ്രധാനമന്ത്രി പദം ജ്യോതി ബസുവിന് ക്ഷണം ലഭിച്ചു. വാഗ്ദാനം പാർട്ടി നിരസിച്ചു. ചരിത്രപരമായ മണ്ടത്തരം എന്നാണ് പിന്നീട് ഈ തീരുമാനത്തെ വ്യാഖ്യാനിച്ചത്.
• 2011 മേയ് 13 ബംഗാളിൽ അധികാരത്തിൽ നിന്ന് പുറത്തായി. പശ്ചിമബംഗാളിൽ സിപിഎം അധികാരത്തിൽ നിന്ന് പുറത്തായി. തുടർച്ചയായ 34 വർഷത്തെ സിപിഎം ഭരണത്തിനു വിരാമം.