കെ.എം ബഷീര് വിടപറഞ്ഞിട്ട് ഇന്നേക്ക് ഒരുവര്ഷം പൂര്ത്തിയാവുന്നു. 2019 ആഗസ്ത് മൂന്നിന് പുലര്ച്ചെ മദ്യപിച്ച് അമിതവേഗത്തില് ശ്രീറാം വെങ്കിട്ടരാമന് ഐ.എ.എസ് ഓടിച്ച കാറിടിച്ചാണ് സിറാജ് ദിനപത്രത്തിന്റെ തിരുവനന്തപുരം യൂണിറ്റ് ചീഫായ ബഷീര് കൊല്ലപ്പെടുന്നത്.
അന്ന് സര്വേ ഡയറക്ടറായിരുന്നു ശ്രീറാം. അമിത വേഗത്തിലെത്തിയ കാര് റോഡരികില് നിര്ത്തിയിരുന്ന ബഷീറിന്റെ ബൈക്കിനു പിന്നില് ഇടിക്കുകയായിരുന്നു. ബഷീറിനെ ആശുപത്രിയിലെത്തിക്കുന്നതിന് മുന്പ് മരണം സംഭവിച്ചു. കവടിയാറിലെ ഫ്ലാറ്റില് നടത്തിയ പാര്ട്ടി കഴിഞ്ഞു പാളയം ഭാഗത്തേക്ക് വരുകയായിരുന്നു ശ്രീറാമും സുഹൃത്ത് വഫാ ഫിറോസും. അപകടത്തില് ഒന്നാംപ്രതിയായ ശ്രീറാമിനെ രക്ഷിച്ചെടുക്കാന് തുടക്കം മുതല് നടന്ന ഉന്നതതല അട്ടിമറികള് കേരളം വലിയ രീതിയില് ചര്ച്ച ചെയ്തതാണ്.
കുറ്റവാളിയെ മാതൃകാപരമായി ശിക്ഷിക്കണമെന്ന് മാധ്യമലോകവും പൊതുസമൂഹവും ഒരുപോലെ ആവശ്യപ്പെട്ടുവെങ്കിലും സസ്പെന്ഷന് കാലാവധിക്കിടെ ശ്രീറാം വെങ്കിട്ടരാമനെ സര്വീസില് തിരിച്ചെടുത്തു. പ്രതിഷേധം ശക്തമായതോടെ കേസിന്റെ അന്വേഷണം ക്രൈംബ്രാഞ്ചിനെ ഏല്പ്പിച്ചു. ക്രൈംബ്രാഞ്ച് കുറ്റപത്രം നല്കിയെങ്കിലും ഇതുവരെ വിചാരണ ആരംഭിക്കാനായിട്ടില്ല. ശ്രീറാമും വഫയും ഇതുവരെ കോടതിയിലെത്തിയില്ല. സെപ്തംബര് 16ന് ഹാജരാകണമെന്ന് കോടതി കര്ശന നിര്ദേശം നല്കിയിരിക്കുകയാണ്. അധികാര കേന്ദ്രങ്ങളിലിരിക്കുന്നവര് പ്രതികളാകുമ്പോള് ഒരു കേസ് എങ്ങനെ അട്ടിമറിക്കപ്പെടുമെന്നതിന്റെ പ്രത്യക്ഷ ഉദാഹരമാണ് ഈ കേസ്.
ബഷീറിന്റെ മരണത്തിന് ഉത്തരവാദികളായവര്ക്ക് പരമാവധി ശിക്ഷ ലഭിക്കുമെന്നും നീതി പുലരുമെന്നുമുള്ള പ്രതീക്ഷയിലാണ് കുടുംബവും സഹപ്രവര്ത്തകരും. കോവിഡ് പശ്ചാത്തലത്തില് നിയന്ത്രണങ്ങള്ക്ക് വിധേയമായി കേരളത്തിലെ പ്രസ് ക്ലബുകളില് ഇന്ന് ബഷീര് അനുസ്മരണചടങ്ങ് സംഘടിപ്പിച്ചിട്ടുണ്ട്.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.