Web desk
ഷാര്ജ: മലയാളി ബിസിനസുകാരന് ടി.പി അജിത്തിന്റെ ആത്മഹത്യയില് ദുരൂഹത. തിങ്കളാഴ്ച്ച രാവിലെയാണ് ഷാര്ജ അബ്ദുള് നാസര് സ്ട്രീറ്റിലെ ബഹുനില കെട്ടിടത്തില് നിന്ന് വീണ് മരിച്ച നിലയില് 55 കാരനായ അജിത്തിനെ കണ്ടെത്തിയത്.
30 വര്ഷമായി യുഎഇയില് താമസിക്കുന്ന ഇദ്ദേഹം ദുബൈ ആസ്ഥാനമായി പ്രവര്ത്തിക്കുന്ന സ്പേസ് സൊലുഷന് ഇന്റര്നാഷണല് ഗ്രൂപ്പ് ഡയറക്ടറായിരുന്നു. 200 ലേറെ ജീവനക്കാരുള്ള സ്പേസ് മാക്സ് സൊലൂഷന്സ് ഇന്റര്നാഷണലിന്റെ കീഴില് ഗോഡൗണ്, ലോജിസ്റ്റിക്, വര്ക്ക് ഷോപ്പ്, കോള്ഡ് സ്റ്റോറേജ് തുടങ്ങിയ വിഭാഗങ്ങളും പ്രവര്ത്തിക്കുന്നുണ്ട്.
ദുബൈ മെഡോസിലെ വില്ലയിലായിരുന്നു താമസം. ഭാര്യ ബിന്ദു വീട്ടമ്മയാണ്. മകന് അമര്, ഇംഗ്ലണ്ടില് എഞ്ചിനീയറിങ് പൂര്ത്തിയാക്കി പിതാവിന്റെ കമ്പനിയില് തന്നെ ജോലി ചെയ്യുന്നു. മകള് ലക്ഷ്മി പഠിക്കുകയാണ്. അജിത് സാമ്പത്തികമായി ഉയര്ന്ന നിലയിലായിരുന്നുവെന്ന് ബന്ധുക്കള് പറയുന്നു. ട്വിന്റി20 ക്രിക്കറ്റ് ടൂര്ണമെന്റായ കേരള പ്രീമിയര് ലീഗ് ഡയറക്ടര് കൂടിയായിരുന്നു അജിത്.
എല്ലാ ദിവസവും പുലര്ച്ചെ നടക്കാനിറങ്ങുന്ന അജിത് കുടുംബാംഗങ്ങളെ ശല്യപ്പെടുത്താതെയാണ് എഴുന്നേല്ക്കാറ്. ആത്മഹത്യ ചെയ്ത ദിവസം പുലര്ച്ചെ നാലിന് ദുബൈയിലെ വീട്ടില് നിന്ന് ഇറങ്ങി ഷാര്ജയില് എത്തുകയായിരുന്നു. അറ്റകുറ്റ പണികള് നടന്നുകൊണ്ടിരിക്കുന്ന 17 നില കെട്ടിടത്തില് നിന്നാണ് ചാടിയത്. ഈ തെരുവില് നേരത്തെ താമസിച്ചിട്ടുണ്ടെങ്കിലും അജിത്തിന് സുഹൃത്തുക്കളുള്ളതായി അറിവില്ലെന്ന് ബന്ധുക്കള് പറയുന്നു. മരണത്തിനായി കിലോമീറ്ററുകള് സഞ്ചരിച്ച് ഷാര്ജ അബ്ദുള് നാസര് സ്ട്രീറ്റിലെത്തിയത് പഴയ ഓര്മകളുടെ ഭാഗമാകാം എന്ന് സംശയിക്കുന്നു.
കൊവിഡ് കാലത്ത് മലയാളി സമൂഹത്തിന് നഷ്ടപ്പെടുന്ന നാലാമത്തെ മലയാളിയാണ് അജിത്. മാനസിക സംഘര്ഷം സഹിക്കാനാകാതെയാണ് നാലുപേരുടെയും മരണമെന്ന് റിപ്പോര്ട്ടുകള് പറയുന്നു. ഏപ്രില് മൂന്നാം വാരത്തില് കെട്ടിട നിര്മ്മാണ കമ്പനിയില് ജോലി ചെയ്തിരുന്ന പ്രാക്കുളം സ്വദേശി അശോകന് എന്ന യുവാവ് താമസിക്കുന്ന കെട്ടിടത്തില് നിന്ന് ചാടി മരിക്കുകയായിരുന്നു. കോവിഡ് ഭയം കാരണമാണ് മരിച്ചതെന്നാണ് വിവരം.
ബിസിനസ് തകര്ച്ച മൂലം പ്രമുഖ ബിസിനസുകാരന് വയനാട് മാനന്തവാടി സ്വദേശി ജോയ് അറയ്ക്കല് (54) കെട്ടിടത്തില് നിന്ന് ചാടി മരിച്ചു. ഇതിന് പിന്നാലെ ചെമ്മലശേരി സ്വദേശി നീലത്ത് മുഹമ്മദ് ഫിര്ദൗസ് (26) ദുബൈയില് കെട്ടിടത്തില് നിന്ന് വീണുമരിച്ചു. ജോയ് മരിച്ചപ്പോള് എന്തിനാണ് ഇങ്ങനെ ചെയ്തതെന്നും ബുദ്ധിമോശമായി പോയെന്നും അജിത് പറഞ്ഞതായി സുഹൃത്തുക്കള് വെളിപ്പെടുത്തിയിരുന്നു. പ്രതിസന്ധികളെ നേരിടാന് ബിസിനസുകാരന് മാനസിക കരുത്ത് വേണമെന്ന് അജിത് പറയാറുണ്ടെന്നും സുഹൃത്ത് പറഞ്ഞു.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.