ഇത്തവണത്തെ മികച്ച ചിത്രത്തിനുള്ള സംസ്ഥാന ചലച്ചിത്ര പുരസ്കാരം നേടിയ ‘വാസന്തി’ കോപ്പിയടിയാണെന്ന് മാധ്യമപ്രവര്ത്തകനും എഴുത്തുകാരനുമായ പി കെ ശ്രീനിവാസന്. ഇന്ദിര പാര്ത്ഥ സാരഥി എഴുതിയ ‘പോര്വേ ചാര്ത്തിയ ഉടല്കള് എന്ന തമിഴ് നാടകവുമായി സാമ്യമുണ്ടെന്ന് അദ്ദേഹം പറഞ്ഞു. അനുവാദം പോലും വാങ്ങാതെയാണ് സിനിമയാക്കിയതെന്നും അദ്ദേഹം ആരോപിച്ചു.
പി കെ ശ്രീനിവാസന്റെ ഫെയ്സ്ബുക്ക് കുറിപ്പ്
വാസന്തിയെ മോഷ്ടിച്ചവര്
‘വാസന്തി വന്ന വഴി ‘ എന്നൊരു ലേഖനം ഇന്നലത്തെ മനോരമയുടെ ഞായറാഴ്ചയില് കണ്ടു. ലേഖകന് എം കെ കുര്യാക്കോസ്. മികച്ച ചിത്രത്തിനുള്ള സംസ്ഥാന അവാര്ഡ് നേടിയ വാസന്തിയുടെ സംവിധായകരായ ഷിനോസ് റഹ്മാന്, സജസ് റഹ്മാന് എന്നിവരെ കുറിച്ചാണ് എഴുത്തു. തമിഴിലെ പ്രമുഖ എഴുത്തുകാരന് ഇന്ദിര പാര്ത്ഥസാരഥിയുടെ പോര്വേ ചാര്ത്തിയ ഉടല്കള് (പുതപ്പു പുതപ്പിച്ച ശരീരങ്ങള്) എന്ന കഥയിലെ കഥാപാത്രമാണ് വാസന്തി എന്ന് സംവിധായകര് പറയുന്നു.
2010 ല് വാസന്തി നാടകരൂപത്തില് ആക്കിയെന്നും രംഗത്ത് അവതരിപ്പിച്ചെന്നും പറയുന്നുണ്ട്. ആ കഥാപാത്രത്തില് സിനിമക്കുള്ള സാധ്യത കണ്ടെത്തി ഇപ്പോള് വാസന്തി എന്ന സിനിമ വന്നിരിക്കുന്നു. പോര്വേ ചാര്ത്തിയ ഉടല്കള് ഐപിയുടെ പ്രസിദ്ധ നാടകമാണ്. കഥയല്ല.
മറ്റൊരു ഭാഷയിലെ പ്രഗത്ഭനായ ഒരു എഴുത്തുകാരന്റെ നാടകം സിനിമയാക്കുമ്പോള് സാമാന്യ മര്യാദ അനുസരിച്ച് അദ്ദേഹത്തിന്റെ അനുവാദം വാങ്ങണം. ഈ വാര്ത്ത ശ്രദ്ധയില്പ്പെട്ടപ്പോള് ഐപി എന്ന് ഞങ്ങള്, സുഹൃത്തുക്കള് വിളിക്കുന്ന ഇന്ദിര പാര്ത്ഥസാരഥിയെ വിളിച്ചു ഞാന് ചോദിച്ചു, ആരെങ്കിലും താങ്കളെ കഥക്ക് സമീപിച്ചിരുന്നോ അനുവാദം ചോദിച്ചിരുന്നോ.
മലയാളത്തില് നിന്ന് ആരെങ്കിലും വിളിച്ചാല് ഐപി എന്നെ വിളിക്കും. കാരണം കേന്ദ്ര അക്കാദമി അവാര്ഡ് ലഭിച്ച കുരുതിപ്പുനല് ഉള്പ്പെടെ മൂന്നു നോവലുകളും കുറെ കഥകളും ഞാനാണ് മലയാളത്തിലേക്ക് മൊഴിമാറ്റം നടത്തിയത്. അദ്ദേഹം, പറഞ്ഞു, ‘എന്നെ ആരും വിളിച്ചില്ല.
90 വയസ്സായ ഞാന് ഇപ്പോഴും ഇവിടെ ജീവിച്ചിരിപ്പുണ്ട് എന്ന് അവരോട് പറഞ്ഞേക്കു.’ (വര്ഷങ്ങള്ക്കു മുന്പ് കുരുതിപ്പുനല് ഐപിയുടെ അനുവാദമില്ലാതെ ദേശാഭിമാനി ഓണപ്പതിപ്പില് പ്രസിദ്ധീകരിച്ചു. കൂടാതെ ചിന്ത അത് അനുവാദമില്ലാതെ തന്നെ പുസ്തകമാക്കുകയും ചെയ്തു.
ഡല്ഹി യൂണിവേഴ്സിറ്റിയില് പഠിപ്പിക്കുന്ന കാലത്തു നേരില് കണ്ടപ്പോള് ഇ എം എസ് നമ്ബൂതിരിപ്പാടിനോട് അക്കാര്യം പറഞ്ഞപ്പോള് അദ്ദേഹം തമാശരൂപത്തിലാണ് അതെടുത്ത്. അത് തന്നെ വേദനിപ്പിച്ചെന്നു അദ്ദേഹം പറയുമായിരുന്നു. ഐപിക്ക് പ്രതിഫലം വേണ്ട.
പക്ഷേ മര്യാദക്ക് വിവരം അറിയിക്കാമല്ലോ. ഇതിനെയാണ് മോക്ഷണം എന്ന് നാം സാധാരണ പറയാറ്. വാസന്തിയുടെ കാര്യത്തിലും അതാണ് സംഭവിച്ചത്. തികഞ്ഞ മോക്ഷണം. അദ്ദേഹം സര്ക്കാരിനെ ഇക്കാര്യം അറിയിച്ചാല് മികച്ച ചിത്രത്തിനുള്ള അവാര്ഡ് സ്വീകരിക്കാനാവുമോ കഥയും കാലവും സന്ദര്ഭവും മാറ്റി വാസന്തി പിറന്നു എന്നാണ് ഉളുപ്പില്ലാതെ അവര് പറയുന്നത്.
കഥാപാത്രത്തിന്റെ പേര് പോലും മാറ്റാന് വാസന്തിക്കാര്ക്കു ആയില്ല. (ഐപിയുടെ ഉച്ചിവയില് എന്ന കഥയാണ് കെ എസ് സേതുമാധവന് മറുപക്കം എന്ന പേരില് 1992 ല് സിനിമയാക്കിയത്.
തമിഴ് സിനിമാലോകത്തെ ആദ്യത്തെ സ്വര്ണ കമല് ആ ചിത്രത്തിനായിരുന്നു.) ഇത്തരത്തിലുള്ള മോഷണങ്ങള് മലയാള സിനിമയുടെ യശ്ശസ്സിനു അപമാനകരമല്ലേ – പോസ്റ്റില് പറയുന്നതിങ്ങനെ.
അതേസമയം സിനിമ കോപ്പിയടിയാണെന്ന ആരോപണം അടിസ്ഥാന രഹിതമാണെന്ന് നിര്മ്മാതാവും നടനുമായ സിജു വില്സണ് പ്രതികരിച്ചു. ആരോപണമുന്നയിക്കുന്നവര് സിനിമ രണ്ടിട്ട് പ്രതികരിക്കണമെന്നാണ് സിജു പറയുന്നത്.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.