കെ.അരവിന്ദ്‌
പുകവലിക്കുന്നവര്‍ക്ക്‌ ആരോഗ്യ ഇന്‍ഷുറന്‍സ്‌ കിട്ടില്ല എന്ന ഒരു തെറ്റിദ്ധാരണ പൊതുവെയുണ്ട്‌. എന്നാല്‍ ഈ തെറ്റിദ്ധാരണയില്‍ നിന്ന്‌ വിരുദ്ധമായി പല ആരോഗ്യ ഇന്‍ഷുറന്‍സ്‌ കമ്പനികളും പുകവലിക്കുന്നവര്‍ക്ക്‌ പോളിസി അനുവദിക്കുന്നുണ്ട്‌. പക്ഷേ പുകവലിക്കുന്നവര്‍ക്ക്‌ പോളിസി കവറേജ്‌ ലഭ്യമാകണമെങ്കില്‍ ഉയര്‍ന്ന പ്രീമിയം നല്‍കേണ്ടി വന്നേക്കാം. പുകവലിക്കുന്നവര്‍ക്ക്‌ പുകവലിക്കാത്തവരേക്കാള്‍ ജീവിതശൈലി രോഗങ്ങള്‍ ബാധിക്കാനുള്ള സാധ്യതയുണ്ട്‌ എന്നതിനാലാണ്‌ പ്രീമിയം വര്‍ധിക്കുന്നത്‌.
പുകയില ഏതെങ്കിലും തരത്തില്‍ ഉപയോഗിക്കുന്നയാളെയാണ്‌ `സ്‌മോക്കര്‍’ എന്ന ഗണത്തില്‍ ഇന്‍ഷുറന്‍സ്‌ കമ്പനികള്‍ പെടുത്തുന്നത്‌. പുകയില ഉപയോഗം എത്രത്തോളമുണ്ടെന്ന്‌ കണ്ടെത്തുന്നതിനായി ഇന്‍ഷുറന്‍സ്‌ കമ്പനികള്‍ വൈദ്യപരിശോധന നടത്തുകയും അതിന്റെ അടിസ്ഥാനത്തില്‍ കവറേജിനുള്ള പ്രീമിയം നിര്‍ണയിക്കുകയും ചെ യ്യുന്നു. പുകയിലയുടെ അംശം രക്തത്തിലോ ഉമിനീരിലോ മൂത്രത്തിലോ തലമുടിയിലോ കണ്ടെത്താനാകും. ശരീരത്തില്‍ പുകയിലയു ടെ അംശം നിലനില്‍ക്കുന്നതിന്റെ സമയ ദൈര്‍ഘ്യം ഒരു വ്യക്തി എത്രത്തോളം പുകവലിക്കാറുണ്ടെന്നതിനെയും പ്രായത്തെയും പൊ തുവെയുള്ള ആരോഗ്യത്തെയും ആശ്രയിച്ചിരിക്കുന്നു.
ആരോഗ്യ ഇന്‍ഷുറന്‍സ്‌ പോളിസിയുടെ അപേക്ഷ പൂരിപ്പിച്ചു നല്‍കുമ്പോള്‍ `നിങ്ങള്‍ പുകവലിക്കാറുണ്ടോ’, `ആറ് മാസത്തിനിടെ പുകവലിച്ചിട്ടുണ്ടോ’ തുടങ്ങിയ ചോദ്യങ്ങള്‍ക്ക്‌ ഉത്തരം നല്‍കേണ്ടതുണ്ട്‌. പുകവലിക്കാറുണ്ട്‌ എന്നാണ്‌ ഉത്തരമെങ്കില്‍ വലിക്കുന്ന സിഗരറ്റുകളുടെ എണ്ണം, പുകവലി മൂലം ആരോഗ്യപ്രശ്‌നങ്ങളുണ്ടെങ്കില്‍ അതിന്റെ വിവരങ്ങള്‍ തുടങ്ങിയവ വെളിപ്പെടുത്തിയിരിക്കണം. ഇന്‍ഷുറന്‍സ്‌ കമ്പനി ആവശ്യപ്പെടുന്നതിന്‌ അനുസരിച്ച്‌ വൈദ്യ പരിശോധനക്കും വിധേയമാകണം.
പ്രായം, കവറേജ്‌ തുക തുടങ്ങിയ ഘടകങ്ങള്‍ കൂടി കണക്കിലെടുത്താകും പ്രീമിയം നിര്‍ണയിക്കുന്നത്‌. പുകവലിക്കുന്ന ശീലമുള്ളവര്‍ അത്‌ വെളിപ്പെടുത്തുകയും വൈദ്യ പരിശോധനക്ക്‌ വിധേയമാവുകയും ചെയ്‌താല്‍ ഭാവിയില്‍ ക്ലെയിം ഉന്നയിക്കുമ്പോള്‍ ഉണ്ടാകാവുന്ന തര്‍ക്കങ്ങള്‍ ഒഴിവാക്കാം. പോളിസി എടുത്തതിനു ശേഷം വലിക്കുന്ന സിഗരറ്റുകളുടെ എണ്ണം കൂടുകയോ ആരോഗ്യസ്ഥിതി പുകവലി മൂലം മോശമാവുകയോ ചെയ്‌താല്‍ അക്കാര്യം ഇന്‍ഷുറന്‍സ്‌ കമ്പനിയെ അറിയിക്കേണ്ടതുണ്ട്‌.
ആരോഗ്യസ്ഥിതി കണക്കിലെടുത്താണ്‌ പോളിസി അനുവദിക്കുന്നതു സംബന്ധിച്ച്‌ ഇന്‍ഷുറന്‍സ്‌ കമ്പനി തീരുമാനിക്കുന്നത്‌. പ്രമേഹം, ഉയര്‍ന്ന രക്തസമ്മര്‍ദം തുടങ്ങിയ ജീവിതശൈലി രോഗങ്ങള്‍ നിലവിലുണ്ടെങ്കില്‍ പ്രീമിയം ഉയരാന്‍ സാധ്യതയുണ്ട്‌. പുകവലിക്കുന്നവര്‍ക്ക്‌ ടൈപ്‌ 2 പ്രമേഹരോഗമുണ്ടെങ്കില്‍ പോളിസി നിഷേധിക്കപ്പെട്ടേക്കാം.
നിലവില്‍ മറ്റ്‌ രോഗങ്ങളൊന്നുമില്ലെങ്കില്‍ പ്രതിദിനം ഏതാനും സിഗരറ്റുകള്‍ മാത്രം വലിക്കുന്നവര്‍ക്ക്‌ പോളിസി ലഭ്യമാകാന്‍ ബുദ്ധിമുട്ടുണ്ടാകില്ല. അതേ സമയം ദിവസത്തില്‍ ഇരുപതിലേറെ സിഗരറ്റുകള്‍ വലിക്കുന്ന ഒരാള്‍ക്ക്‌ പോളിസി ലഭ്യമാവുക എളുപ്പമായിരിക്കില്ല.
പുകവലിക്കുന്നവര്‍ക്കും പുകവലിക്കാത്തവര്‍ക്കും ഒരേ പ്ലാന്‍ തന്നെയാണ്‌ അനുവദിക്കുന്നത്‌. പ്രീമിയത്തില്‍ അന്തരമുണ്ടാകുമെന്ന്‌ മാത്രം. പ്രതിദിനം പത്തിലേറെ സിഗരറ്റ്‌ വലിക്കുന്നവരുടെ പ്രീമിയം ഉയരാന്‍ സാധ്യതയുണ്ട്‌. ഭാവിയില്‍ പുകവലി ഒഴിവാക്കുകയാണെങ്കില്‍ പ്രീമിയത്തില്‍ ഇളവ്‌ ലഭിക്കാവുന്നതാണ്‌. പുകവലി ഒഴിവാക്കി രണ്ട്‌ വര്‍ഷമെങ്കിലും കഴിഞ്ഞാല്‍ മാത്രമേ ഈ പരിഗണന കിട്ടുകയുള്ളൂ. അതേ സമയം ചില ഇന്‍ഷുറന്‍സ്‌ കമ്പനികള്‍ ആരോഗ്യ പ്രശ്‌നങ്ങളൊന്നുമില്ലാതിരിക്കുകയും മിതമായി മാത്രം പുകവലിക്കുകയും ചെയ്യുന്നവര്‍ക്ക്‌ അധിക പ്രീമി യം ഈടാക്കുന്നില്ല.
പ്രീമിയം കൂടുതലാണെന്നതു കൊണ്ട്‌ പുകവലിക്കുന്നവര്‍ ആരോഗ്യ ഇന്‍ഷുറന്‍സ്‌ എടുക്കാതിരിക്കരുത്‌. പുകവലിക്കുന്നവര്‍ക്ക്‌ ജീവിതശൈലി രോഗങ്ങള്‍ ബാധിക്കാനുള്ള സാധ്യത കൂടുതലാണെന്നതിനാല്‍ കവറേജ്‌ തീര്‍ച്ചായായും ഉറപ്പുവരുത്തണം.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്‌കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്‌കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്‌കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്‌കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.